Video
Read full review
2023-12-07
2770 views
相信有唔少人幫襯呢間餐廳都係因為睇咗YouTube某個Channel嘅介紹，我都唔例外。餐廳位置比較吊腳，天后站要行大約7分鐘先到。餐廳門口嗰自動門制係壞左既。環境 3/5 典型嘅小店格局，不過廁所空間真係好有限，基本上轉身係會掂到馬桶。服務 4/5餐廳得一位侍應，有禮貌，亦都有耐心介紹菜式，但感覺有少少公式化。食物3/5類似omakase 形式，事前唔會知道食咩或者有幾多道菜。頭盤 海鮮頭盤 4/5有地中海蝦，芒果蟹肉，炸蝦丸，BB 鰻魚幾樣食材都好新鮮，配搭構思都好蝦軟糯，蟹肉鮮甜，蝦丸釀入左帶子粒增加口感。鰻魚經過煙燻，同平時蒲燒鰻魚食落去有唔同嘅感覺。海鮮湯 4/5大廚本身鍾意出海捕魚，呢個海鮮湯係佢每朝用捕獲嘅海鮮煲出黎。個湯嘅基底好似龍蝦湯，但會有更多唔同海鮮嘅鮮味。配料就有一隻蟶子，同埋啲魚肉。個人認為如果有埋蝦肉，蟹肉或者係帶子會更加好。海膽醬意粉配帶子 1.5/5個海膽醬有啲唔新鮮海膽嘅味道，之後問返原來係用海膽醬，但相信內貨嘅品質都普通。意粉質地唔錯，帶子得一粒，同埋個面煎得唔夠香脆。煙燻乳鴿 3/5出嚟個效果賣相幾靚，煙熏味香，乳鴿肉質尚算嫩滑，但個人比較喜歡燒乳
餐廳位置比較吊腳，天后站要行大約7分鐘先到。餐廳門口嗰自動門制係壞左既。
環境 3/5
典型嘅小店格局，不過廁所空間真係好有限，基本上轉身係會掂到馬桶。
服務 4/5
餐廳得一位侍應，有禮貌，亦都有耐心介紹菜式，但感覺有少少公式化。
食物3/5
類似omakase 形式，事前唔會知道食咩或者有幾多道菜。
頭盤 海鮮頭盤 4/5
有地中海蝦，芒果蟹肉，炸蝦丸，BB 鰻魚
幾樣食材都好新鮮，配搭構思都好
蝦軟糯，蟹肉鮮甜，蝦丸釀入左帶子粒增加口感。鰻魚經過煙燻，同平時蒲燒鰻魚食落去有唔同嘅感覺。
海鮮湯 4/5
大廚本身鍾意出海捕魚，呢個海鮮湯係佢每朝用捕獲嘅海鮮煲出黎。個湯嘅基底好似龍蝦湯，但會有更多唔同海鮮嘅鮮味。配料就有一隻蟶子，同埋啲魚肉。個人認為如果有埋蝦肉，蟹肉或者係帶子會更加好。
海膽醬意粉配帶子 1.5/5
個海膽醬有啲唔新鮮海膽嘅味道，之後問返原來係用海膽醬，但相信內貨嘅品質都普通。意粉質地唔錯，帶子得一粒，同埋個面煎得唔夠香脆。
煙燻乳鴿 3/5
出嚟個效果賣相幾靚，煙熏味香，乳鴿肉質尚算嫩滑，但個人比較喜歡燒乳鴿。
甜品拼盤2/5
感覺應該係來貨，有伯爵茶芝士蛋糕，雪芭，朱古力慕絲。這樣嘢質素都普普通通。
其實最大嘅問題就係係個餐牌嘅設計，如果加多一樣肉類成個觀感會好好多。同埋麵包係比麵包條，店員仲話係用嚟配襯個湯，但根本就同個湯完全唔夾，因為吸唔到啲湯汁。
有YouTube推介應該會吸引到唔少人幫襯，但如果食物方面保持唔到質素都好難有回頭客
53 views
0 likes
0 comments
49 views
0 likes
0 comments
37 views
0 likes
0 comments
41 views
0 likes
0 comments
40 views
0 likes
0 comments
Post
