Video
Read full review
2023-07-21
4201 views
前排去咗食生日飯🎂終於有機會嚟到剛翻新重開不久嘅麗晶酒店，據聞（唔係我年代嘅嘢🤣）前身嘅洲際酒店非常傳奇，係香港嘅地標之一，所以重開之後都好想拜會一下😎嚟到地下嘅The Steak House，窗邊可以望到無敵海景，燈光調暗，整體環境型格之餘亦有情調🥰個menu係會發光💡💡Free flow salad bar位置會望到open kitchen，仲有一個熟成肉櫃同酒櫃。店員講解都幾詳細，最特別嘅係會端出精緻嘅木盒，入面放有兩款唔同嘅刀🍴可以自己揀心儀嘅刀嚟食牛扒。整個體驗都唔錯，特別場合嚟扒房慶祝都ok🫶🏼Sourdough未正式點菜前先送上sourdough🥖外脆內鬆軟有麥香，暖暖地嘅麵包剛好令牛油融化，食落好香。Canadian Lobster Bisque加入XO brandy同刁草油，質地比起平時飲到更為濃稠，有少少似yogurt個種texture，🦞龍蝦味道好濃郁，作為餐湯嚟講好rich，可以2個人share😗Salad Bar叫肉類、海鮮主菜的話加$298/pp就有free flow沙律吧🥗係呢度嘅signature。沙律吧當然唔止得沙律，雖然望落款式唔算多但貴在精😆😆有🦐
Sourdough
未正式點菜前先送上sourdough🥖外脆內鬆軟有麥香，暖暖地嘅麵包剛好令牛油融化，食落好香。
Canadian Lobster Bisque
加入XO brandy同刁草油，質地比起平時飲到更為濃稠，有少少似yogurt個種texture，🦞龍蝦味道好濃郁，作為餐湯嚟講好rich，可以2個人share😗
Salad Bar
叫肉類、海鮮主菜的話加$298/pp就有free flow沙律吧🥗係呢度嘅signature。沙律吧當然唔止得沙律，雖然望落款式唔算多但貴在精😆😆有🦐海鮮冷盤、🍖風乾火腿、🧀唔同品種芝士、🍈蜜瓜等等。沙律嚟講都有唔少較特別嘅款式如大片radish、冰菜。冷盤有醬油漬三文魚、芝麻吞拿魚、凍蝦配蕃茄salsa等，醬油漬三文魚醃到似啫喱狀幾特別😋另外尤其喜歡鴨肝批😍😍極為甘香嘅鴨肝加上凍肉同酥皮，味道口感皆豐富😚數款火腿質素都唔錯，好似24個月風乾火腿富鹹香。芝士款式都令人大開眼界🤩🤩每樣各有特色，有啲富奶香、有啲就夠軟滑，樣樣試少少都夠滿足🤪
Bone Marrow
好少可見到牛骨髓，嚟到見到，明知好肥膩都要試試😏😏牛骨髓放上蒜蓉等調味同麵包糠焗至外層香脆，內裡骨髓軟滑，牛嘅油脂香十足😙超級邪惡😈😈好在味道帶點辛辣感，將膩感稍稍減低，連埋baugette食更添層次。
Mayura Farm/Australia Full Blood Wagyu M9+ Flat Iron 12oz
呢度有意大利、西班牙、美國各地精選較上乘嘅牛肉部位，仲有澳州M9和牛、日本和牛同韓牛，全部都好矜貴😎😎原以為flat iron一般會偏瘦，口感會較實，但由於係M9和牛關係，油脂感極為突出，一咬就感受到油花豐腴嘅感覺💦邪惡度不輸日本和牛，建議share。簡單煎香🔥再按喜好點少許mustard、竹炭鹽、柚子鹽或pink salt已經ok。
USDA Certified Super Prime Beef/USA Chateaubriand 20oz
Sharing size份量十足🤣屬於牛肉中較矜貴嘅部位之一，熟成時會將整卷肉用繩扎實，所以煎完會見到表面有坑位。外面焦香，食到炭香味😻帶有肉嘅咬口；中間卻超級粉嫩，色澤好靚👏🏻完全唔會有血水嘅痕跡，反而非常軟腍且有濃郁肉香😽😽但係因為太大份，每件都份量十足，即使share嚟食都食唔晒，真係唔好眼闊肚窄呀🤣
Grilled Asparagus, Farm Garlic Broccoli
食牛扒總會叫少少side dishes配襯一下，兩款蔬菜都極爽脆，味道較清淡，適合配濃味嘅牛扒。不過既然已叫咗salad bar，呢兩個side dishes又唔算特別推介，不試也無妨😂
Michter’s Bourbon Souffle (Orange confit, vanilla ice cream)
慶生點少得一個靚靚打卡able📸嘅甜品，即使幾飽都願意食🤪梳乎厘帶些微蛋香，口感fluffy，有空氣感但唔會輕如無物👍🏻底下有唔少糖漬橙皮茸🍊酸酸甜甜，甜度中挺又唔會太甜膩。另外配雪糕🍦雖然餐牌寫住雲尼拿但有趣地杏仁味非常突出，好過單純雲尼拿味😋底下有唔少脆口crumbles都幾好食。
人均消費：$1300
推介指數（10分為滿分）：8分
Post
