Video
Telephone
+853 62823210
Opening Hours
Today
11:00 - 20:00
Mon - Sat
11:00 - 20:00
Sun
Closed
Above information is for reference only. Please check details with the restaurant.
新年流流，就梗係一家人過大海發返個新年財啦！除咗落賭場討論鋪之外，當然要去澳門最出名嘅景點大三巴打卡啦！去咗金沙、新葡京、舊葡京、同埋永利皇宮幾個賭場參觀！當中永利皇宮嘅裝修，我覺得係最靚㗎 ！而且喺角子老虎機旁邊仲有果汁任飲添！可惜未去美高梅飲珍珠奶茶啦！聽講美高梅嘅珍珠奶茶都好好飲！咁倒完錢之後就行過去大三巴啦！行到一半就比呢間椰皇燉蛋吸引咗！呢度嘅燉蛋好嫩滑口口味！除咗燉蛋之外，我仲叫咗個冰涼甜品食！冰涼甜品原來係椰汁加涼粉！
continue reading
每一次到澳門，無論是我獨自一人遊，或是同家人一齊遊，總是會喜歡走入澳門市區內的小街小巷。因為，每一次發掘到新地點，總會有少少的驚喜。也證明到，澳門做的文化保育，做得好好。這次，遊完大三巴之後經由小路行落山，發現了這一條改造過的關前正街。是一個咖啡店、文青小店林立的小小街道。當中，竟然有一間小小的街坊素食店在經營。太太決定留在這《愛心素食店》食一個早午餐。因為我同仔仔一早就吃了早餐，所以太太只帶女兒來吃，而我同阿仔就繼續在這關前正街遊覽。我幫太太點了這一個炸雲吞之後，吃了一個就離開了。就是因為吃了這一個炸雲吞，已經令我感覺到這是一間好店。自家製的炸雲吞，炸出來香脆可口，餡料有菜有素肉有豆腐，味道既香又清新，加點點的豉油，一口一隻，甚是惹味。試了雲吞之後，我同仔仔就去去了找文青咖啡店打卡。飲飲下野，太太就傳來一張食物相。這是一個素扒炸香腸飯。一份大大的素扒，加上素蠔油汁做醬，簡單兼美味。我家的小朋友要吃飯，所以太太吃完炸雲吞，趁店師父又準備好晒素食自助餐的食品，就承諾整碟 early lunch 給她們。即叫即炸的素扒同素腸，顯得份外香口。太太同阿女都吃到飽飽，即是話，她們對這一餐，很滿意。小小店，人情味豐富。店老闆 (應該是夫婦) 都非常之友善。看得出是真心茹素及宣揚素食的好人。下次來到澳門，再係關前正街呢一頭打卡的話，可以再光顧這一間充滿愛的素食小店。
continue reading
我哋去大三巴附近行下，去到關前正街見到遠處有個寫住“素”字嘅招牌，吸引咗我哋行去望下，意外發現一間素食街坊小店。我哋係門口望餐牌時老闆娘好熱情咁介紹店舖有咩食，叫我哋去入試下。呢間素店屬蛋奶素，大部分菜式應該可以按顧客需要作出調整，例如走蛋。呢到可以選擇食自助餐或者散叫，自助餐MOP$35，主要食中式家常小菜，亦有炒麵、紅米飯、中湯同糖水。而我哋就散叫餐牌上嘅食物，種類幾多元化，包括有中式小菜、意粉、pizza、手抓餅、餃子、壽司飯卷等，散叫亦可任食紅米飯同中湯，要自己係出面潷，當日係牛蒡紅蘿蔔湯，好足料。不足係店舖面積細，會坐得冇咁舒服。手抓餅系列 (原味MOP$18；加豬扒MOP$10；加素腸MOP$10)原本我哋係分別加配豬扒同素肉鬆，點知冇素肉鬆，老闆娘就建議幫我哋轉素腸。手抓餅入面包住椰菜絲、素豬扒/ 素腸、沙律醬同茄汁，好惹味。薄餅皮類似酥皮，食完成件都幾飽。純手工東北蒸餃子 (MOP$35)餃子嘅餡料有娃娃菜、素火腿、甘筍等，餃子醋本身有少少辣。薑蓉炒雜菜 (MOP$38)感覺有D似羅漢齋，材料有娃娃菜、蕃茄、西蘭花、雲耳同本菇。素肉碎意大利粉 (MOP$68)賣相似茶餐廳食到嘅鮮茄蛋意粉，素肉碎、雜豆等食材製成嘅茄醬鋪係意粉上，撈勻黎食，味道酸酸甜甜，意粉彈牙。
continue reading
You may be interested in