雄裕老地方美食

Open Now

Now Closed

朋友試過話好好味，推介黎澳門可以試試，我地已經特登逼開食飯時間，9點黎到鋪頭門口，都要排第5、6個。系門口坐左陣，分店有位，伙計就帶左我地去分店個邊。《胡椒豬骨煲》胡椒湯底好濃郁，而且辣辣地，新鮮豬骨煮得好入味，仲有吸管提供，方便食埋骨髓。《清蒸聖子》聖子好鮮甜肥美，蒸得岩岩好，唔會太生唔會太老，加埋蒜蓉調味，味道唔錯，不過有少少沙。《椒鹽賴尿蝦》好有鑊氣，蝦身炸到香脆，配搭埋椒鹽嘅風味，鹹香加埋少少辣味，令人食唔停口。另外，我地仲叫左椒鹽粟米、椒鹽鴨舌、辣酒炒螺同埋金銀蛋時蔬，所有餸菜都味道都唔錯，價錢就中規中矩。如果大家想系澳門食大排檔，可以黎雄裕試試！

除左香港有力奇豬骨煲代表之外, 其實澳門🇲🇴都有間非常出名既隱世豬骨煲, 雄裕(新)老地方美食, 我諗每晚既食客大概有9成都係澳門本地人。《食評》每次黎都要5點半到霸定位, 然後同老闆order個大豬骨(HK$150), 百幾蚊既價錢竟然仲可以食到大大份既新鮮豬骨, 火鍋既靈魂, 如果唔計牛肉, 就一定係湯底, 除左老闆堅持採用新鮮豬骨之外, 湯底仲好重胡椒味, 鮮甜帶點微辣非常暖胃！我地仲點左椒鹽瀨尿蝦、紅燒乳鴿、鹽焗奄仔蟹，當然要加多支老青啦！ 🍺●驚喜菜式: 可以啜既豬骨 🐷●綜合評分: 1. 湯底: ★★★★★ 2. 食材: ★★★★★ 3. 環境: ★★★★☆ 4. 價錢: ★★★★★

兩公婆去遊澳門,上網揾到這間試試, 點知大失所望, 所有食物都是超鹹的兼有味精就不在話下啦！服務態度更差, 一坐低侍應語氣勁差的説: (只可以食個半鐘, 叫嘢食只可一次過，唔好拖佢啲時間。) 仲慘過唔洗錢!好啦！都忍住氣, 落 order (看上述相片) 看看是否真的美味! 結果以後不用去了, 人均收費$380。

人頭湧湧的門口，站滿等候入坐的食客，一間相信遊客很少會到的食店，在openrice找到的食店，試試看吧！這裡最有名的是豬骨煲，像是必點之選，不過朋友不喜歡食豬骨，所以剔除。招牌菜都唔點？沒關係.... 絕對不會影響這餐的水準。我們專攻海鮮辣煮花磥：個汁好野味，花螺沒沙，沒臭醒味，不停手的挑完一粒又一粒。炒勝子：勝子大到一個點，肉質鮮甜，肥美厚厚的，好好味。炒花甲王：真係王黎架，大大隻，㕑師一點都不留手，很大的一碟，肥大肉厚，不得了。蒸鰂魚：雖然唔係咩貴價魚，鰂魚多骨，但勝在鮮甜美味，勁大一條。慢慢地小心食吧，你可品嚐到滑嫩的魚肉。炒豆苗：可能是時令菜，豆苗很鮮嫩，不會刮口，蒜香炒，人人都一大把一大把的放進咀裡。京都骨：這個應該好小會做得不好吧，這裡也煮得好味，送飯一流。講左咁多但一張相都無，真係唔好意思，因為實在太好食食到唔記得影相。

每一次去馬交一定去食嘅老店！食材新鮮，風味十足！價錢又抵！但要求坐得舒舒服服一定唔啱你😅背貼背😍不過你要來呢度你都要俾心機搵一搵，因為佢係身處於住宅與住宅之間嘅巷入面😅😅唔係在啲人都比較難搵到🤣個特大燒螄蚶真係鮮味到不得了，又爽口！豬骨煲份量十足，骨髓甘香，同埋非常扺食！想中呢個係細size，入面仲有好多冬瓜 😅😍奄仔蟹你睇相都知爆膏啦😂但略嫌細隻😅辣酒煮花螺非常新鮮爽口🤤呢餐承謂港幣＄600，仲抵過返大陸啦😂😂

