六記粥麵

Open Now

Now Closed

晚上9時許出到市中心o個邊食晚飯, 已經選址六記, 但因有賽事關係改晒路搞到唔太識路, 就搭的去.的士司機話六記d 粥唔好食, 佢會食一哥. 當然返黎我會搵下o個間“一哥”o係邊.好彩去到就有位. 地方淺窄亦不太乾淨.叫左蝦子撈麵, 炸鯪魚球, 錦鹵雲吞. 都係唔叫粥蝦子撈麵都幾多蝦子, 少少海鮮味. d 麵夠彈牙. 蝦子黐到成咀都係 我好耐冇食過蝦子撈麵, 對上一次食都唔見得. 今次食過就覺得原來蝦子撈麵咁好食, 返到香港一定要試下劉森記啦!炸鯪魚球好味, 外面係米通, 食落香口感覺又新鮮, 比淨炸鯪魚球好味, 入面既鯪魚肉都好彈牙.錦鹵雲吞大大隻. d 汁夠傳統, 係豬內臟o係d 汁入面, 唔似依家出面d 酒樓咁轉左豬肉或者其他料. 正!我就認為上面幾味都合格. 開頭仲擔心會唔會真係好似司機講咁唔好食. 總算冇白行一趟.

　每一次到澳门都会选择这里为宵夜地点。　从十六浦酒店直走十分钟，便能看到我的最爱。。。　　 蝦子撈麵。。。。。太好味。。。可以一盘接一盘！　 水蟹粥。。。。。。蟹肉鲜甜！　 米通鯪魚球。。。。香脆外皮，鱼肉不腥！　 珍寶炸錦雲吞。。。沾了醬汁。。。棒！ 　食物質素 >>> good 　　侍應人手 >>> friendly

MOP 120 @ 煲之前夏天黎食過，覺得好好味，所以今次再返黎食，D 粥仍然好有蟹味，但就好似稀左D，蟹就無以前夏天咁多羔，非常清甜！鯪魚球仍然炸得大大粒，好脆口，味道亦好食。不過蚧汁就唔係人人都受得起，但喜歡食鯪魚球的人就會覺得好食。不失當年風味，D腸好清潔。無味，可以不試。

見有咁多好評就專程去試下,結果大失所望~~唔明點解會有咁多人覺得好食~冇下次~!!!!!蝦籽撈面: d蝦籽好腥,又唔夠脆~炸綾魚球/雲吞: 炸雲吞ok, 炸綾魚球係好脆,不過腥腥地,最難頂係碟蜆介,有好勁o既發酵味鳳爪大腸: 都可以

之前嚟澳門都唔敢食宵夜, 因為怕肥, 但今次就唔同, 因為一早計劃好所有行程, 又留定肚食六記招牌 "un un 麵" 同小食, 雖然要特登打的去, 但就可以換嚟大家o既滿足囉 !1) 珍寶炸錦鹵雲吞 - 足本製作~蝦大大隻, 醬汁裡面有青椒/紅椒/豬肚/豬膶/粉腸等等材料; 高質素~皮薄餡靚, 炸得剛好金黃色, 醬汁居然可以做到唔太酸又唔太甜, 勁 ! $48一碟絶對超值, 推介 2) 米通鯪魚球 - $38 有8大粒, 又一高水準作品, 讚 ! 鯪魚球熱辣辣又唔腥, 超好味, 外層米粉黏得好實, 點夾都唔會散開, 蜆同蜆介醬又唔會過咸, 香港果d真係又油又咸, 無得比… 推介3) 蝦籽撈麵 - 同灣仔果間楊記比係好味過佢十倍, 麵做到唔乾身之餘又唔會一嚿嚿, 又超多蝦籽喎, 秘訣原來係門口果個阿姐o既用心製作, 佢做每一碟麵, 都會用好大臂力停乾水, 然後就落d醬汁响個麵度, 之後不停篩個"呢", 另一隻手就用長筷子兜d麵, 怪不知咁好味啦, 我哋仲打包咗一碟返酒店慢慢嘆添, 推介後記 : 從未食過一間食肆, 我會全部美食推介o既, 掂 !

我同未婚妻仲有未來外母3個人係澳門睇完水舞間, 食完buffet, 買晒手信, 影晒靚相, 最後一站就係去食六記粥麵了之前係Openrice做足功效搵水毚粥食, 睇來睇去六記係最多Good的, 所以都決定呢間我地果日5:30就去到, 點知原來要6:30先開始做生意, 好在老闆都好好人, 比我地坐係度等原來諗住去行下街, 去瑪嘉烈圓完葡撻再返來的, 不過大家都怕行得遠, 結果都係度等好在沒走開, 未到6:30, 已經不停有人入來坐低霸位等食, 6:00已經滿晒人,真厲害終於到6:30, 我地一早做晒功課, 已經知咩食, 叫左一鍋水蟹粥 , 一碟蝦子撈麵, 一客米通鯪魚球, 鳳爪菜(細)水蟹粥 ($120) : 好大鍋, 4個人食都可以每人食到2細碗以上, 佢唔係用糕蟹, 真係用水蟹煮的, 好甜好有蟹味, 如果2個人想食多的款, 可以叫一碗的, $50一碗米通鯪魚球($38) : 有10大粒, 外面的米通好脆, 的魚肉好鮮好彈, 加上的蜆芥汁食真係一流蝦子撈麵($24) : 蝦子幾好, 都算鮮味, 不過的麵先係主角, 好爽好彈,

