皇冠小館

Open Now

Now Closed

因為有幾個朋友話氹仔個間誠昌水蟹粥唔掂所以搵左皇冠小館試試。我同朋友本來諗住由松山行過去荷蘭園應該唔會好遠, 點知我地行錯路在加上正直烈日當空既情況下行過去, 完全係半死狀態, 行左好耐先搵到, 一坐底每人叫左一支汽水, 每支要成MOP11 , 如果唔係太口渴一定唔會叫, 實在貴得過份! 我地ORDER左4樣食物 奄仔水蟹粥 -- 我地叫左半份要MOP120, 都幾貴但真係有成隻蟹同埋4個人都可以食到一碗半既粥, 都夠曬了。 至於味道方面, 個粥底夠棉又入味, 不過我太懶所以只係食左個拑就算, 其他既蟹肉就比朋友掃曬! 竹升雲吞蝦子撈麵 -- 其實只係得一人份量, 要成MOP43, 有4隻雲吞, 全部都有成隻蝦係入面, 可能係有蝦子既關係感覺好似好食D, 但其實唔係幾覺得竹升麵有咩特別! 咖喱雞亦 -- 完全唔辣既咖喱雞亦, 係咪應該叫葡汁雞亦會好D? 而D肉煮到近乎一夾就爛曬 , 試一次就夠了! 牛腩撈麵 -- 沒咩特別的一款食物有機會先再黎食~

8-8-2009葡國菜之外, 每次到澳門亦一定會食蝦籽撈及水蟹粥, 又聽聞呢間兩樣都掂, 今次當然要試試. 叫了兩款招牌菜, 加碟菜 share 食; 另加一杯菠蘿冰及凍檸茶.招牌 #1 雲吞蝦籽撈 ($43): 雲吞 bite size, 餡料鮮味, 層皮就稍嫌厚了少少; 麵條彈牙, 帶蛋香, 沾上唔少香口蝦籽, 同祥記的 (http://www.openrice.com/restaurant/commentdetail.htm?commentid=1977290) 差不多好食, 不過賣成 $43 一碟, 真係好貴 而且... 仍然係六記 (http://www.openrice.com/restaurant/commentdetail.htm?commentid=1977299) 的爽到「束束」聲及勁多蝦籽版啱我 d. 招牌 #2 奄仔海蟹粥 (半窩 $120): 半窩都咁大窩 粥底幾稀, 味道清甜, 除咗粒粒蟹膏, 薑絲及蔥, 仲有唔少碎蟹殼, 真係要小心 d 食; 奄仔蟹食極都仲有, 幾好肉, 肉亦比想像中結實鮮甜, 好食. 係咪最好就唔知, 不過比起官也街嗰

來得澳門, 一場來到, 也應該吃餐水蟹粥的. 揀這家店, 只因為small jj的推介. 九時許來到, 已過了早餐的時間, 街上的行人也不太多. 這裡在荷蘭園的邊皮, 一落車行幾分鐘就到. 地方算乾淨的, 二人坐係卡位, 也算舒適.這是家茶餐廳格局的小店, 食物也多樣化, 吃意粉, 粥, 三文治, 小炒, 炒粉麵也得. 這裡的招牌係奄仔海蟹粥同品牌竹升雲吞蝦子撈麵, 就每樣各一吧. 吃早餐, 就加上文迪的至愛凍奶茶和小弟的凍檸茶. 文迪對凍奶茶的評語係奶比較多.品牌竹升雲吞蝦子撈麵: 8分, 叫得上品牌, 也有一定期望. 當然, 此行的目標係蟹粥, 這個蝦子撈麵只係錦上添花. 竹升麵條是手打的, 自然係彈牙, 也沒有鹼水味. 蝦子份量適中, 當然沒有沙梨頭那邊的啖啖蝦子, 但也足夠. 蝦子本身有鹹香, 但係沒有加上豬油, 就比起之前吃過的另兩家店差一截了. 始終蝦子撈麵沒有豬油真的是讓半臂一般. 雲吞幾大粒, 工工整整的, 不過不失.奄仔海蟹粥: 9分, 沒有去氹仔吃大家也不推薦的店子, 此行就只係這裡吃蟹粥, 答案是不枉此行. 亞姐提議吃奄仔海蟹, 是日的貨比水蟹靚. 好, 就要奄仔

午餐時間,去了滔滔介紹的皇冠小館食海蟹粥及蝦子撈麵,真的冇介紹錯,很好吃!

