利安咖啡屋

Open Now

Now Closed

放假同小朋友去左澳門玩，之後本來想去官也街附近食人氣餐廳，但係超級多人排隊。見隔離利安咖啡屋等位唔使太耐，上網一睇，先知連續數年榮獲米芝蓮推介的葡國菜餐廳，即刻入去試下。🌟豬仔包麥香味重，口咁鬆軟，飽腹感不錯，好味。🌟#馬介休球幾有特色，味道不錯。🌟#利安特色燒乳豬皮脆肉嫩，好好食，必試。🌟#厚燒黑毛豬扒厚身肉，肉質鮮嫩，鎖住肉汁，很嫩滑，正。🌟#葡汁咖喱雞超大份，味道水準不錯，食唔晒。🌟#炒雜菜🌟#吞拿魚意粉芝士味香濃，意粉軟硬度適中，味道佳。店面無咩裝修，看似平凡，但食物水準不錯，屋企人大贊，價錢合理，值得一試。

今次颱風澳門之旅一行17人，由於人數唔少，所以搵食一定要book定枱，事關我哋呢個行程係最後一分鐘先決定Go！所以無預早搵食，好彩表妹夫有朋友介紹呢間「利安咖啡屋」兼幫我哋book 埋枱，非常感謝🙏🏻。我哋叫咗好多食物，但係我專心食所以忘記影相，當然亦有少少場地因素，因為我哋果張枱係超長枱，所以⋯⋯有幾款食物我係鍾意食嘅：利安特式燒乳豬 - 皮脆肉嫩，燒得啱啱好，好食。咖喱蟹 - 咖喱炒得好香，好惹味！蒜辣汁大蝦 - 呢個好鮮味，個汁餸飯一流，如果可以嘅話，我想自己食晒一碟。馬介休炒飯 - 炒得夠乾身，馬介休唔好咸，淡淡的，同炒飯一齊食好match。木糠布甸 - 澳門必食甜品。

這次來了澳門遊樂，就試一試當地有名的葡國菜，這家店近官也街，店內地方不大、座位不多，所以建議提前預約。利安特式燒乳豬 $298/客這個是這裏的招牌菜式，燒乳豬的皮燒到好脆，而且肉多而嫩，的確是挺好吃的，而每件肉的size都切得比較大塊，所以吃著挺滿足的。紅酒燴牛肋條不得不說這裏的菜式份量都幾大，這個牛肋條有好多件，不過略嫌肉質煮得有點過淋，而且紅酒汁偏甜，吃著有點膩，不是太惹味，至少不會令人有想一口接一口的感覺。木糠布甸又是來到澳門必食的單品，這裏的木糠布甸雪到像雪糕質地，而且味道不會太甜，感覺吃2份都綽綽有餘。總括而言，如果來這裏食的話，只點燒乳豬及木糠布甸就足夠了。

喺openrice睇到咁多正評以為好好食啦，特登行成20分鐘走去食呢一間餐廳。但實際上都好麻麻。特別係好多人推介嘅葡國雞飯，碟就大喇，但雞又少，薯仔又少，椰子味都係冇乜，非常之普通。我哋仲試咗佢個招牌Menu第一版嘅厚燒黑毛豬扒，我覺得用咁嘅價錢，居然俾啲咁嘅質素豬扒我哋，啲肉鞋烚烚。重點係唔單止個環境麻麻，連嗰啲服務員嘅態度都係超差。每一句說話都好似要搶你錢咁。又貴又唔好食，都唔知啲好評係邊度嚟㗎！好失望！ ！

在澳門坐輕軌至排角站，出站後走半分鐘便到地堡街口。直走不遠便是Cafe Leon，吃葡國餐的。有了輕軌後，交通更方便快捷。今次到澳門再嚐嗜葡式焗豬扒飯，它的特色是炒飯底除有蛋外也有肉腸粒，吃來更香口。豬扒焗得外脆仍保留肉汁鮮嫩，不會乾乾實實，茄汁鋪滿在已切成一塊塊的豬扒上，美味可口。若然想吃帶點肥和厚身些的豬扒，可選擇濶佬焗豬扒飯。另外，不妨試試新鮮即叫即焗的豬仔包，焗得軟熟加上牛油，亦可配餐湯吃。

