誠昌飯店

Open Now

Now Closed

澳門氹仔官也街，出名多野食，係街中間見到有間誠昌飯店，食水蟹粥好出名，見門口唔係好多人等，一於入去食個Lunch, 我們叫了3人優惠套餐MOP$488第一個出場係水蟹粥，這個粥除了用水蟹，還有肉蟹，膏蟹一起煮，有水蟹嘅鮮甜，亦有膏蟹嘅味道第二個荷葉蒸走地雞，肉質彈牙，沒有太多脂肪，雞皮薄薄，有雞味第三個黃金蝦球，蝦炸至金黃色，加埋鹹蛋黃蓉，完全包著每隻蝦，爽口第四個鮑魚冬菇扖西蘭花，鮑魚和冬菇各4件，份量足夠，不過茨汁多了些食物不過不失，略廉價錢貴了些，試一次就夠了

誠昌飯店位於澳門氹仔，是一家以粵菜為主的中餐廳。外部招牌和店外裝潢令人印象深刻，然而，進入店內後，裝潢和設施相對較為平實和老舊。不過，誠昌飯店的菜品仍然是其亮點之一。其中，水蟹粥是必點之選。螃蟹肉質鮮嫩，湯汁濃郁鮮美，令人回味無窮。荷葉蒸走地雞也是推薦之一。使用優質走地雞，加上新鮮的草菇和荷葉蒸，令雞肉入口鮮嫩多汁，十分美味。總體而言，誠昌飯店提供了一個高品質的用餐體驗，菜品味道鮮美，值得一試。不過，店內裝潢和設施相對較為平實和老舊，可能不太符合一些人的期望。

香港好少食水蟹粥，甚至賣粥的舖頭都已經唔多。店舖擴展了，有舊舖有新舖，新舖就環境好、舊舖就服務好，可以選擇。可能因為食海鮮，所以價錢亦不低。水蟹粥- 細鍋都已經幾大鍋，應該夠3人吃，大約可以分十多個細碗。裡面有半隻水蟹，蟹味濃郁，很有蟹膏味，粥底又濃又綿，唯一不足是蟹肉不多，是水蟹的特點？椒鹽鮮魷- 外皮很脆，炸漿厚薄適中，魷魚夠大隻所以好彈牙。官也街已經成為遊客在澳門飲飲食食同手信最火熱嘅步行街，之所以火紅都因為當中店舖質素高。

來到澳門覓食，當然要試吓遠近馳名嘅水蟹粥啦～水蟹粥有大份/小份揀，店員表示大份比起小份多1-2碗粥～ 咁我地就叫左個小份～水蟹粥 (小份) ($210)✨一份小水蟹粥有半隻蟹加6碗粥，幾適合2-3個人食～✨水蟹好新鮮好好味！嗰種鮮平時好少食到～ 連帶粥都有鮮味，粥入面仲有唔少蟹膏粒，配埋蔥粒味道更fresh😋😋✨扣分位係蟹肉份量唔多，冇咩肉食，同埋粥入面會有蟹殼碎，食嘅時候要小心啲～豉椒炒花甲 ($80)✨豉椒醬濃郁惹味，花甲唔算好有鮮味，有一部份花甲肉都離開左個殼，整體質素不過不失～總結，推介好有鮮味嘅水蟹粥，去到誠昌飯店見每枱都會叫一份，必點呀😋😋

在澳門的晚上，我們一行幾人因為住氹仔附近，所以決定嘗試在氹仔那邊食誠昌出名的水蟹粥。🦀入到去環境一般，座位的確沒有那麼舒適，像是室內的大排檔。我們不用等位就可以入座，人流不太多。食物質素不過不失，我們叫了幾樣餸。酥炸墨魚丸 -$90 有12粒，都幾貴，但同一般出面食的不同水蟹粥- 粥不是好濃蟹味，不過蟹入面都幾多肉。鮑魚-每人一隻，都唔細，入口彈其他炸物-不過不失食物不過不失🤓沒有驚喜 也沒有失望😕下次未必再食呢間，會試下其他美食。

因為水蟹粥，所以找上了澳門氹仔官也街的誠昌。馳名水蟹粥，＄240 一大碗雖然不平，但味道果然名不虛傳。粥底本身很綿，蟹膏也混在粥內，令粥充滿鮮甜蟹味。原隻大蟹沉在粥內，原來是灼過的肉蟹，所以有很多肉，肉也鮮甜爽口，一流。正常一碟油菜，幾爽口，不過份量少了點。點了一碟椒鹽炒花甲，味道本身吵得不錯，很香口，可惜大部份都有沙。也嘗試了另一碟椒鹽炸田雞，炸得很香脆可口，大大隻田雞髀，肉也很嫩滑。最大亮點就是這一杯自製菊花茶，非常清甜潤喉。環境一般，舊式酒家的格局，價錢也不算便宜，香港打冷店的價錢。

