小飛象葡國餐廳

Open Now

Now Closed

來到澳門，見旅遊書推介小飛象，所以就一場來到試一試。一去到人都幾多，但等左15分鐘就有位。點餐無幾耐就上餐包，個包熱辣辣，硬包同軟包都有。馬介休炒飯好香，每啖都有馬介休香味。燒咸豬手，塊皮好脆，D肉又唔會太乾。燒牛肋骨，由於有小朋友同行的關係，所以選擇7成熟，同埋要求切埋，但仍然肉汁豐富。豬耳沙律有少少辣，加埋洋蔥同青瓜畀人一個清新的感覺。焗海鮮飯，海鮮種類多，個汁都好好味。葡國雞，叫左半隻，葡汁D味入曬落薯仔到。燒風鱔，D肉本身已經好夠味，但加埋檸檬汁就更好！總括而言，食物質素高，服務都唔差，上菜速度都幾快，因此值得推介。

2010年新既一年，一家三口睇 Leon Lai Concert 之前去 <小飛象> 食dinner，大概6點零，walk in 好在仲有位安排畀我地 (應該係留左位畀團體客)。點左五個菜，上菜速度快，服務水準佳。 馬加休餅 (12件)薯蓉混馬加休、香草炸成，香脆不油膩，吃到一絲絲馬加休鹹香味....... 萄式炒雜菜雜菜新鮮，味道稍鹹但尚可接受，淡味點令菜色更清新....... 燒豬頸肉豬頸肉鬆軟，但味道普通，同一般泰國菜既無分別........ 蒜蓉焗青口 (12件)蒜蓉同著蓉放係青口上面焗，非常香口......... 萄國腊腸燴飯味道係罐頭ABC湯大同小異，萄國腊腸粒(味度普通)伴以雜菜粒同橄欖燴煮，口感較軟.......整體而言，食物環境同服務都 of standard 比木偶餐廳表現得更好。