薩莉亞意式餐廳 (現崇山商場) (Closed)

行開黃大仙都會去薩莉亞食dinner，果度上菜快而且又平又好食。唯一的缺點就係繁忙時段真係非常多人！雖然去當日係假期，不過可能早入席關係好快便有位子。睇到餐牌有新菜單「黑松露野菌忌廉意大利粉」，係我嘅至愛黑松露！二話不說即點。黑松露一點都唔少，熱哄哄一上台就聞到陣陣黑松露獨有嘅香氣。連唔食黑松露嘅男友都讚好食！黑松露配搭野菌真係絕配，加埋淡淡地嘅忌廉，令人食慾大開！我地點了「煙肉菠蘿配辣腸雙享薄餅」，味道一般。餅底不算厚，但粉味有點重，兩款pizza味道亦一般般。還好芝士還能拉絲。不過下次不會回購了！之後兩個菜是薩莉亞的必食推介！分別是「黑椒汁漢堡」及「蒜蓉焗田螺」。薩莉亞的黑椒汁不算太刺激，一般不好辣的朋友亦接受到。而且漢堡的肉汁多，咬口煙韌。隨餐仲有蛋、栗米及薯條，都只需HKD$32，性格比超高。最緊要真係好好食！！又平又美味嘅心水推薦！而「蒜蓉焗田螺」仲係餐廳的人氣食品，分量不算多。大量的蒜蓉配以田螺，不但不會搶去田螺本身的鮮味，反而增加了多一層味覺得享受！以HKD$28的價錢而言，田螺size已不算少。每次我都可以一個人食曬佢。