義順鮮奶

Open Now

Now Closed

行程最後一站喺到議事亭前地，因為澳門搞咗個荷花節「荷花樂滿城」，晌澳門唔同地方擺設咗以蓮花為題嘅花展，噚日晌龍環葡韻影咗一輪，今日再嚟議事亭前地影多轉。行咗半日，相又影完，經過義順就幫襯吓食個下午茶，因為老婆食完晏晝嗰餐都仲飽緊，所以我哋3個人叫兩個糖水一齊食，志在滿足吓貪食嘅慾念。凍雙皮奶 MOP22面頭泛起一層薄薄皺皺嘅燉奶奶皮，不過食到底下，就唔喺好覺有第二朕奶皮，因為做到底面有兩層奶皮，表示先後燉過兩次，燉奶自不然較為濃郁重奶香。不過，依回嘅雙皮奶奶味不俗，唔過甜，又滑溜，仍然喺有水準之作！凍紅豆燉蛋 MOP20冰花燉蛋又喺義順另一名物，試完奶香重嘅雙皮奶，輪到依個以蛋味濃為賣點嘅燉蛋。蛋味未叫得強勁，但食落一朕清甜，放入口「嗗咯」應聲滑入喉嚨；而紅豆落得一啲無手軟，一大「pat」堆滿碗面，味道清香又軟腍，老婆最鍾意食紅豆，佢就對個紅豆燉蛋讚不絕口。食埋個甜品下午茶，有個完滿作結，又喺時候搵穿梭巴士返酒店，收拾行裝搭放船返香港。

食過早餐後來食個雙皮奶才回港, 上次食過保健完全不行… 所以還是幫襯義順, 香港的義順我倒沒試過, 聽聞不太行.早上沒人食甜品吧, 店內人不多, 叫了個熱雙皮奶 $18熱辣辣的送上, 很燙呢! 其實我不知雙皮奶為何叫雙皮奶, 我只當它燉奶般食.雙皮奶很滑, 稀得黎又是凝固的, 每啖都滑到喉嚨那樣.奶味很濃而又不太甜, $18好像和澳牛差不多價錢.到我們走的時候已見陸續有內地同胞進來了. 看來早上這些時間來食挺好.

平時行過都見到呢間店好多人，平日晚上時間路經此店，竟然全店冇客，我包場剛剛食完飯，入去食埋碗甜品就夠晒喉喇蓮子雙皮奶好夠奶味，唔算太甜，加埋蓮子，真係冇得頂　　

星期五一大早起身,早餐都未食,就殺到義順食個雙皮奶先。其實咁多間,係唔係同一個老闆我真係唔知啦..! 雙皮奶 凍食可能心理作緒。澳門既係唔同d,寧舍香同滑...五月底,天氣已經好熱。一口凍雙皮奶入口,即係透心涼呀!幸好早上入黎食,唔算多人。個人比較鍾意六七十年代裝修。見到入面有閣樓,有鐵窗花同埋個大魚缸。好似返左去懷舊冰室。家陣呢d係香港已經買少見少,仍能在澳門搵到。值得下次再去。

同女朋友食完勝利豬扒包後;便出番大馬路過對面;再食義順雙皮奶;去到餐牌也不用看了;就叫了馳名雙皮奶;侍應啊姐問我地要凍定熱;我緊係叫熱啦;不過啊姐話熱的要耐少少;唔緊只要好食就得了;等待過程中見到伙記不斷車一桶桶的容器入店內;我說應該是佢地自我標榜自設牧場的牛奶掛;雙皮奶到了;望落面頭有一層衣;雙皮奶食落好香好滑;正;不過好細碗;賣18蚊;有少少貴

第3次光顧義順，但店舖位置搬離了噴水池，轉到大馬路的一旁。前兩次吃凍燉奶，今次跟老爸一起試凍燉蛋。凍燉蛋有蛋香，味道不甜，但我覺得份量少了點，老爸則很滿意這甜品，還說會再來光顧。然而樓面的阿姐實在太懶惰了，凍燉奶是早已做好放在凍櫃，人客點了走到凍櫃拿便可，當時店內沒人點食物，我和老爸卻等了5分鐘，難道只叫兩碗凍燉蛋就不算生意?

食完葡國菜及朱扒飽後 ，巳飽飽，但路經義順見有位，又想試下同順德D雙皮奶有乜分别.我記得零八年顺德雙皮奶賣約六蚊人仔，加隻生雞蛋，身為順德人的我，親身食到家鄉名甜品，果然名副其實平、靚、正.熱雙皮燉奶($17), 熱蓮子雙皮燉奶($20)冬天食特別正， 夠晒熱 ，比我可慢慢試味，牛奶燉到敢熱後仍滑，有D似熱食乳酪feel，唔係水汪汪，食到尾都係一樣，甜度合我囗味，無過甜.另一碗加蓮子就更適合， 蓮子本身淡味，更能中和甜味，帶出雙皮奶的香滑.蛋治 ($12)可能食完雙皮奶至食蛋治，覺得滑蛋係應該的，故冇驚喜.註：以上順德雙皮奶只作參考，老店仁信用水牛奶做，脂肪十足，怎能同一般鮮奶相比啊