同幾個老友襯短週過大海，諗住食下野輕鬆下，點知.........去到官也街，諗住去「誠昌」潮下聖喇！點知........點左水蟹粥、棘酒煮花螺、炸鯪魚球拼炸墨丸、椒鹽田雞同冬菇扒生菜只能夠講，應該唔會再有下次囉！仲伏感太強

到達澳門後, 男友說想先吃水蟹粥, 我們趕快到酒店放下行李後, 就徒步前往誠昌飯店吃午餐。正值假期的午餐時段, 我們竟然不用等候就能入座, 實在有點意外。雖然要搭檯, 但整體坐的還算舒適, 檯與檯之間距離亦適中, 不會讓人感到擠迫。由於趕船沒吃早餐的關係, 我們一坐下就立即點菜。水蟹粥(小)招牌蟹粥必定要點! 雖然只點了小窩的, 但份量也不少, 每人大約有4碗的份量。蟹粥味道鮮甜, 內有一大隻蟹拑和幾隻蟹腳, 還有不少蟹膏呢！不錯!金沙大蝦這個不得了！雖然一碟只有4隻, 但每隻都很巨型, 比手掌還要長呢！店家細心的用竹籤把蝦串起來, 所以吃時不會過於狼狽。大蝦外殼香脆可口, 蝦肉鮮甜彈牙, 再配上咸咸香香的鹹蛋黃醬汁, 極度邪惡, 讓人又愛又恨, 令人回味。炸墨魚丸墨魚丸外層炸的香脆, 但食落不算彈牙, 味道一般, 而且偏油膩, 建議沾點喼汁中和油膩感。相對而言, 還是金沙大蝦較為出眾。整體而言, 飯店用餐環境尚算舒適, 食物質素亦屬中上, 值得一試!

相信去過澳門的人，必定有食過水蟹粥氹仔裡最有名的旅遊地點就是官也街裡面有着林林總總的大小店店舖除了有賣手信的大品牌餅家，或有屹立數十載的老字號當然少不了的是當地人開的小食店和餐廳又有榴槤雪糕，又有提拉米蘇，還有好幾家葡國菜但水蟹粥老字號就只此一家——誠昌飯店生意做得相當興旺，一條街裡就有三個舖位誠昌飯店至今已有三十多年歷史，爲眾多遊客所熟悉，而誠昌飯店的水蟹粥一直為眾多旅遊書的澳門必食推介但其實除了水蟹粥，出名的還有炸墨魚丸、炸鯪魚球等每次到誠昌飯店，我就必定選水蟹粥肥肥最喜歡食炸物，當然要叫個炸雙併（炸墨魚丸和炸鯪魚球）哄下佢啦🙈水蟹粥（小）（$165）看旅遊書介紹道，誠昌的水蟹粥是組合了三種蟹而煲製而成首先以水蟹煲粥，然後加上膏蟹的蟹膏及肉蟹的蟹肉，最後熬煮成綿線粥底蟹粥呈淡淡金黃色，食落幼滑綿綿，味道既清甜又散發出淡淡蟹膏甘香但如果喜歡重口味的人，可能會對蟹粥有點失望因為這個蟹粥不是濃味的那種可能是為了保存蟹的鮮味，所以調味料的使用並不多粥裡面有一隻肉蟹，雖然肉蟹並不大，但都算啖啖肉酥炸墨魚丸拼鯪魚球（$80）份量不多，每款只有6件，唯味道不錯，都算可以一試！🙈墨魚丸非常酥香，而

之前睇雜誌見到誠昌既水蟹粥好出名，今次終於有機會試吓，果然名不虛傳！粥滾蟹香，粥入面仲有淡淡既蟹鮮味，加埋蔥香，真係好正！蟹肉鮮味，就咁食都好食。豉椒炒䙺好夠鑊氣，炒得好香，䙺肉肥美鮮甜，一d沙都冇，真係一個人都可以食晒成碟！