又來澳門了~密密來，密密吃~每次來，都會挺著肚子(肚腩才對)回港~哈~自從睇過滔滔介紹皇冠既水蟹粥之後，就覺得好吸引，今次有機會當然要來試試啦~一到埗第一餐就在這裡，其實我地行左好耐先找到。識別處就是天橋底下馬路兩旁位置(其中一邊)。二時多，仍有不少吉位，地方略為淺窄，人多就會坐得困難。小店外面剛巧裝修，十分噪吵，好滋擾，不過山長水遠來到，都沒辦法，唯有忍耐一下。坐低之後第一時間叫了水蟹粥(半窩)，店鋪亞姐不停游說我們四人要一窩才夠食，說半窩只是二人份量，但我堅持要1/2窩~非常認同small jj說法，半窩根本就已足夠四人享用好彩咋~hehe水蟹粥($115/半)：果然是鎮店之寶，可以用"鮮甜美味"來形容~水蟹粥新鮮熬製，熱辣燙口，因為水蟹份量蠻多，鮮甜之餘亦混雜了一股海水的咸味，這種咸是鮮的，而不是鹽的死咸。粥底並非綿綿細滑的那種，口感似再糊爛一點的稀飯，都易入口~~最驚喜係個粥藏有大量一粒粒的蟹膏，更加滋味，食完個粥就可以食蟹，蟹肉夠鮮亦OK多肉!~不過食得要小心，d殼好易整損個口~雖然價錢頗貴，但卻是值得，GOOD。推介~雲吞蝦籽撈麵($43)：蝦籽撈麵份量一向唔多，此處亦不例

may 01, 09,4人回港前的ending dinner,叫咗 :1) 炒通菜-菜無問題,但味道重手咗,鹹咗少少2) 蝦籽雲吞撈麵-緊喺要試吓呢個該店之名菜-有4隻雲吞,清湯另上-個蝦籽同個麵明顯比祥x麵家乾爽-也是沒有1/2點鹼水味,ok-反而個雲吞就幾鮮味吓3) 田雞煲 -都好足份量,因全煲真喺淨田雞,無其他大件配料夾集在內-田雞唔算好肥美,但也不為奀,肉質也不錯-味道很惹味/濃,略嫌重手咗4) 水蟹粥 (mop240/窩)-友人先入去攞位,老闆即刻問佢"喺咪1窩呀?就嚟無啦"-所以我哋就叫咗1窩-上枱時就見好大窩,坐坐吓就聽到人哋叫1/2窩,其實4人1/2窩都可以除非你超級鍾意食蟹粥/唔打算叫其他小菜-講番個味道,個粥底綿,亦有明顯鮮味同自然嘅甜味,有些少散開嘅蟹膏-裡面放咗有好多蟹件,蓋都有3-4個,總之多到友人們食到脷/嘴都損埋-因為咁大窩又咁多料,都特意望番餐牌收幾多$$$$,因叫嗰時都無問清楚價$$$$-我總於搵到繼以前誠昌同峰景後叫做有質素嘅蟹粥5) 薑汁芥蘭-不強薑汁味,而且個芥蘭比較老咗少少,部份有d渣* 老細好明顯好識做生意.........好識銷售技倆...

想試試蝦子撈麵，看見這店門口貼了菜生同都都的合照，就進來試試‧一見menu上的竹升雲吞蝦子撈麵要 $43，雙眼就！心諗一定好『正啦』，服務員又不斷推介，就叫來試試。一食， ，唔好食。蝦子無味又唔香；d 麵"林"，唔彈牙；雲吞就普普通通啦。以咁貴既價錢，唔值。

以此為題，並非同口渴有任何關係，只不過响初三赤口之日同一班朋友到澳門喪食，目標食肆十居其五六都係休業。成班人响中區同荷蘭園一帶行嚟行去，終於响水坑尾一帶搵到一間仍然打開門做生意嘅目標食肆，呢間舖頭就係以「水蟹粥」及「蝦子麵」作招牌菜嘅皇冠。雖然行得攰，但係我地冇肆意點菜，一方面想留肚，令一方面價錢真係有點貴，不計原價，因新正頭嘅關係要加25%；半窩水蟹粥正價一百一十五蚊，雲吞蝦子麵正價四十三蚊，望見價錢時都有點猶豫。結果六個人叫咗半窩水蟹粥、一碟蝦子撈麵($37)及一碟普通油菜。首先上菜係蝦子麵，單憑外觀，蝦子滿佈麵條上，毫不吝嗇。而且蝦子香氣撲鼻，未入口已經食慾大振。入口之後果然不同凡響，蝦子香氣慘滿整個口腔，筆者對此等蝦子再沒有任何要求，可以攞滿分；至於麵條，店舖話係竹昇麵，如果屬實嘅話筆者認為偏淋，個人認為靚麵條嘅彈牙應該唔可以用牙齒一次過咬斷，仲要用脷尖頂向門牙「咪」斷為最好，當然靚麵要用鴨蛋黃嚟搓麵粉先有蛋香啦。不過由於蝦子味太濃郁，未能確定麵條是否有用鴨蛋。水蟹粥初初有點兒「水」，但過咗一陣蒸走咗啲水氣，粥就變得綿，食落亦唔似用生粉人工化地整杰。粥嘅口味鮮甜，蟹嘅size唔