上年12月中同家人到澳門自由行，經朋友介紹知道近關閘附近有間食 豬骨煲 好出名， 仲要係用吸管食嘅，一場黎到，當然要去試下除左豬骨煲外，我地仲叫左一碟白烚大頭蝦，冬蔭功花甲煲！！先講一下地方，個晚我地去到時大約7pm，唔使等位，馬上入座！店員姐姐告知每枱用餐時間約2小時，因晚上好多人等位的！首先上菜既係白烚大頭蝦，蝦好新鮮，所以就咁白烚已經好好味每隻個頭都爆膏既！正跟住豬骨煲同花甲煲都一齊上菜，豬筒骨大約有6-7舊， 豬骨髓都算 豐富。每個人都用吸管起勢吸花甲煲湯底很濃郁，酸酸辣辣的，花甲份量也算不少，一路滾住一路慢慢開口好鮮甜，亦無乜沙！朋友無介紹錯，呢間係好值得黎一試

冬天一早過去，大夥現在已經在開冷氣，但是我成個冬天都沒吃過骨煲，簡直是對唔住成個季節，更愧為澳門人，連每年政府派果9撇都辜負埋。所以不管外面幾多度，入夏前點都要去老地方整番個骨煲，好好歡送2015冬。拾級而上，在平台中央，有少少難找。雖然一心一意過來吃骨煲，但鋪位外擺滿是日生猛海鮮，意思意思都要Order幾樣。恃著今晚人強馬壯，轟轟烈烈叫了兩個煲。胡椒豬骨煲（小） MOP130老地方的骨煲一直是我覺得全澳最正的骨煲，主要是因為個胡椒湯底。天寒地凍，飲一碗熱辣辣胡椒骨湯，暖和真氣隨即從胃底走遍全身，即刻功力深厚左幾年咁。所以每年冬天，我除了馬不停蹄地打邊爐外，幾乎都會來老地方慶祝冬季。今年再吃，仍然喜歡那燙口暖胃的胡椒湯，只是現在的味精好似重手了些，鹹左些少。至於豬骨，已經預先煲至軟淋，基本上滾一滾就能開吃。吹幾口還等不及完全放涼，就熱辣辣大口咬下去，骨邊肉連著軟骨及筋，一口是鬆軟入味的肉，再一口就是富咬感又充滿膠質的筋。鬼崇肉藏在骨縫中，很快你就會放棄用筷子夾，直接用手拿！吃完肉，隨即拿起阿姐擺低的飲管，組裝在骨筒內化身終極型態。在筒骨裡添少許胡椒湯，連同骨髓一口吸下！嘩，膽固醇的豐潤

到了晚餐時間，想找一些少些旅客的地方進餐，但這些地方在澳門越來越少，因為很多旅客都識得很多非旅客區的美食店，令這一類的食店賣少見少，所以今次就選擇一間近拱北關閘的食店，而這一間食店我很久以前都想來，只是因為近關閘我不太熟識我就卻步，今次就抱有決心都要來一次試試有很多朋友推介的:雄裕老地方美食。雄裕老地方美食是在關閘泰豐新邨第三座的地下，來這個地方不是很難，如果是旅客可以坐酒店或賭場的財仔車去到關閘，下車後轉到巴波沙大馬路(關閘大馬路)，行到去泰豐新邨第一座下面的大豐銀行旁的一條樓梯一上到頂就可以看到。如果不是坐財仔車就可以坐巴士號碼1, 3, 5, 9, 9A, 10, 10B, 18, 25, 27, 34去關閘方向去到巴波沙大馬路站下車，一過對面就見到大豐銀行旁邊的樓梯行上去就可以。今次我是直接坐財仔車去到關閘行過來，因為心中預算行車時間都會塞車，誰不知車程中非常暢順，不用15分鐘就來到大豐銀行下面，行上去的樓梯有一些水在上面，望過去衛生程度不是太好，上到去到食店時只是五時三十分，店只是開了門準備中，沒有任何的人客，不過伙計們都叫我們入內坐著等開店。店內的裝潢也是十分之簡單，放了五