同朋友2人去澳門玩, 看openrice介紹六記粥麵, 便晚上過去試試.去到門口見到無位, 所以去收銀到拿位, 怎不知個老闆問我們介不介意搭抬, 由於我們買手信一袋二袋, 我們又不知他們多客, 便誤會可以不用搭抬, 便說介意, 怎不知個老闆好串說一定要搭抬,( 真是被他激死, 明知要搭抬又問我介不介意,我話介意, 他又串又好像不憂做的大排回應我一定要我搭抬), 所以一開始印象不是太好.等了10分鐘, 有一張角落位, 4人抬有2個空位, 好迫, 但見一場到了便屈就一下算了.叫了米通鯪魚球, 可樂,水蟹粥.等了一會, 水蟹粥先到.1.水蟹粥--味道可以, 都算新鮮, 但味道不是好特出那一個,澳門好多地方都食到.2.米通鯪魚球--味道都可以, 沒有食評寫得那一個特別.叫了罐可樂,催了2次都無人理, 無服務態度可言.身邊見到員工個個樣好像很勞氣, 充滿怨氣,氣氛不太好.抬與抬間太接近根本無路行, 走時好不方便.走時埋單都無人理, 真是不憂做.這個價錢我不會期望有什麼服務, 但不應該連會最基本的服務都無.由於地點不太方便, 食物一般, 無服務態度可言,一定不會再試.全間店有80%都是港客, 心想

問澳門朋友去邊度食宵夜最好，他首推六記粥麵。我們看完水舞間已九點幾又未食晚飯，肚仔餓，飛的去都十點，三間鋪都坐滿人。第一時間點呢度招牌菜：水蟹鷄粥，雙鮮合璧，天下無敵！誠昌以後吾駛再去…鹵水鳳爪大腸，鹵水一凍左會起膠，就知D鹵水濃到幾勁！我本來吾食大腸都停吾到口…蝦籽撈麵，麵痴蔡瀾大讚果然有道理。麵幼但有咬勁，但吾係靠鹼水夾硬乸硬D麵，麵味又香，薄薄撈上醬油，加超多蝦籽，好味到暈！米通鯪魚球，飽都要食！吾食走寶！多謝澳門朋友，好介紹！

After a few drinks and not doing well at the casino, we decided to hop on a taxi and head back to pointe 16. one of our friends was hungry so we ask the taxi driver to take us somewhere come by that he recommand. As soon as we sat down I knew this restaurant shoudn't be that bad as I saw lots of food critics & celebrities 's pictures on the wall. I lost quite a bit at the casino early and so didn't feel like ordering all the luxury items on the menu so we order 3 dishes - thick noodle soup wi

來到了澳門每次都想在這間麵店試一次，但每一次都因為要早走而無來，今次之因為買了晚船票所以一定要來試一試。在十六浦行了一陣就緩步行來，見街上的鋪頭大部份都關了，街上都烏黑黑的，行了大約五至十分鐘大約六時半就到達了，真是在橫街中的餐廳，附近已經是烏燈黑火只是得這一間鋪是燈火通明的，二話不說就入去店中了。入到去已經見了在兩台人了，見樣子我想都是香港人來，想必是像我一樣看了電視的飲食節目而來的，選了一張台坐下之後就看了餐牌，餐牌一面是招牌菜是而一面是普通餐牌，見了招牌菜這一面就叫了淨雲吞、蝦籽撈麵、鳳爪生菜和水蟹粥。淨雲吞($19) : 最先來到的是一個食物，來到時見個size比香港式的雲吞是細一些的，沒有香港式的像乒乓球一樣大的，不過只要是好味就沒有問題了，數數大約是六七個左右，立即拿了一個來試一試，一咬開見入面有蝦有肉，比例都是一半一半的，但味道都和香港式的非常不同了，它們的雲吞味和我們香港以前的手打肉丸味道比較相似，是一種懷舊的味道來，我喜歡這個食物因為這種古舊的味道，size細細一嗒一個，好快就全部食完了，雖然是$19一碗都是絕對值得的。蝦籽撈麵($24): 第二味來的這一味食物，一來

