Video
By route 7A or 8 bus
continue reading
Telephone
+853 28358835
Introduction
The interior design features simple contemporary style to create a relaxing vibe. It mainly serves Italian dishes and will add new items. The dishes are served in large portions and are good for sharing with friends.
continue reading
Opening Hours
Today
11:45 - 14:30
18:00 - 23:00
Mon
11:45 - 14:30
18:00 - 23:00
Tue
Closed
Wed - Sun
11:45 - 14:30
18:00 - 23:00
Above information is for reference only. Please check details with the restaurant.
About Reward Scheme
原本只是去瘋堂小巷行吓打卡影相，見係午飯時間，就開OpenRice睇吓附近有咩食，搵到呢間餐廳。老老實實OpenRice只有4個評語，都讚呢度好食，咁就同友人一齊姑且入去試吓。點知唔食由自可，一食就極有驚喜！！！好開心！😋😋😋極少寫食評嘅我(本人是香港人，寫香港餐廳都少，依家仲要係寫澳門嘅餐廳)，都忍唔住要俾個大讚👍🏼👍🏼👍🏼👍🏼👍🏼👍🏼，事關今日係星期六午飯時間，但呢間正嘢竟然冇乜客，唯有發揮個人少少力量，俾個正評，🙏🏼祝福佢好生意，繼續做，我下次嚟澳門要翻兜呀！！！（反而頭先見附近某著名餐廳就排晒隊，但我地食過，覺得果間只是浪得虛名🙃)講吓有幾好食：我地3個人每人各叫咗一款濃湯，一個係芫荽湯、一個係露筍湯，同埋一個係海膽湯，互相試過味，都好濃郁，好足料，好好味，我果個係露筍湯，除咗露筍蓉之外，仲有兩半條露筍，食落去係煎過嘅，配埋個包都好鬆軟，讚！主食我地叫咗個豬肉腸牛肉碎pizza，同埋pesto羅勒青醬蕃茄意粉，加個黑松露薯條小食。又老老實實，我好鍾意pesto sauce 意粉，但喺香港冇乜食過邊間係整得好食（喺灣仔有間專門食意粉嘅小店，都係整得唔好食嘅！)，嚟到澳門竟然遇上味道整得剛剛好嘅pesto sauce意粉，真是感動到喊！寫太長了，總之樣樣都好好食，行過瘋堂小巷都唔嚟幫襯係你嘅損失😆(掛住食冇影晒每樣嘢嘅相)
continue reading
無計劃下求其走入瘋堂斜巷附近的呢間餐廳，結果超級開心！食到好好味的一餐！忌廉薄荷芫荽濃湯：芫荽控必食！超得！朋友點的蘆筍濃湯同海膽濃湯都好得！羅勒青醬蕃茄意粉，真正夠味！好過所有在香港食過的！芝士豬肉腸牛肉碎Pizza好夠味！用料勁多！批底薄邊脆！正！
continue reading
假期同friends去咗澳門玩，食晚餐經過呢間餐廳就入咗去試下。餐廳裝修好有西式餐廳feel，裡面都幾大，可以上一層有座位，座位舒適，我地安排坐上層，不過上層冷氣好似唔夠。我地點咗1份燉飯，1份麵類，1份比薩，同2份小食。和式番茄牛柳粒燉飯 $118燉飯口感濕濕地，好易入口，牛柳份量都唔少。白酒鮮蜆意大利麵 $108意大利麵有咬口，唔會太腍，蜆肉都好多。瑪格麗特披蕯 $132披薩餡料好多，有小番茄，肉腸，黃椒，味道唔錯，不過披薩皮有d硬，比較難咬。左：黑松露醬薯條 $68 黑松露味都幾出，薯條炸的啱啱好。右：瘋堂竹炭炸雞 $68炸雞唔會太乾，份量都ok。
