包羅萬有、選擇豐富嘅自助餐係唔少人嘅心頭好，可以試齊多國菜式、大快朵頤之餘，幾多人一齊去都總會搵到啱食嘅！今次精選 10 間澳門自助餐餐廳，唔少都 CP 值高又多海鮮食。有心水嘅話不妨提早網上預約，兼留意下酒店或者網上平台有無推出特價優惠，食得更盡興！
目錄
►推介 1：新濠天地｜mezza9 Macau |
澳門自助餐推介 1： 新濠天地｜mezza9 Macau
圖：餐廳主打「與廚共饗」體驗，即食客可以到開放式廚房，選擇海鮮同烹調方法。多款生猛海鮮包括龍蝦、龍虎班、鮑魚、貝類等，而烹調方法就有避風塘、椒鹽、蒜蓉蒸等，自由度高。而且即點即煮，保證新鮮。冷盤、熱食同甜品選擇亦非常多元化。
地址：路氹城連貫公路新濠天地澳門君悅酒店3樓
電話：+853 88681920
回到目錄
澳門自助餐推介 2： 上葡京綜合度假村｜自助山 The Grand Buffet
圖：Grand Lisboa Palace Macau 澳門上葡京 Facebook
呢間餐廳就啱想食盡環球美饌同時令海鮮嘅朋友，有多款中式佳餚、東南亞美食、環球料理等，菜單亦會因應時節更新。自助晚餐更可以加購「海鮮市場」，可以無限量任食即叫即煮生猛海鮮，包括龍蝦、蟹、大蝦等。
地址：路氹城射擊路澳門上葡京綜合度假村西翼3樓308號舖
電話：+853 88811800
回到目錄
澳門自助餐推介 3： 澳門巴黎人｜巴黎人自助餐 Le Buffet
圖：Parisian Macao 澳門巴黎人 Facebook
終於等到呢間餐廳歇業後重開啦！裝修走法式瑰麗優雅風格，加上部分窗邊座位可以望到鐵塔，環境加分。自助晚餐供應多款環球佳餚，例如即開生蠔、新鮮海鮮、手握壽司。即席烹調嘅焗波士頓龍蝦、北京片皮鴨、烤肉，同旋轉木馬轉盤上面嘅法式甜點都係必食之選。
地址：路氹城路氹金光大道連貫公路澳門巴黎人地面大堂3100號舖
電話：+853 81188822
回到目錄
澳門自助餐推介 4： 澳門旅遊塔｜360°旋轉餐廳 360° Café
圖：要飽覽澳門風景，就要嚟到澳門唯一一間旋轉餐廳！位於澳門旅遊塔 60 樓，餐廳每一個半小時就會旋轉一圈，可以居高臨下欣賞 360° 靚景，有時仲會睇到有人喺 61 樓玩笨豬跳呀。自助餐方面主要提供葡萄牙菜、中菜、日本料理同海鮮，亦有小朋友最愛嘅朱古力噴泉等。
地址：南灣澳門旅遊塔會展娛樂中心60樓
電話：+853 89888622
回到目錄
澳門自助餐推介 5： 澳門皇冠假日酒店｜藍灣全日餐廳 Cafe Azure
圖：Crowne Plaza Macau 澳門皇冠假日酒店 Facebook
酒店鄰近港珠澳大橋澳門邊檢大樓，交通方便、更有 180° 海景！餐廳供應琳瑯滿目嘅各國料理，最近自助晚餐以「嚐味泰式海鮮薈萃」為主題，有即開法國生蠔、泰國熟蝦、烤乳豬、即席鐵板燒烤等美食，一試難忘。
地址：祐漢東方明珠街219號君悅灣第7座澳門皇冠假日酒店3樓
電話：+853 2888 6888，+853 2833 7878
回到目錄
澳門自助餐推介 6： 澳門漁人碼頭｜珀克餐廳 Praha Restaurant
圖：Macau Fisherman’s Wharf 澳門漁人碼頭 Facebook
餐廳裝修走東歐風格，環境舒適典雅。由行政總廚陳志勇師傅帶領嘅廚師團隊，為食客精心炮製豐盛嘅海鮮及環球美食。除咗冰鎮海鮮之外，酥皮湯同燒烤菜式都非常受歡迎。當然亦唔少得多款精美甜品，令大家可以捧腹而回。
地址：新口岸孫逸仙大馬路澳門漁人碼頭勵庭海景酒店閣樓
電話：+853 87996606
回到目錄
澳門自助餐推介 7： 澳門銀河｜名廚都匯 Urban Kitchen
圖：自助餐特設六大美食專區：海鮮區、澳葡美食區、京川粵菜區、日式美食區等，全部都由專屬名廚主理，確保出品新鮮度同美味度！招牌香烤北京填鴨用荔枝木烤製，令鴨皮同鴨肉食落帶淡淡荔枝木香氣。另外口感絲滑嘅地道港式奶茶亦係必試。
地址：路氹城「澳門銀河™」綜合度假城JW萬豪酒店1樓
電話：+853 88866228
回到目錄
澳門自助餐推介 8： 新濠影滙｜星滙餐廳 Spotlight
圖：Studio City Macau 新濠影滙 Facebook
裝修以電影為主題，放滿菲林卷擺設畀大家打卡。最近更有日式現場席切原條黃鰭吞拿魚，非常震撼！自助晚餐供應即開新鮮生蠔、翡翠螺、凍蝦、藍青口等海鮮，各位海鮮控要回本完全無難度。亦有巴西式燒烤等環球美食，同一系列甜品選擇。
地址：路氹城路氹連貫公路新濠影滙酒店明星匯2樓2113號舖
電話：+853 88656668
回到目錄
澳門自助餐推介 9： 路氹永利皇宮｜咖啡苑 Fontana
圖：餐廳從世界各地嘅知名美食市集汲取靈感，希望為客人打造自助餐新體驗。唔單止裝修華麗，大部分座位更係面向表演湖，能夠安坐其中欣賞噴泉表演。主打嘅生猛海鮮包括生蠔、長腳蟹、小龍蝦、貝類。亦有目不暇給嘅各式前菜、熱葷、甜品等。
地址：路氹城體育館大馬路永利皇宮西名店街地面層
電話：+853 88893663
回到目錄
澳門自助餐推介 10： 澳門十六浦索菲特酒店｜海風餐廳 Mistral Restaurant
圖：澳門十六浦度假村 Ponte 16 Resort Macau Facebook
由法籍行政總廚 Yvan Collet 主理，餐廳供應世界各地嘅新鮮海鮮，包括即開法國及愛爾蘭生蠔、長腳蟹、青口、凍蝦等。另一加分點係餐廳有室內及室外座位，室內走法國典雅簡約風情，室外就係池畔露天座位，感覺更悠閒寫意。
地址：新馬路巴素打爾古街澳門十六浦索菲特酒店6樓
電話：+853 88617210
回到目錄