一行6人仲要係大部分老人家👵🏼👴🏼，佢地都讚好！招呼又好，野食又好，餐廳環境又好…👍🏻去澳門🇲🇴梗係要食地道葡國菜，一定要去呢間👌🏻地點又方便，一入牌坊就見到…

在觀也街附近買完手信後，在氹仔舊城區內泉福新邨的著各葡國餐廳「利安」咖啡屋吃晚餐，餐廳不大故枱數不多，要預先定枱。據說餐廳內佈置是保留著原先舊店的葡式設計，一幷搬過來，瓦磚都是葡萄牙特式的。利安咖啡屋應該有30年歷史，近五、六年才搬到凼仔舊城區去。原先的舊店是在澳門西灣湖旁邊。我們叫了幾款招牌菜式試嗜，計有馬介休球、釀蝦多士、白酒煮蜆、燒沙甸魚、闊佬豬扒飯、葡汁焗雜菜、豬仔包。我則喜歡好有特式的馬介休球，是炸魚肉加薯蓉球，點茄汁吃更味美。還有闊佬豬扒飯很香口，厚厚的豬排帶點肥但吃落鬆軟。自家焗的豬仔包，也值得一試，那種鬆軟度跟一般硬豬仔包不同，好吃。很滿意這一餐葡國餐，埋單五人共葡幣763.4

利安咖啡屋 葡萄牙燒豬(298+10%)無裝修，無特色，無味道。裝修和菜單都無葡萄牙特色，裝修就系普通餐廳，菜色就間間都差不多，價錢同其他有米芝蓮推薦又差不多，算啦，試下點先。因為價錢覺得不值得，只系先叫左一碟燒豬試下，好至再叫其他，大約等了5分鐘就來，咁即系燒定啦！雖然食落仲熱，但皮不脆仲帶靱，味道偏淡，無乜豬味，以前在葡萄牙食過兩次，一次在 side walk,一次在機場，兩次都幾好，所以哩間比較在葡萄牙食的差太遠啦！所以覺得絕對不值得差不多300圓，亦以後絕對吾會再來。

11:30 才開門。豬仔飽，餐湯及主菜都是熱呼呼的上菜。我叫了羊鞍配茄汁意粉，全熟的，除了有筋的位置，羊肉的軟程度是 ok的。父親叫了咖哩牛腩飯，份量十足，他說辣得剛好，不會'噴火辣', 仍是辣味十足，大讚好味。母親叫了葡式紅豆豬手飯，豬手夠軟，整體 ok。甜點是木糠布甸，好味。可能為了遷就遊客的口味，套餐只有很少葡國菜，有點可惜，母親更幾乎選不到合心意的，但整體食物是少糖，少鹽，少油，煮得健康。環境舒適，服務很好，價格合理，值得來食一次。

很多人說這間要預早book位，所以我早兩星期book位，當天是星期一，7點只有我們跟另一枱人，半個鐘後，慢慢就坐滿整間餐廳，餐廳座位不多，提議早book位會比較穩陣當晚我做了個很錯的決定：以香港餐廳份量去點菜，所以3個人點了一個涼菜，兩個主菜和一個飯，菜一到，嘩，真的大碟豬耳沙律：喜歡那個汁，酸酸辣辣，尤其愛吃生蒜的我，那個生蒜加豬耳，很夾，豬耳很爽，不會是硬燒乳豬 : 推薦菜，不是港式的燒，應該是烤的，皮看起來有點點厚，但因為烤的原因，皮是鬆脆，不會實的口感，即使用刀切都不會難切開。唯一的失望是那晚的豬有點肥，所以口內會有點油膩葡汁焗雜菜，馬介休炒飯都是水準之作豬耳沙律馬介休炒飯蒲燒乳豬葡汁焗雜菜

六人第一次去這間利安咖啡屋食萄菜, 雖然門外餐牌並無標名價錢。但即管一試, 食後感覺蒲菜美味, 色香味齊。服務質素亦佳, 侍應生不斷替客人更換新碟. 美中不足的是沒有麵包奉送,式不防再去再試試其他菜ㄧ, 平均每位收費$250, 可算抵食。