來到澳門飲飲食食最後一站了,終於來了吃澳門甜品小食最出名的豬扒包及薑汁撞奶.講真,如果來到澳門,沒有試過吃葡撻,豬扒包及薑汁撞奶,總覺得沒有來過澳門. 所以來到澳門的最後一站,一定要向著澳門著名小食作最後衝刺.今天作最後衝刺的一間美食店,就是-義順鮮奶.相信義順鮮奶的名堂,已對喜歡吃甜品的澳門/香港人已深入民心,我也是其中之一,所以臨離開澳門前也來品嚐一下.踏入十二月的冬天,都是喜歡order熱的甜品,所以今天我們各人order了薑汁撞奶及豬扒包.曾在香港吃過的薑汁撞奶,不是薑撞奶不成功,就是薑汁味淡.但這一個薑汁撞奶就完全不同了.薑撞奶混在一起完全成功,而且很香滑,薑汁味重,完全適合我這一個正在等候咳嗽斷尾的人. 食完後,喉嚨便得舒舒服服.除了order薑汁撞奶外,還order豬扒包,之前曾吃過一些豬扒包,豬扒超薄,完全沒有口感. 今次這一個豬扒包,雖然沒有上一次到澳門吃過的豬扒包的豬扒那麼豐厚,但起碼豬扒不是砌到很薄,加上餐廳給我的豬扒也是好味的部份,所以這一個豬扒包,熱辣辣,味道好味,有口感,不錯不錯.不過,雖然食物質素不錯,但服務態度便真的麻麻了. 可能這餐廳的特色是人流量多,

議事亭的店, 據說是最耐的一間, 叫了彊汁撞奶三碗, 和紅豆雙皮奶一碗, 三位朋友同時覺得彊汁撞奶的彊味算足夠, 但撞得較為希了些少, 沒有彈彈的感覺, 有水汪汪似的, 反耐紅豆雙皮奶幾好, 熱雙皮奶, 滑滑的奶身, 味道不太甜, 剛好, 紅豆有口感, 可惜不太夠熱, 總括而言, 香港的義順合我胃口多些

今次又係老公既介紹呀呢間叫義順牛奶出名就梗係''鄧''奶同埋雙疲奶~咁我同老公一人叫一個啦@@個雙疲奶真係好滑又夠味~~~個''鄧''奶都好正呀~ 都好滑呀~搞到第二日食完lunch... 都要番去再食多次先番hk.@@ but hk都有得食~哈哈~

香港大陸澳門都有呢間野．．唔知係唔係同一個集團，　不過澳門既係最差既叫左燉蛋同雙皮奶，　燉蛋都還ｏｋ有蛋味，　雙皮奶就慘了．．．食落好多粉．．好似奶粉咁．．．好難食．．都唔平．．２碗加埋３３蚊．．試過無回頭．．

由於生日關係..所以朋友安排左今次去澳門玩因為天氣實在太熱,所以我地就去左旅行書介紹(義順鮮奶)食甜品(其實係香港都食過)一入到去...樓下滿坐.所以服務員.安排我地坐樓上.我地order甜品如下:雙皮燉奶$17...朱古力西米露$20...雙料椰汁特飲$20先來的雙皮燉奶..why似普通燉奶同香港不一樣.我就問店員..佢嘅回應是雙皮燉奶未有住/////(真攪笑)咁點解我地落單時佢唔講...之後來的朱古力西米露,,雙料椰汁特飲淡而冇味..我都唔明呢間野點解咁出名食品唔掂...服務更加唔掂.......我下次一定唔會再去

適逢假日,前來到訪的旅客亦特別多.因為旅遊書與名人的介紹後,人就更加多了.但也是這個原因,當然要品嚐下遠近馳名的義順鮮奶 我們叫了:涷燉奶: 香滑,亮充滿奶香, 但個人認為略甜熱薑汁撞奶: 熱度適中, 不會太熱太涷, 再加上濃郁的薑汁, 相信在冬天品嚐,風味更佳!

行過見門口勁多人等位，朋友想試下澳門義順同香港義順有乜分別，我點左凍雙皮奶($17)，朋友點左木瓜奶($20)凍雙皮奶入口好滑，奶味好重，最正係無香港咁甜，香港個D實在太甜啦木瓜奶，都無香港咁甜，好濃木瓜味所以飲唔到奶味

早前看 城城哥介紹澳門的雙皮燉奶所以這趟是慕名前來冷的馳名雙皮燉奶是最愛還有溫暖提神的薑汁燉奶雙皮奶 滑滑的好比豆腐花，而且乳味重卻不失鮮甜薑汁奶 還未吃已聞到濃郁薑味撲鼻而來如果再遊澳門，必定去新馬路找義順