品悦軒

Open Now

Now Closed

今晚結婚週年慶祝揀左呢間近屋企的，原本貪方便和新鮮感，冇太大期望，一個星期前訂左4位，自己最早到，全間餐廳我係第一個客人，招呼不錯，主動給我任選座位和茶水。環境十分安寧，佈置幽雅。到齊人後點了幾個小菜，加半隻片皮鴨。第一個來的餸係糖醋魚，皮脆肉嫩，十分好吃，之後的每道都有水準，醬爆鷄丁，小籠包，上湯雲吞，都給我們4個掃清。最後是片皮鴨出場，我一個就吃了五片，家人都吃得津津有味呢！總括而言，性價比一流，是晚吃得痛快，多謝哂。