今次係我第二次幫襯呢間食肆，幫襯原因好簡單，因為好掛住佢哋個胡椒豬骨煲同海鮮，程度有去到牽腸掛肚嘅地步，唔係講笑。大少我生平最憎就係等位，諗住去親邊都必先訂位，由其喺馬交(Must do!!)，實冇死，第一次打去時，接線嘅姐姐(查實係姨姨)好有禮貌地以嬌嗲嘅聲線同我講：嗯~到時都可能要等架。我心諗，一陣啫，冇所謂啦，殊不知我嘅第一次係足足等咗九個字(45分鐘呀...)...雖然係咁，但仍然吸引我有第二次幫襯，可想而知，我對佢嘅包容有幾咁大... 環境方面，雖則地踎，但都算乾淨，尚可接受。主角嚟喇...食肉食得太多，可以搭舊降火冬瓜中和吓﹗金黃奄仔蟹膏，質量皆非凡~~三個字形容：好鬼鮮甜...唔點豉油，就咁食都冇問題﹗

因預先BOOK了位,所以不用等!這趟大排延席,10個人(電話說等齊人才準入內,ME還是扮晒蟹,入左去先,大家黎緊..),大排檔嘛,預左不是傾計的地方,全程你只會顧住淥和食,剝殼,催待應攞'梗',餐具,野飲,漏單追單.....,記住,我地7点15齊人,8:30要交枱!是次真係忙住食,沒有怎樣拍照1)叫了大家推薦的海鮮煲(冬陰公湯底):因沒有蟹,SO放其他海鮮,味道個人認為一般,無咩太特別,沒有大家說得那麼好味,反正大大頭虾,花甲,還有些蔬菜,然後好像沒有有什麼了..放入一個比起泰國餐廳不算正宗的冬陰公湯入面。        再試大家推薦胡椒豬骨煲:個人覺得不錯,但大家好似唔係點食,唔係顧儀態下哇, :  ).但數埋真係有骨筒的好像不多呢,成舊骨多D,骨肉上有香香胡椒味,再叫D料來打個邊爐,還是不錯的~~2)另叫了獅奄,泥味較重(個人會覺得石獅美食的獅奄好食D,帶有海水的咸味,當然貴D)3)叫了小炒,  都係一般大排檔應該有的小炒或水準                           京都骨:不錯!!               椒鹽九吐:正常               椒鹽豆腐:不

基本上, 一年都會去澳門兩, 三次… 今次仲揀左好多人嘅四日連假復活節… 為左唔想餐餐都要排隊(多數都係旅遊書有介紹嗰啲)… 所以… 今次決定走出氹仔同新口岸到左dinner時間, 第一次踏足黑沙灣(關閘)…好local嘅感覺…今次揀左睇blog見到嘅冬蔭公蟹花甲鍋…多年前已聽說澳門有抵食兼大堆頭嘅什錦海鮮鍋, 但賣相不討好, 一直冇諗住試…不過, 今次爬文中搵到呢間, 見到d相已經好期待… 七點鐘去到, 已見到有人等位, 等左大半個鐘就有位, 以假期黎講已經好理想, 等位期間好多local澳門人黎買外賣, 無論小菜定火鍋料…aiya…仲未開名tim, 呢間叫雄裕老地方美食…佢d食材好新鮮, 門前有幾箱游水海鮮… 佢間鋪得三張細檯, 一張中檯同一張大檯, 所以一晏左, 就要等下啦…原本亞姐比張細檯我地, 點知轉頭比左個group四個人坐, 亞姐原來想我地同個group三人坐中檯…冇所謂, 但都講聲呀…都好, 可以聽下個三個澳門人傾偈, 佢地叫左豬骨煲, 好似好好味, 不斷都有其他檯order, 佢地仲order左幾個小菜, 都食得津津有味…佢地話以前冇乜人知呢間野, 但依家開始有香

事隔一年，再到雄裕老地方，食物水準依舊不錯﹗6:00pm來到，待應講到明話8:00pm一定要交枱唔係就無得食，無計的情況下都要照坐，急急叫餸開餐。冬蔭公花甲海鮮蟹煲，$200，份量足，大頭蝦有八隻，蟹一隻，花甲大量，湯頭酸酸辣辣的很鮮味，配上大量秀珍菇及椰菜，美味，是打邊爐的好湯底。由於蟹很甜美，及後我們再點了水蟹兩隻加料，$7兩﹔必點一碟麵筋用來吸湯吃，連平日不吃生根的食家也說很美味﹔美國肥牛賣相其實算不錯，半肥瘦才$35，可以一試。來老地方當然是吃海鮮，白灼花螺$128一斤，螺味濃郁，是朕朕的海水味﹔反而辣酒花螺個醬汁偏鹹亦不辣，海鮮還是白灼的好吃﹗椒鹽尿蝦不大隻，但游水的新鮮即捉即煮，肉實，甘甜惹味﹗友人是蝦王，整多碟白灼大頭蝦，蝦肉鮮爽，蝦頭內盡是蝦膏，那有不好吃之理？最後食足兩小時，八點鐘準時埋單，連8支青島大啤，埋單岩岩$1000﹗一人都係$160，食海鮮咁平真係邊到搵？

