漢記咖啡

Open Now

Now Closed

很久沒來澳門，本地朋友開車帶我去路環開眼界，這一間餐廳離大眾交通道路有一點距離，朋友把車停泊在路環碼頭後我們沿小斜路上去走大概10分鐘就到了。沿途是舊時的船廠原址，現在澳門政府活化舊區，有不少介紹的資料板和展覽可以看看。10分鐘左右就到漢記手打咖啡店啦。我們點了兩個飲料和花生多，因為早上的時候去，所以人不太多，店面沒冷氣是開放式的，今天天氣陽光下帶點微風，盛夏應該就會熱了。我點了最著名的手打咖啡，微甜，泡很細膩，喝到最後一口都沒全化開。花生多，就是奶醬多啦，烘底🫡一定好吃如果是要很驚艷的餐點這裡不是首選，但如果在澳門有時間想要走一小段山路，看一看海，不妨來休息一會，喝杯咖啡。

呢間都算網紅店，好多人大力推介，嘅然今次過咗嚟路環市區呢度行，點都要試試。因為剛食完午餐，所以唔敢叫太多嘢，一杯凍一杯熱咖啡，加幾隻雞翼就係咁。凍手打咖啡，係軟錦錦咁，濃味帶小小甘小小苦澀味，但你話係咪好有或者好重咖啡味，我又覺得唔係，真係勉強收貨。雞翼三隻一碟，下面有片面包墊底，雞翼Size真係細得可憐，好彩我剛食完午餐，所以無乜所謂。喺路環市區仲要行一大段路至入到嚟，值唔值得就見仁見智，我呢～一次就夠。

coffee 正常，是把cream 打到滑滑的，試一次就夠。奶茶中伏，只是給你兩個茶包和茶壼。朱扒包吾好食，朱扒很薄，煎到干干的。另外， 看見別人的辣魚面，衹是給辣魚罐頭一罐。總括而言，無下次

🐶澳門之旅EP4🇲🇴📍第四站：漢記咖啡(路環)呢間漢記系我哋嘅澳門朋友推介嘅聽講最出名就系呢度嘅手打咖啡🤩小妹同屋企人朝早起身就去咗食個豐富嘅早餐😛-㋡ 手打咖啡(熱) $22呢款同之前網上好hit嘅400次咖啡有啲相似不過佢唔同啲 400次咖啡底部用奶 上面系coffee cream而呢杯底部系咖啡 上面都系coffee cream佢嘅cream打得好杰身 香滑而且綿密😚齋啡亦夠香濃不過小妹嫌佢稍稍偏甜如果嗌少甜應該啱啱好🤪味道: 8/10性價比: 8/10㋡ 手打咖啡(凍) $28估唔到凍嘅同熱嘅相差成6蚊不過呢杯系大杯啲嘅😂而且凍飲又系另一翻風味😳但相對凍嘅呢杯就冇熱嘅咁香濃咖啡味落咗冰咁啱溝釋咗咖啡嘅甜味甜度變得啱啱好😆小妹決定同分!打和😂😂不過如果熱嘅嗌少甜就熱嘅會高分啲啦😝味道: 8/10性會比: 7.5/10-㋡ 豬扒包 $28食完世記$50嘅豬扒包見到呢間接近半價真系超開心😂豬仔包外脆內軟有啲驚喜😳小妹甚至覺得個包勝過世記🤪豬扒系炸嘅 用咗偏瘦嘅豬扒但食落唔鞋口亦唔會乸到冇晒豬味雖然冇世記嘅咁juicy但整體個包好香 幾好食😆味道: 8.5/10(呢款比較啱小妹口味 屋

💚 漢記咖啡（澳門美食）📍 路環市區荔枝碗路------------------------------1️⃣ 手打咖啡 $20推薦指數：👍🏻👍🏻👍🏻👍🏻沒有少甜 覺得甜度適中😋咖啡香濃 順口 非常推薦💕2️⃣ 豬扒出前一丁 $33推薦指數：👍🏻👍🏻👍🏻👍🏻豬扒香脆多汁🥰 出前一丁不會太腍 麻油香味依舊香3️⃣ 豬扒包 $25推薦指數：👍🏻👍🏻👍🏻👍🏻👍🏻麵包鬆軟 不是豬仔包過硬的口感😆豬扒肉汁滲入麵包🥯好好食😋4️⃣ 芝士腿蛋多 $27推薦指數：👍🏻👍🏻👍🏻👍🏻烘底多士香脆😍芝士 火腿 蛋是無敵的配搭 蛋處理得相當出色🤩不是超熟蛋 是嫩滑的------------------------------雖然地點非常不方便 但食物值得特登去🥰總評味道：⭐️⭐️⭐️⭐️⭐️環境：⭐️⭐️⭐️⭐️服務：⭐️⭐️⭐️⭐️

係安德魯行8分鐘左右就到，好傳統懷舊嘅茶餐廳。座位係大排檔style，鐵皮屋頂，好有feel。網上話係手打400次咖啡嘅始祖，咖啡面有層泡，飲落好滑，推介！仲試左豬扒包同公仔麵，正常發揮。地址：路環市區荔枝碗路推介指數：8/10 抵食指數：8/10

環境特別落車，行過海味鋪同碼頭，就會見到一條斜路，走8分鐘左右就到。其實如果系前一個站落車可以走另一條路經過民居，落來就舒服D 。下午2點半去到都坐滿8,9成客人，系一個偏僻又荒廢的船奧附近，咁好厲害咖。手打咖啡（$21）4分-去到叫第一杯手打咖啡，覺得吾夠香咖啡味，聽到旁邊個客叫小甜，再叫一杯，哩杯就正好多啦。-現場就吾見到師父手打啦，系眯就證實吾到。奶醬多（$15）4分- 哩個真系好新鮮，鬆脆- 有4個角，比香港多一倍。- 花生夠多，但奶味多D 就更完美。

