梓記牛什

Open Now

Now Closed

繼續牛雜之旅一見到牛雜又坐低試下先•牛雜整得好林好入味啲牛雜索哂啲汁 唔錯唔錯•蘿蔔呢個非常出色啲蘿蔔好林入哂味 蘿蔔仲要無渣 出色出色•澳門啤酒🇲🇴黎到梗係要飲返支澳啤啦🍺♥️

再度在氹仔落船，既然如此，就近去百老匯美食街先填肚再說 撇去曾訪的店家，尋找新意亦要滿足自己的重口味，吃牛雜實在不足為奇 梓記牛雜享負盛名，承載七八十年歷史，由營地大街攤檔擴展至百老匯實體店 除了質素，就著地理位置及環境而言，價位想必然也有分別，說到這點就得看個人取捨 馳名牛雜（小） MOP60不算極便宜，但反正非經常消費，一頓滿足比較緊要 一碟包羅牛肚、牛肺、牛膀等多款滋味；牛肚特別吸汁，彈牙而富有嚼勁 牛腸無異味是基本，外表不會油滋滋，但內面確實仍留點脂肪，香口綿潤 其實晨早第一餐就如此重口味，除了胃口之外，更需要一點將健康問題暫擱的勇氣

今時今日係香港已經好難有舖頭提供具質素的牛雜記得十三座牛雜嗎？可惜佢已經搬去台北士林夜市開舖但都係之前結束營業了梓記牛雜本店位於澳門新馬路營地街市今次冇過去澳門半島果邊只留在氹仔咁就去百老匯大街的分店啦一份牛雜（$60）小如果要牛雜蘿蔔都係一樣價錢配上芥辣點住食小時候的味道回來了！可能淨食關係所以都覺得幾夠味個人最喜好食牛肚，好入味同淋滑下次想試大size的牛雜（$98）因為會鍋上熱住食好似煲仔菜咁

《澳門篇》澳門確是一個好地方，周圍都有不少馳名小店或餐廳，交通又方便，行到累又可以到酒店坐坐，夠哂輕鬆自在。梓記牛雜 $55係澳門好出名的梓記牛雜，百老匯大街亦有分店，水準保持不變，牛雜勁入味，爽脆可口，牛雜汁濃郁惹味，而且好大碟，我和朋友一起分享，感覺剛剛好，正呀！😋百老匯大街其實有點像台灣夜市，周圍都係餐廳，大部分澳門著名的食肆係百老匯大街都有分店，鐘意周圍搵野食的你，唔使走黎走去啦！呢度有哂誠記粥品、梓記牛雜、度小月、皇冠蟹粥、榮記豆腐、阿鴻小吃等幾十間出名餐廳，好方便呢！------------------------------梓記牛雜澳門百老匯大街

牛什大大件，用料新鮮，火喉啱啱好，夠冧夠入味之餘又唔會話炆到冧bear bear，而且食唔出話落左好多味精，食完唔會口渴，最特別係有牛喉嚨。平時街邊d牛什差好幾個level但係麵底就唔係特別出色，早知叫淨牛什，唔洗浪費quota

還好在百老匯不止是吃，還有不少精彩表演；吃飽可在街上走走拍拍，幫助消化，再去餘下三站。第二天第二站是主打地道牛雜的 梓記牛雜，場內3款指定招牌粉面買一送一。這批牛肚麵、牛腩麵及牛筋麵，本來就只 MOP 30碗，買一送一平均就是 MOP 15，非常超值！再加上牛雜，拌上秘製辣椒醬，十分滿足又過癮。而且辣醬可以刺激食慾.... 之後再多掃3站！

唔知係咪香港有太多好味而又出色既牛雜店鋪，我覺得呢間鋪有點兒名過於實。叫左2碗牛雜米同樣走腸，所有牛內臟都做得十分淋身，但牛味就真係相當之欠奉⋯佢哋嘅所謂秘製辣椒，亦唔覺得十分特別出眾。

