Video
Read full review
2024-09-21
201 views
Y2K風韓式餐廳😋難得星期六放假，今晚決定同另一半去遠D覓食，最後過左來諾士佛臺食晚餐，今次就食左間Y2K風的韓國餐廳 - 啤啤Bear韓國包車🚙餐廳都幾大，係有鐵桶座位既韓國餐廳，裝修充滿Y2K風，周圍都係玩味十足既粉紅心心💗同啤啤熊裝飾，相當青春。另外仲有好多籃球機、街機裝飾，打卡影相一流啊！餐牌得一張，但應有盡有，例如韓式炸雞、炸醬拉麵、煎蛋卷等等，睇到我都花多眼亂；加上可能好耐都無食韓國野，好似樣樣都想食咁。加上一坐低侍應姐姐已經俾左辣泡菜同辣芽菜俾我地，搞到已經菜未叫嘴先動😂不過泡菜同辣芽菜相當好味，九成似係韓國當地食個D，夠鹹辣！最後我地分別叫左四款野食同兩杯野飲，野飲就叫左粉紅西柚特飲🍹同蜂蜜檸檬特飲🍯味道上就粉紅西柚甜D，蜂蜜檸檬就清爽D，各有各特色。Butter x Garlic無骨炸雞牛油味唔算重，蒜味略顯淡D，如果唔係重口味人士一定OK！炸粉唔厚，雞肉多汁，相當唔錯啦！同埋份量都唔少，真係有D意外！大發！芝士鐵板黑松露炸醬拉麵好鬼認真咁俾左個gas爐上來整融D芝士，個麵本身一上來未整熱已經好香黑松露味，整熱之後更香，撈麵芝士無得彈🫰🏻同埋個麵軟硬度適中，加埋芝士無
難得星期六放假，今晚決定同另一半去遠D覓食，最後過左來諾士佛臺食晚餐，今次就食左間Y2K風的韓國餐廳 - 啤啤Bear韓國包車🚙
餐廳都幾大，係有鐵桶座位既韓國餐廳，裝修充滿Y2K風，周圍都係玩味十足既粉紅心心💗同啤啤熊裝飾，相當青春。另外仲有好多籃球機、街機裝飾，打卡影相一流啊！
餐牌得一張，但應有盡有，例如韓式炸雞、炸醬拉麵、煎蛋卷等等，睇到我都花多眼亂；加上可能好耐都無食韓國野，好似樣樣都想食咁。加上一坐低侍應姐姐已經俾左辣泡菜同辣芽菜俾我地，搞到已經菜未叫嘴先動😂不過泡菜同辣芽菜相當好味，九成似係韓國當地食個D，夠鹹辣！
前菜-辣泡菜+辣芽菜
27 views
0 likes
0 comments
最後我地分別叫左四款野食同兩杯野飲，野飲就叫左粉紅西柚特飲🍹同蜂蜜檸檬特飲🍯味道上就粉紅西柚甜D，蜂蜜檸檬就清爽D，各有各特色。
粉紅西柚特飲🍹&蜂蜜檸檬特飲🍯
$58
11 views
0 likes
0 comments
Butter x Garlic無骨炸雞
牛油味唔算重，蒜味略顯淡D，如果唔係重口味人士一定OK！炸粉唔厚，雞肉多汁，相當唔錯啦！同埋份量都唔少，真係有D意外！
Butter x Garlic無骨炸雞
$158
21 views
0 likes
0 comments
炸雞好多汁
$158
8 views
0 likes
0 comments
大發！芝士鐵板黑松露炸醬拉麵
好鬼認真咁俾左個gas爐上來整融D芝士，個麵本身一上來未整熱已經好香黑松露味，整熱之後更香，撈麵芝士無得彈🫰🏻同埋個麵軟硬度適中，加埋芝士無敵！我地係秒清左個拉麵😅
大發！芝士鐵板黑松露炸醬拉麵
$98
22 views
0 likes
0 comments
大發！芝士鐵板黑松露炸醬拉麵
$98
25 views
0 likes
0 comments
小食拼盤
可能係前面兩個太驚艷，小食拼盤好似有D比下去；雖然種類都豐富，有炸餃子、炸菜粉絲卷、炸年糕、炸魷魚圈各兩件，額外仲有小量薯條。味道還可以，但兩個人如果唔係大食量未必一定要點。
小食拼盤
$88
7 views
0 likes
0 comments
海鮮煎蛋卷
海鮮卷個樣相當飽滿，上面滿滿蟹籽，切開亦都熱辣辣，仲有海鮮tim～份量比想像中大份，不過如果同平日既芝士餡比……我都係會食返芝士🤪
海鮮煎蛋卷
$138
5 views
0 likes
0 comments
最後兩個人食到摸住個肚走，超級豐富；由於太飽了，未有機會食個米酒冰沙，下次再來食過😋
Post