這個店,有空調無裝修,有口碑但坐得不舒適!偏偏對我有好大吸引力,因為有豬骨煲,還有食友提及的冬蔭花甲蟹煲:單單運用想像都知道好味。終於今晚來一嚐其滋味豬骨煲這裏做的就只有瓦煲胡椒湯,冬瓜件及大大件骨頭,簡單直接,豬骨味香甜,只可惜這夜筒骨較少,令人吃罷有唔夠喉之感覺。湯底胡椒味極強,如果換轉是冬季時候喝口湯,必定魂飛千里。而冬瓜最尾索盡肉味辣味,也回味無窮。泰式花甲蟹煲足料!膏蟹仔三四隻、花甲必有半斤或以上、中型大頭膏蝦亦不少於七八隻,配菜有些黃牙白及大量雜菇類!!!襯著泰國酸味湯底,香甜醒胃!所有海產吃入口都是鮮甜無比,美中不足要是冬蔭湯做正宗一些,對我好辣者來説更是福音脆腩肉地爽脆但件頭較細牛肉及鷄腸鷄腸必吃,尤其用骨煲湯輕灼一分鐘,爽口肥美,促使我們八個人消滅了四碟!牛肉都可一試獅蚶泰式做法:灼得有八成熟,然後醮酸辣汁,令人想起曼谷唐人街T&K尖螺其實是為着好奇而叫,吃時需要稍用力將肉吸吮出來,肉偏瘦削。試一次便可收手。今次共乾了兩個骨煲兩隻乳鴿啤酒氣水理單$1020抵食巳預備十月中再來一趟

新年新開始，梗係食餐好，要介紹既係澳門都幾隱世既雄裕老地方。睇網上食評同資料就唔太多有介紹過，現場去到亦都以澳門本地人食飯為多。以食煲為主，雞煲、水魚煲、蟹煲、海鮮煲咩煲都有，亦有不少海鮮及小炒供應﹗價錢相當大眾化，起碼平大馬路附近的食店接近一倍﹗門口堆滿各式各樣的貝殼類，大家都知我是貝殼lover，係貝都鍾意食，未食飯在門口已知呢間野岩哂我﹗店子少少分兩個鋪，大排檔小店格局，全無裝修可言﹗呢晚8:30pm左右來到，岩岩有張吉枱即時入座，遲多十五分鐘都要在門口等位，真係好彩﹗青島$12支，飲得幾多叫幾多﹗見到有此店自家釀的糯米酒出售，很想試試但有了聖誕的斷片事件後，內心掙扎下還是謹慎一點比較好﹗來這兒就是為了這個泰式冬蔭公花甲蟹煲﹗足料非常，有水蟹兩隻、大頭蝦十數隻、花甲都有大半斤，另加大量雜菇、雜菜等﹗我同食家最愛係佢個湯底，冬蔭公湯頭鮮帶微辣，配海鮮味道很夾，食落樣樣都新鮮﹗大大煲我地四個人食岩岩好﹗最重要係價錢，呢個湯底令人驚訝地只係$200，咁重料都咁抵真係令人吃得格外開心呢﹗大頭蝦雖不是什麼貴貨色，不過食起上來隻隻有膏，肉又彈牙，好味道﹗見個煲咁平梗係唔介意叫多幾樣食飯啦﹗豪

每次過大海都會去 , 去左 3-4次啦. 雖然地方偏僻, 但好c旺場.d 煲好多款式, 又足料抵食, 其他小菜一樣大碟兼好味.豬骨煲多料 , 最重要胡椒好重, 唔同香港深圳果d. 泰式花甲蟹煲 " $200 , 超正....大家無聊數一數:大花甲有 17隻, 大頭蝦都超過10隻, 兩隻靚花蟹,什菇,青椒,蕃茄, ......個個枱都望過黎, 真係好好味好滿足...