Read full review
2022-05-09
1401 views
結論:呢間嘢真心擺明呃錢 ,上菜慢狂漏單,好多野一坐低(我地食晚市第一輪),已經賣晒不特止,叫左嘅嘢催極都唔黎,啲店員亦唔係好誠實,行政混亂,最後有人報警投訴店家。呢度正評唔知係咪打手。(以下詳情略長,但真係希望可以講清楚個情況,令到唔好有人再比呢間嘢呃)訂位混亂1. 喺tapnow 見到佢做緊95折優惠,就訂位慶祝母親節,點知咁唔好彩遇上呢次極不愉快的用餐經驗,第一次遇上食野食到有人因為同店方糾紛(而唔係打架)而要報警投訴,仲要唔止一枱。當然以後唔會再嚟呢間嘢,亦唔會再喺tapnow訂嘢,新聞都有話,依家網上騙案多2. 一開始訂座已經好混亂,tapnow上面寫住起碼早3日訂,咁我早3日喺openrice訂位,亦確認左。但因為tapnow寫住要打電話確認,所以就諗住穩陣啲再打電話確認訂位,廢事母親節慶祝最後要狼狽咁搵過第二間。點知打兩個餐廳電話都冇人聽。晏啲再打去,我話我tapnow買左餐,openrice訂左位寫明tapnow優惠,佢一開始同我講tapnow無得訂啦,我話我已經早3日訂,佢又話假期訂位無得用,但我同佢講,tapnow優惠券上無咁寫,亦無話訂位果日唔用得。佢最後話得,咁
(以下詳情略長,但真係希望可以講清楚個情況,令到唔好有人再比呢間嘢呃)
訂位混亂
1. 喺tapnow 見到佢做緊95折優惠,就訂位慶祝母親節,點知咁唔好彩遇上呢次極不愉快的用餐經驗,第一次遇上食野食到有人因為同店方糾紛(而唔係打架)而要報警投訴,仲要唔止一枱。當然以後唔會再嚟呢間嘢,亦唔會再喺tapnow訂嘢,新聞都有話,依家網上騙案多
2. 一開始訂座已經好混亂,tapnow上面寫住起碼早3日訂,咁我早3日喺openrice訂位,亦確認左。但因為tapnow寫住要打電話確認,所以就諗住穩陣啲再打電話確認訂位,廢事母親節慶祝最後要狼狽咁搵過第二間。點知打兩個餐廳電話都冇人聽。晏啲再打去,我話我tapnow買左餐,openrice訂左位寫明tapnow優惠,佢一開始同我講tapnow無得訂啦,我話我已經早3日訂,佢又話假期訂位無得用,但我同佢講,tapnow優惠券上無咁寫,亦無話訂位果日唔用得。佢最後話得,咁我同你confirm返booking
3. 過左一日佢取消我openrice booking,咁我打電話去問,話佢咁混亂,究竟而家有訂定無訂,佢都話呢幾日係好混亂,而家幫我落返booking 簿
食物不足 擺明車馬呃錢
4. 有啲食物從來無出現過:佢分ABC餐,C餐($330)最貴,貴過B餐成差唔多一百蚊($254),我地揀左C餐,因為多左海膽刺身,想母親節食好啲。但5點10分入座,一入到去海膽刺身就售罄。另外有幾樣嘢都無,例如炸鮮奶,椰汁流心球。咁其實要幾點黎食先有?定係從來都沒有?
5. 有啲食物叫左都從來無上過:即使比你落左單,都未必食到。由5:1x分叫左第一輪牛舌,到之後叫多左兩輪,結果坐到7點幾都無上過黎。期間叫左啲職員睇左2次有咩未黎,第一次6點左右叫左個後生仔,淨係點點頭,當然係無回頭啦,無幫我地跟。第二次6:30左右叫左個呀叔,佢話會幫我哋跟,結果不了了之。另外叫左小龍蝦、黃金醬燒帆立貝、雞翼,通通都無黎過。
6. 上左嘅食物亦有漏單:叫8件鮑魚佢淨係黎4件,你叫幾多件佢都係隨心比幾件你,真正嘅廚師發板。份量亦同圖片有出入,例如蟹粥。
7. 自取食物永不添加:自己出去拎嘅嘢食唔多好食,熱食得葡撻同薯格,另外有一款湯同一款糖水。啲葡撻同薯格仲有湯大約6點就無晒,到7點幾走果時佢都冇加過,啲甜品得十款以內,當然亦都係從來無加
職員不誠實/求其 無服務
8. 唔會跟單:上面講左
9. 唔誠實/求其:tapnow換領券寫住4人或以上可以換香檳一枝,我第一次問個著制服啊叔,佢話佢第一日返工唔知,搵左個著便服阿嬸同我講,阿嬸話你5點入座所以無。我睇返成份換領券啲細則都無寫,後尾埋單時唔知係咪因為嗰時已經有人報警,個收銀就話有,比返枝香檳我地。唔係話貪你枝$108嘅香檳,而覺得打開門做生意要誠實(或者唔好咁求其,乜都講左無先),嘢食你話一開晚市就賣晒我都算,最多呻自己笨,去左間乜都無得嘅放題,但白字黑字寫明你都可以話無,咁係咪違反商品說明條例?
10. 拖慢工作速度,唔上食物:好多店員浄係行行企企,就算上菜有好多時係兩隻手拎一碗嘢,甚至有見過係一個人拎一個盤,盤上得一碟嘢,嗰碟野得一件壽司,亦有一個人係一隻手拎一樽仔鼓油(但留意佢地係有盤的,而其實地方係夠大比佢地推車)。唔知呢間嘢其實係入貨唔夠,所以乜都話賣晒,上菜亦慢慢上,等啲人等到自己走。叫個蟹粥都係成半個鐘都未到,舀出黎有幾難?你咁多人手係度做乜?
總結:餐廳入面有好多枱客催單,但就算嘈都係無用。埋單果時發現有位正義之士報左警,亦見有另一個枱嘅斯文後生仔同警員講返餐廳個聲稱負責人依家報左警就唔見左人。真心希望呢間餐廳從此以後唔會或無機會再呃人。有啲一家大細十幾人無嘢食,淨係可以望住啲店員等完又等,又太斯文唔敢同餐廳嘈(不過嘈都係咁,唔會理你,有人直情行出位搵啲店員叫佢比啲天婦羅佢,結果都係無),本來放假開開心心一家人食嘢,真係㦸佢地慘,好彩有熱心市民報警。要食客食完因為餐廳服務而報警,犧牲自己寶貴嘅時間,可想而知呢間嘢係點。
公平啲講,佢個海景係ok嘅,不過其實樓下譚仔價錢只係十分一,都可以睇到海景。
食物(有上果啲)就一般,不過有屋企人食到肚屙。
PS 原來openrice好和諧,唔可以形容餐廳為黑x或x 店。果然係公信力一流嘅網站。
Post