首先叫咗，1:水蟹粥，2:醬爆雞，3:冬菇扒生菜，4:西蘭花鮮魷，5:墨魚球加鯪魚球雙拼，先嚟西蘭花鮮魷，味道ok,又即炒感覺應該唔錯，點知水蟹粥一嚟到就出事啦！Ｄ粥比水好少少，蟹就一個面殼加半隻身！再嚟，炸雙丸，墨魚丸唔新鮮兼撈咗粉，Ｄ粉又多又硬，鯪魚球有醉骨可接受，再嚟醬爆雞！Ｄ雞係毎隻雞拎Ｄ出嚟再擠埋—碟，味道堅咸！！！最後係個冬菇扒生菜，連相都唔想照，冬菇Ｄ味係，發咗霉再炆出來！—陣霉噏味！個獻仲衰，用生水開，—陣陣生水味…真係想嘔！仲勁重味精，搏你叫飲品！連茶都唔想幫你再添加！！！總共食咗$ 462！

睇完個水舞間，就同朋友打的去誠昌，打算食個馳名水蟹粥。去到坐低哥仔說一鍋粥夠四個人，禁我地兩個應該吾洗叫禁多餸啦，所以就叫左一個細水蟹粥加炸墨丸，本來想叫鯪魚球雙拼，點知賣曬個粥黎到⋯見到大大個蟹蓋諗住應該好正，點知一食落口，蟹味吾太重，蟹膏係有嘅但吾知點解無左蟹嘅鮮味。可能蟹太細？因為最後食到嘅係半隻蟹。講反個墨丸就真係一流，熱辣辣上枱，一啖咬落去好彈牙！不過如果墨丸味再重dd就好！雖然個粥吾係好得，但都推薦大家試個墨丸

今次叫咗一窩細水蟹粥、一碟炒花甲同一碟炸鯪魚球併墨魚丸。雖然係細水蟹粥, 但係窩粥都唔細, 只不過只得半隻蟹, 似乎少咗啲, 但係食落都幾好味。碟花甲份量不少, 味道亦唔錯, 只係啲花甲既肉質好un, 唔好食。碟丸賣相雖然唔靚但係味道同口感都唔錯。食完飯去咗威尼斯人賭場諗住玩番幾手, 點知覺得好眼瞓, 咁我就知道係誠昌啲菜落咗味精, 因為我對味精好敏感, 一食到啲落咗味精既食物就會特別眼瞓, 我諗我以後都唔會再去食。

到澳門通常必嚐水蟹粥，因為珠江口鹹淡水交界最適宜水蟹生長，水蟹既新鮮又甜美！拍拖時曾到過誠昌一次，老公和我想起水蟹粥，不禁想記誠昌，藉今趟旅程可舊味重溫。誠昌沒多大變化，仍舊受食客歡迎，生意滔滔，坐無虛席，幸好早已訂位。以前沒留意到這張澳門圖說，見圖像古舊，細心閱讀後方知是一張澳門地形和防衛圖。當時1808年，即嘉慶十三年，由兩港總督吳熊光等人向皇帝啓奏。此為1999份複製品中的第1703份，具有收藏價值。除手上的餐牌外，牆壁亦胋上了誠昌的主打菜式。水蟹粥是此行的目標，有大、小兩個份量供選擇，老公和我兩人要小份較為合適。小份的水蟹粥有半隻水蟹，蟹蓋藏有淺黃的蟹膏，蟹肉、蟹汁也相當鮮味。粥底米花綿綿，質感順滑流暢，稀稠度適中，橙黃的蟹膏為泛黃的粥底添上繁星。一呷粥底，在水蟹的鮮甜之上，多了一股人工的味道，而且頗為明顯。炸墨魚丸香氣迫人，一試倒是很惹味，只不過調味過濃，有欠自然！墨魚丸內混和了墨魚塊，增強了口感及香氣，可是墨魚丸彈性不足，軟乎乎的。對於誠昌的出品雖然算不差，但若與第一次惠顧時之水平作比較，現在更著重人工調味，老公和我也沒信心再嘗試其他出品，但願時光可倒流，回到我倆拍拖時，也

這次和同事到澳門一遊，剛到埗便立即前來吃水蟹粥。抵達店前的時候這裡剛開門，所以我們可以不需要等位便可直接入座。因為還要留肚吃其他食物，所以我們只點了一窩小的蟹粥，雖然侍應還有向我們推銷其他食品，但我們婉拒後也沒有黑面。蟹粥內有一隻不太大的水蟹，粥的顏色不太黃，只有一點點蟹黃在粥內，比我想像中有點出入。而味道也不太鮮甜，只是一般，不算很出色。另外由於是水蟹的關係，所以也沒有太多肉可以吃。這裡吃的不太飽肚，但也不打緊，我們再往下一站去。