東歐餐廳

自從餐廳上左網上節目後就好full，冇訂位下好好彩6點半walkin有位，基本上整段用餐時間都坐無虛席! 餐廳佈置極具異國色彩，家庭式經營兩母女皆在舖內好有親切感！烏克蘭香煎薯餅$883-4 個人用餐時可以share嘅小食……從口感及味道上食得出同平時早餐食到嘅有分別，食得薯仔混合左麵粉令口感上冇早餐個隻咁鬆散，而且仲咬到薯仔粒，旁邊有酸忌廉愛點嚟食，都幾特別！招牌芝士焗牛脷盅$98😋必食！店員好細心等我們影相後就將外層酥皮剪得細細塊方便我地點盅入面大量嘅芝士，牛脷雖然厚厚地又一粒粒但係整得好林，酥皮連芝士連牛脷一齊食係最完美嘅配搭！焗蘋果鴨胸$238呢個組合幾有趣，好大份，但味道未去到有意料之外嘅驚喜……烏克蘭風味蜂蜜蛋糕$68😋好鍾意呢個cake，充滿蜂蜜嘅自然甜味，甜度適中，口感紮實，on top有少少果仁碎。