continue reading
『匠心堅持創新Fusion菜式的優質餐館❤️』🇲🇴在澳門歷史文化城區之一的婆仔屋附近，有著一家本地人都街知巷聞，以新派料理打響名堂的優質餐館🍽️經營多年仍堅持不斷發掘和創造新菜色，提供多元化的味覺體驗予食客🫶🏻這家店就是瘋堂新派料理Fantasia Kitchen🫰🏻📕主打西餐菜式的Fantasia Kitchen，近期推出多樣新品，小編即使已經吃過好幾次，都非常有意慾再次光顧😽皆因這裡的新派料理真的不是到處都能吃到的！【是日點餐】🥗意式生牛肉沙律/前菜是選用整塊新鮮優質牛排切成薄片。配上醇厚的黑醋及經典醬汁調味成的生牛肉沙律，牛肉的鮮味在口中綻開，打開味蕾迎接陸續登場的其他菜式。🍔香煎匈牙利鵝肝爆炸慕絲波蘿包/自家製的鬆軟菠蘿麵包，夾入香濃醇厚的法式鵝肝，然後再將鵝肝製成的慕斯醬抹在麵包表面，咬落絲滑的口感，簡直一絕。🥦香烤白椰菜花配法式果醋醬 （新菜式）/ 撒上一層香噴噴的咖哩粉在整個烤至外層微脆的椰菜花上，再淋上自製的法式果醋醬，雖然這道菜的油份較多，但亦不影響其層次分明的口感~🐟燉奶油菠菜挪威三文魚／燉奶油菠菜挪威三文魚採用挪威進口的三文魚，慢火烹調配上奶油醬汁，將魚肉的鮮味充分帶出～🐔巴斯克式香草茄醬燉雞/ 以匈牙利甜椒和多款蕃茄醬，並加入豐富的香料，辣度十足非常惹味，雞肉配上脆餅的組合，口感豐富又入味～🌮皇家爐烤火鴨雞肉捲/雞肉內釀入鵝肝、鴨肉和蘑菇，再以巧手精心卷制而成，入口淡淡蘑菇的清爽，也不怕掩蓋雞鴨肉和鵝肝的香氣～☕️特色慢煮啡香伊比利梅花豬柳肉／全因廚師發現咖啡內獨有的酸性，能夠提升豬肉的口感，變得更加爽口，才能研發出這道瘋堂招牌菜，不得不說咖啡醬與豬柳肉的搭配獨特又美味，可以說是到店必點的～🍕土耳其辣芝士豬肉腸牛肉碎Pizza／韓式辣炒春雞星形Pizza （新菜式）／喜歡吃辣味Pizza的您來到瘋堂就不能錯過這兩款超惹味的薄餅，分別加入土耳其及韓國地道美食元素，辣的同時口感層次分明🥩72小時德州煙燻美國牛胸腹及西班牙杜洛克五花肉（新菜式）／瘋堂本年度推出的又一招牌菜式，是食肉獸至愛的煙燻拼盤，份量真的是超過4人以上都能吃的飽，72小時的慢煮，讓牛肉及五花肉的肉汁和香味完全浸透發酵，而焦脆的培根別看他烤得焦黑的外表，但實際吃落是非常有驚喜的美食，搭配清淡的白酒或醇厚的紅酒一流！【商家資訊】📍 澳門美珊枝街6A號(荷蘭園婆仔屋樓梯頂右行)Hour: 12:00-2:30pm, 6:00-11:00pm
continue reading
同朋友行過附近想搵吓野食，見google上呢間餐廳評價唔錯，加上價錢合理，於是就入去坐低嗌嘢食。我哋總共嗌咗兩個小食同三個main。黃金QQ球（$68） + 黑松露薯條（$68）黃金QQ球炸得非常香脆，可以點埋牛油果食，食落冇咁油膩。而黑松露薯條，外脆內軟，同松露醬perfect match👍🏻.白酒鮮蜆意大利粉（$108）白酒鮮蜆好有鮮味，味道幾出色。和式牛柳粒燉飯（$118）個人最鍾意燉飯，飯嘅軟硬啱啱好，牛柳粒好入味👍🏻瑪格麗特披薩（$132）比預期之中大份，味道上都有驚喜，上面嘅配料好多，一啲都唔馬虎。味道：4/5抵食：5/5推薦：4.5/5
continue reading
You may be interested in