星期六晚上同屋企人嚟左呢度食晚飯,上次嚟已是五年前的事,是我們無意中發現這間舖,那時的價錢好平好抵食,現在所有的都加晒價,還幾貴添呀,我們坐下,那個仕應不停的推介我們食水蟹粥及其它食品,我們五個人叫了半窩水蟹粥,兩碟蝦子撈麵,一碟雲吞撈麵,一碟菜遠牛肉飯,先來蝦子撈麵,真係幾好味既,d麵好爽口,好彈牙,都好多蝦子呀,38元一碟,其實不算大碟,都幾貴跟住來的雲吞撈麵,好普通,冇咩特別,但都要42元,好貴.再過一陣菜遠牛肉飯都來了,呢個都幾好味,d牛肉好淋,因媽咪要食飯所以叫了一個飯給她吃,都幾大碟,好似20幾元,這個價錢就ok,最後來的水蟹粥半窩都幾大呀,但要120元真係幾貴,一窩要240元,d粥好綿,好有蟹味,d蟹都好鮮甜,有五碗左右,食到好飽的一餐,不過相比以前就真係貴左好多.可能是出了名的關係,所以價錢亦相對提高了好多.

2008-12-04上次來澳門食o左唔好食o既水蟹粥，今次係想試o既，不過會食唔晒，所以只要了竹昇蝦子麵$43，真係超貴，值唔值？唔值。o的雲吞不是太有味道，食完都唔覺蝦子同麵都有點嚼勁，仲附上一小碗麵湯但以量+質來說，這價錢，不想有下次……

尋日同老婆去澳門過一週年紀念, 行到攰攰地咁搵野食啦, 咁岩撞到呢間 "皇冠小館", 聽d人講d野食幾好咁去試下啦, 果陣19:30一入去個服務員係度叫左介紹佢地個 奄仔海蟹粥、竹升雲吞蝦子撈麵 夠兩個人食, 咁佢咁有信心就叫啦, 除左蟹粥同撈麵, 叫多左個蝦醬炒通菜結果佢一黎黎左個小小既通菜, 食左之後心諗, ok喎, 冇介紹錯喎之後等左大概15分鐘, 個撈麵都到喇, 好細碟但係就平平冇奇, 除左話有蝦少少味同鹹之外就冇喇, 比之前個通菜都搶晒d味... 好冇癮... 跟住好野喇, 通菜食完, 撈麵都食埋, 等左足足一個鐘, 我地坐係佢出菜口附近, 佢出菜口有個鐘, 冇呃你, 足足一個鐘, 個蟹粥都仲未到, 但係之前見佢出左4個, 心諗唔對路啦, 轉頭一睇, 後面班食緊粥既人同我入黎果陣唔同晒, 完全知道咩叫遲黎先上岸, "食" 無前後, 達者為先同個老板講佢又淨係係度摧, 同係咁講唔好意思, 果陣差唔多20:50, 真係火到黎完成冇補鑊心態, 如果對唔住可以醫肚既, 咁我唔駛去你度食野啦, 去你度食野都係想食好野同醫肚啫, 味道又一般般, 又醫唔到肚個蟹粥總於出場, 兩隻蟹蓋, 一

同男友去澳門過中秋、酒店 check in 完後、外出左逛右逛、又肚餓、又熱之際，俾我0地見到呢間餐廳、於是就闖入去。坐低看餐牌、一頭霧水，於是店主介紹我們吃馳名水蟹粥+蝦子雲吞麵，我們看其他人好像全都在吃著，所以也跟隨order了。水蟹粥 - 覺得咸0左 d、不過粥底算棉、而且水蟹清甜、食得過 ($115 半窩)蝦子雲吞麵 - 唉...男友大叫「無特別...d 蝦子又唔特別香...」($40)不過，如果吃過後喜歡蝦子的話、買一樽自己煮0野食都不錯 )

十點幾同朋友遊完Casino...餐晚飯又好似消化得7788....就去皇冠食水蟹粥諗住12個人一窩粥+2個撈麪一定夠水蟹粥好鮮甜略嫌酒味重左dd蝦子撈麪好正d麪好好好好彈牙又一推介 - 七彩皮蛋入口甘香太好味=]最後我地食左一窩粥+4個撈麪+2個雲吞+2隻皮蛋

Macau之旅 Day 2 嘅早餐, 原本係銀禧, 發覺銀禧執笠後想去禮記食雪糕, 途中見到皇冠, 醒起澳門旅發局有staff 介紹過就入去試下。點左半窩奄仔水蟹粥 (MOP 115), 幾鮮甜, 老婆超鍾意, 我覺得中上啦, 下次會去誠昌或者峰景 (澳氹橋附近果間)試下第二間嘅水蟹粥。蝦籽撈麵都幾多蝦籽, 老細吹虛要2000幾蚊包, 但我真係覺得唔夠香, 香港桃花源啲蝦籽好佢成條街, 反而辣醬/辣油幾香.......

竹升雲吞蝦子撈麵($40) - 唔好食, 麵有梘水味, 又超油, 價錢又貴, 六記好食好多.奄仔水蟹粥($70) - 我覺得幾甜幾鮮, 但我朋友話麻麻地, 仲幾煋. 唔會再幫襯.