捌壹公館 (Closed)

珍惜每次同朋友相聚既時刻，除左互相update近況，當然係食好西😛。我地都好鍾意食fushion菜，因為每一道都會有驚喜。餐廳裝修帶工業風配襯木抬櫈，店鋪唔大但勝在夠舒服，值得一讚店員好熱心介紹菜式💯。🐔孜然風味原隻單骨雞翼 $60原隻雞翼去單邊骨，比平時食既單骨雞翼大隻，啖啖肉。雞翼外皮香脆，肉質嫰滑多汁，夠入味。🍟黑松露薯條配特製黑松露蛋黃醬 $68粗薯條配黑松露蛋黃醬，薯味濃，沾埋個醬一齊食，滋味倍增。🦑🦐麻香海鮮扁意粉 $128海鮮有蝦同埋魷魚，以青醬再自家調製出麻香風味，意粉彈牙掛汁，味道清新之餘亦營造出視覺、味覺既衝擊。🐮慢煮牛肋條配香煎上海年糕 $158牛肋條分量都幾多，但要趁熱食！肉質軟腍，以黑椒汁慢煮，小小辣幾惹味。上海年糕一邊煎到香脆，另一邊保持煙韌既口感，呢個配搭幾特別。☕鮮奶桂花latte $40將桂花融入咖啡夠哂特別，Latte輕盈細滑，微微桂花香味，每一啖都甘柔不膩，齒頰留香。🥥明知茉莉花最愛是椰子 $43回甘茉莉花茶配香滑椰子奶蓋，感覺好清新，有助解膩。