星期一早上落住細雨，來到這個好似大排檔嘅咖啡館。又唔算好多，坐咗張大枱，點樣啊最出名嘅手打咖啡！咖啡上的奶泡酸酸的！再叫咗一個奶醬多，用來送咖啡，奶醬多切到細細件，一啖一件，食得好優雅😉

你都氹仔一於要試吓出名嘅漢記手打咖啡，落車後，行咗20分鐘左右，上完斜再落斜，終於搵到呢個咖啡室。起初以為會有好靚的裝修，很有氣氛。但原來裝修簡單，而且仲用緊好有特色的古老木枱木凳，石屎地下，加上當日落少少雨，感覺更有風味🥰🥰員工很熱情，我地一坐低就介紹餐廳咖啡，剛巧老闆經過，仲介紹老闆俾我哋識，原來係一位白頭髮的老先生，佢每朝早都會親自手打咖啡，得閒仲會練拳，所以手瓜真係起晒展。杯咖啡真係好軟滑，值得一試！俾錢時候見到廚房，仲用緊燒柴爐灶，有這一傳統爐具，真係值得加分，非常有特色！😀😀😀

A must try is their hand whipped coffee. Even on a hot day, their hot coffee is a must try. As for food, they serve typical fast food found in any Cantonese 茶餐廳. Although they do use the most preferred instant noodles (出前一丁) for their noodle dishes; in al dunte.

入到路環，點都要試下佢其實吾算難揾，因為得一條路，泊滿車，跟住車路行入少少就見到入到去，吾洗講。手打咖啡（熱）咖啡吾錯，面嗰浸係傑傑地，飲落好有質感，好重咖啡嘅甘香味，飲深啲，就係普通的咖啡。豬扒一丁豬扒就普通，但個一丁就吾錯，面煮得好，吾生，湯係飲得出係堅出前一丁，要知道出面好多餐廳，掛名一丁，湯淡，面生。火腿芝士蛋多士即叫即整，芝士溶入火腿蛋，多士熱辣辣，成件事好正。整體吾錯，係無餐（常餐/茶餐），要散叫，食完行返前路走，可去郊野公園行後路繼續走，可去路環

來到澳門，必定會來到路環的 「漢記咖啡」 品嚐當地人稱道的 「手打咖啡」。漢記咖啡的位置隱密，走過一條長長的斜坡，沿途還會會見到零零落落的鐵棚屋，再走進去便可看到。營業時間：早上八點至下午六時 （逢星期三休息）店中還採用傳統的柴木作火，別具特色。設有戶外的座位，可作親親大自然。奶油多 - MOP14多士外層烤得香脆鬆化，塗上煉奶及牛油倍感香甜美味。手打咖啡 - MOP 24據知這裡的手打咖啡是以徒手轉打，做成這綿密的奶泡效果，醇厚甘甜，順滑無比。

漢記咖啡是隱藏於樹海中的茶檔，以手打咖啡而聞名，每次過來澳門定必會前來品嚐。雖然陳設簡單，但有種鄉村深處的感覺，充滿地道風味。店內仍採用傳統的柴火燒水，用炭火烤烘多士，别具風味。手打咖啡 (MOP 24)雖然用的只是雀巢咖啡粉，沒有焦香濃郁的咖啡香氣，但經過徒手轉打後，打出一層Baileys般的淺啡色忌廉狀奶泡，濃稠綿密，醇厚甘甜，讓人回味無窮。奶油多 (MOP14)多士烤得很酥脆，能夠吃出牛油的香味和煉奶的香甜。

放假去行山行完後澳門地膽朋友帶我地黎呢度如果唔係地膽帶路 我地點會識黎漢記係舊船廠再入 非常隱世同非常raw坐位有略略分室内外如怕蚊人士建議坐室内好鐘意澳門仲有空間比市民經營呢類小店我地多人 嗌左menu上一半野食😂😂😂豬扒麵豬扒包餐蛋麵配熱咖啡 忍唔住咬左啖先芝腿治同公司治凍咖啡食物味道好似細個係沙灘游完水上岸係士多嗌個公仔麵食個種情懷而杯手打咖啡其實係手打雀巢咖啡🤣🤣🤣眼利既人就會見到餐廳入面擺滿一罐罐雀巢咖啡粉～味道似泰國街頭車仔檔冲既咖啡 都好飲既

位置極偏僻, 山坡上隱沒於樹蔭下的鐵皮木屋茶檔! 乘坐的士上山去, 回程走路下山搭巴士 (根本無選擇), 沿路不少廢棄造船廠, 風光明媚, 影相打卡熱點比比皆是, 懷舊簡撲的慢活節奏! 連店內員工都係慢慢的, 坐低10分鐘都無人落單, 趕時間千祈唔好嚟! 我倆專登到來試手打咖啡! 用柴木燒水煮咖啡, 咖啡底只係用上普通雀巢咖啡, 老闆沒有用咖啡機打奶泡，而是將即溶咖啡加上水和砂糖，徒手打400次自製綿密奶泡, 好幼滑。咖啡味道唔算濃郁，不過飲落好順口! 奶泡有點點酸味, 千祈唔好攪勻, 就咁飲用會飲到唔同層次!咖啡甜度固定, 甜度於我剛好! 註: 我欣賞奶泡多過咖啡