媽不在家

Open Now

Now Closed

Mum's Not Home 嘅佈置充滿住vintage嘅感覺，只提供蛋糕同飲品。佢位於油麻地橫街嘅唐樓，樓下門口唔太顯眼，如果唔係貼咗cafe嘅海報，我哋都可能揾唔到。沿樓梯上1樓，牆壁都可以見到同款嘅海報，梯間比較昏暗同破舊，所以上黎嘅時候比較驚。去到1樓左邊嘅鐵閘就係cafe嘅門口，㩒鐘之後店員就會黎開門。一入到去聞到陣煙味。店舖面積唔大，一入到去見到放有衫同飾物擺賣，再行入去就係用餐區。飲品嘅器皿幾特別，有東南亞嘅感覺，如果要熱飲記得落單時告知店員。藍人的祕蜜 ($50)其實就係蝶豆花茶加蜜糖，所以飲落甜甜哋，表面再放香葉同冰塊。因為酸鹼度嘅問題，加入青檸之後蝶豆花茶會由藍色變咗紫色，飲落有檸蜜嘅味道。藍人祕蛋 ($55)蛋糕嘅味道比較酸，類似乳酪嘅味道。食埋蛋糕入面嘅莓仲酸。玫莓醬蛋 ($55)冇藍人祕蛋咁酸，正常紐約芝士餅嘅味。