喺氹仔呢邊酒店區，要揾到價錢較低，又好味嘅食店，真係比較難！好彩有百老匯酒店的出現，酒店旁邊嘅大街，引入了不同澳門半島出名嘅食店&車仔檔，喺呢度開分店！而且大部分營業時間到凌晨兩至三點，可以多個宵夜好地方。坐底後,環顧四週都掛上老店的介紹，以及不同報章，食家的報導！點咗以下3款小食，除咗食物有賣相外，味道亦好美味！馳名牛雜-一放入口，同平時食到嘅好唔同，食到有一陣原始嘅牛味，好有住家風味，但份量就較少，只有約茶杯碟咁大份量！但牛雜配合黃介辣齊食，真係絕配。淨魚球-一口咬下，魚肉香滑鬆軟，亦不腥，平時唔喜歡食魚肉嘅我，都忍不住食咗幾件。鴨紅菜-鴨紅估唔到咁滑，好似食豆腐花嘅感覺！另外好欣賞，店中自家製辣椒油，辣度適中，但同時間食到蒜香味，喺口中散發著香味！

我都記唔起由5月27日開業後到訪過百老滙梓記牛什食宵夜多少次了，試過一日兩次，不過有時都會去李家菜食鴨紅，雖然呢度主打牛什，但係佢嘅鴨紅真係好嫩滑。之前同客人食完晚飯後，休息一會，帶他們到百老滙大街食宵夜，不其然帶他們去了梓記，由於之後要去飲酒，所以點了浄牛什($55)、浄鴨紅($32)、蘿蔔($20)，三枝可樂($15一支)，七月尾仲係$12一支可樂，咁快加到$15？店員稱話好似過咗10點可樂買一送一，叫我哋飲多枝抵啲。牛什有牛腸、牛膀、牛肺、牛脷、牛肚，隨牛什跟一碟辣醬及芥辣，另叫一碟辣椒油，好少牛什有牛脷的，牛脷同牛肺都好好咬口又不會太韌，牛腸好爽口但又煙煙韌韌，牛膀同牛肚幾腍，點埋辣椒油、芥辣不錯(是照抄我自己第一篇食評)。浄鴨紅，非常嫩滑，李家菜用水煮，梓記應該用汁煮，加上蔥花，好咬口，沒有一夾就散，很好食。蘿蔔，無渣，夠腍夠甜夠入味。可樂，今次雖沒有冰供應，仍夠凍，但不知為何短時間加價，要我白飲多一支。埋單出示銀娛優越會証，但店員話已經有可樂買一送一優惠，所以沒有九折，算，埋單$137。

2015年5月27日，澳門一大盛事，銀河二期、百老匯酒店及大街正式開幕，當天下午正式對外開放，上次未能嘗盡所有美食，所以今次3日2夜澳門之旅，要試試其他店，第一天食完Ritz Carlton嘅抵食lunch，之後去玩完天浪淘園，即去百老匯大街，見到梓記牛什，即刻響露天地方坐低，響服務員點了馳名牛什($55)，細樽裝可樂($12)，要求冰塊，但其實梓記沒有供應冰塊的，但服務員去了隔離店攞了一杯冰塊，值得一讚。牛什有牛腸、牛膀、牛肺、牛脷、牛肚，隨牛什跟一碟辣醬及芥辣，另叫一碟辣椒油，好少牛什有牛脷的，牛脷同牛肺都好好咬口又不會太韌，牛腸好爽口但又煙煙韌韌，牛膀同牛肚幾腍，點埋辣椒油、芥辣不錯；樽裝可樂夠氣，加埋冰，夏天消暑佳品！百老匯大街大部分都營業至凌晨三點，所以唔怕夜咗無得食，第二晩再落去食埋鴨血($32)，與鄰店李家菜的鴨血有少少不同，相信李家菜用水煮，而梓記用汁煮，同樣加上蔥花，同樣幾好咬口，同樣沒有一夾就散開，滑滑的，很好食。第一日忘記帶銀娛優越會証，第二晚記得帶，所以有9折！