澳門六記麵家食評澳門有不少以傳統風味美食作招來的店子，當中其實水準參差，只要作出嘗試比較，可謂高下立見。今次由我的食家姐夫作嚮導，介紹我來到沙梨頭仁慕巷這間六記粥麵一試，我們四大一細，點了五道鎮店主打菜，包括馳名水蟹粥、蝦籽撈麵、米通鯪魚球，還有錦鹵炸雲吞，鳳爪拼大腸等。水蟹粥熱騰騰盛滿一大窩，分量十足，先唊一口粥，粥底綿滑有米香，每一口都滲透出蟹肉的鮮甜味，証明水蟹是很好貨色，新鮮肥大，難得是煲過粥的蟹仍能夠吃下，肉多而鮮美，水準確是不俗！(之前去過氹仔官也街一間曾經薄有名氣的店舖光顧，轉了老闆果真每況愈下，水蟹細隻，蟹糕雖多，卻無甚鮮味，而且蟹肉霉爛，吃後還覺口苦口乾，顯然是味精在作怪！)好戲在後頭，輪到主角蝦籽撈麵出場，伙記把麵傳到枱上，已覺一陣蝦籽鮮香撲鼻而來，幼沙般的蝦籽均勻沾滿整個麵團，真是亳無吝嗇，值得一讚，在香港，以蝦籽作食材的菜式，例如蝦籽蒸柚皮等，蝦籽都很「矜貴」，分量不多，亦乏鮮香，價錢卻不便宜。回說此碟撈麵，麵質爽滑彈牙，滲著濃郁蛋香及豬油香，醬油份量是恰到好處，吃著完全不覺漏喉及太咸，爽滑麵條與咸香蝦籽配合天衣無縫，令人不自禁一口一口吃下去，最後欲罷不能，再來

星期六約左朋友過大海玩 ! 因要遷就朋友放工 ! 去到已經係晚上十點 !因為以前食過呢間D米通鯪魚球 ! 對它念念不忘 ! 所以建議去果到食宵夜/晚餐 !一去到兩個舖位都爆哂 ! 等左大約十分鐘先有位 ! (可能因為對面細龜冇開,D人走哂過去)叫左一窩水蟹粥 , 一碟米通鯪魚球 , 一碟肉絲炒麵 , 一份叫全餐菜的食物 !水蟹粥唔錯 ! 好夠味 ! 一窩有兩隻蟹 ! 食唔哂 ! (因女性朋友唔食得蟹)米通鯪魚球保持到水準 ! 好好味 ! 肉絲炒麵有驚喜 ! D麵唔知仲係咪自己做 ! 但比平常食嘅炒麵幼細 ! 炒落又唔會太乾身 ! 炒得啱啱好 ! 下次去一定再食 ! 至於全餐菜即係佢門口檔車仔食物 !樣樣有D咁囉 ! 不過唔建議大家食 ! 魚旦及豬皮唔得 ! 牛筋OK夠淋 ! 鳳爪普通 ! 仲有D咩就唔太記得了 ! 總之唔抵食及唔好食啦 ! (成60架)服務黎講就同香港一般粥麵,大排檔差唔多啦 ! 唔好太大期望就得架喇 !

其實等位就等左唔耐既. 反而係等野食等左好耐!! 我同我女朋友叫左炸鴛鴦+蝦籽撈麵.講左炸鴛鴦先. 佢個炸雲吞我覺得係OK咖.個皮係脆. 入面粒蝦肉都OK好味.但米通鯪魚球就幾失望下. 真係名過於實.其實只係一粒普通街邊都食到既鯪魚球再加一陣脆脆係面.食落係脆脆地既口感囉.唔係講到咁特別. 亦唔係講到咁好食姐我覺得...仲有蝦籽撈麵. 其實我覺得都係OK既.佢都真係幾多蝦籽. 同埋夠顏色.遺憾既係唔知道咩原因. 上檯時熱度都幾明顯不足.好似至少攤左10-20分鐘咁.服務方面. D侍應... 真係左耳入右耳出.你叫佢好多次. 一係視而不見. 一係聽完就算. 之後又可能會突然問番你.好似我地叫左罐可樂咁. 好耐冇拎黎.之後又突然問番我地係咪嗌左罐可樂.同埋. 真係就算勁催單都冇用.個蝦籽麵等左都幾耐下. 坐我地對面搭檯個個仲耐.我估佢真係起碼等個個麵等左最少40分鐘...講真. 再好食既食物. 遇上差既服務態度. 都會扣幾分啦.何況.. 食物又唔係真係咁好食...個人認為. 只限如果你係一個有耐性既人. 可以一試既.我自己試完一次. 都同女朋友異口同聲咁話. 唔會再黎食.

自從3年前第一次試過六記既錦魯雲吞之後, 每次去澳門都必定留肚去食!今次亦不例外, 晚飯食完炸雞, 宵夜就去買返個炸雲吞返酒店慢慢嘆! 堂食$48, 外賣加多$2~今次住十六蒲, 來回行20分鐘, 返到酒店D雲吞仲係脆架, 包住大大隻蝦好好味, 仲有個錦魯汁夠酸, 沾住食真係無得彈

打唔成風,坐船去澳門,都係第一次有想嘔既感覺,落船唔多舒服,上的士,六記,坐下來,當然食人地話好既野,因為唔知食乜好.先黎水蟹粥,真係好好味ar d 粥好有蟹味,唔係行貨,有足足一隻蟹,跟住黎蝦籽撈麵,勁多蝦籽,有少少葱花,更好味,麵質又好.最後上埋米通鯪魚球..好熱ar.好好味ar.點喼汁,最好食,下次一定再食過三樣野加兩罐汽水,$120埋單,其實都唔太貴,因為實在太好食la