大戶屋 (Closed)

老友wedding前約埋班兄弟商量大計接新娘，臨急臨忙下揾到呢間有位就順便入嚟試試。其實成班佬都係至在有個地方坐埋一齊商量對策，好少人好似我咁柯哥去care d嘢食質數，但民以食為天，點可以唔care 食物quality,係米先？今次我叫了一盒窩蛋燒雞飯，而我隔離個人就叫了碟燒汁漢堡扒。我們一枱八人，八個定食幾乎同一時間在十五分鐘內送上。先說食物水平，基本上冇什驚喜，和其他一眾日式餐廳一樣，但定食價錢要成一百完，小食種類又不多，怪不得和民的人龍這樣長了。唔知係唔係要等全枱食物一齊送上的關係，我叫的燒雞扒過憹，食落去有很大炭味，叫炭憢會比較貼切。雞皮又燒得不夠脆，雞肉又有點兒overcooked，食落d肉有点過老，失敗之作！本以為這盒雞飯已可代表這店水平，又唔係喎。我偷食了隔離個人叫的汁燒burger，味道又ok喎，有點mos burger影子，ok合格啦。總括而言，食物質數有待改善，食店宜加考慮增加小食種類。