周六晚上，在氹仔比較出名的葡國菜餐廳早已滿座，門口聚滿排著隊等候的人們。肚子餓的緣故，亦懶得排隊，便決定來到這家門面平凡普通，不用等位，但滿多好評，亦曾是米芝蓮推介的餐廳吃晚餐。店內裝潢風格沉實，白光燈與深啡色桌椅為主調。前菜點了蝦多士，熱辣辣即叫即炸，香脆可口。蝦餡的份量給得很足哦主食則選了很有葡國風味的馬介休炒飯，馬介休即是銀鱈魚鹽醃而成的鹹魚，用來炒飯好好食！而且炒飯水準不錯，米飯粒粒分明，又不會太過油！大讚半份厚切黑毛豬扒，絕對是驚喜之作！豬扒表面煎得香脆，內裡肉質厚而鬆軟！而且肉味濃郁，非常JUICY！可以選擇配上黃芥末醬或蒜味汁，個人比較喜歡蒜味汁。這一餐我們都好滿足啊

每次到澳門都會來吃萄國菜,除了地點方便之外,食物環境及服務都是我滿意的餐廳.今次特別午餐時段來試lunch setFacebook專頁會post每期lunch set menu豬仔包熱騰騰好好味牛尾清湯....味道及湯料都十分豐富黑椒牛肉炒意不及此店其他菜式好味及有點油沙爹牛肉飯多汁,味濃另點了我至喜愛的豬耳沙律,保持水準,味道依然出色Lunch set 有甜品選擇因為很少吃木槺布甸,所以未能和其他店比較,不過吃了第一口已知道我的選擇是對的😋由於用餐時間是澳門2018年八號風球落左後的第三日,加上又落雨,餐廳客人不多,有半個鐘的時間我們包場😅😅...以lunch set的價錢,有此食物,環境及服務,簡直是超值👍👍

迷人美景巴黎人吸引咗我倆到此一遊。晚餐就去已預先訂咗位嘅利安咖啡屋。1. 馬介休球熱辣辣嘅薯球，好有魚香味，不過味道過鹹，感覺勁口渇！2. 黑毛豬扒半份雖然半份得1件，但好大件頭，肉質非常鬆化嫩滑，豬味濃郁又juicy。3. 羊鞍二人份量有5件咁多，肉質雖然比唔上黑毛豬咁軟腍，但也不失嫩滑，蘸上香草汁之後，少咗羊羶味，清新又yummy!埋單500蚊有找，十分抵食！留意到每樣食物嘅分量都幾多吓，十分適合一班人聚餐呢！

獲港澳版米芝蓮指南中米芝蓮車胎人美食推介的🇲🇴利安咖啡屋🇲🇴路過都不會為意的餐廳，外表簡約裝修 ，但餐廳內美食真的令我印象深刻😍真的可以去澳門必試！每次去澳門都經過，身為港人對這間餐廳一點都不熟悉，但據悉澳門人都力捧的一間餐廳，熟客都頗多， 可能過年之後去，餐廳客人甚少😅，而且門口餐牌食物圖片不吸引及沒有標示價錢，所以企係門口都還有猶豫， 但在OpenRice上已選擇所以即管一試！果然沒有揀錯！👍🏻🐮紅酒焗原條牛肋骨 220mop五至七成熟的牛肉食落好有肉汁，牛味濃，肉質有咬口但不會難以咀嚼，且有淡淡酒香，不錯！🐔非洲辣雞 半隻 250mop上台時非常熱騰騰！睇到個醬汁已經食指大動👆🏻香氣撲鼻！口水已分泌！我唔客氣啦！雞肉嫩滑配上有椰絲的少少辣醬汁🌶啖啖惹味！真係可以食幾碗飯🤤🤤必點！🍛海鮮焗飯 160mop上枱亦非常熱，見到啲汁仲啱啱焗起所以仲有治治聲，醬汁還在跳動！配料有魷魚🦑,青口,魚塊🐠,蝦🦐，葡式臘腸，蕃茄🍅，青椒，洋蔥。大概記得就以上這些。整碟飯味道像番茄汁焗飯🍅很濃郁，整體都很吃！最後想講重口味的吃貨們一定很滿足！！😍😍P.S 另外侍應會不停幫你換碟及fill water