廣場葡國餐廳

Open Now

Now Closed

自己本身都鐘意食葡國菜，因為讀U哥陣都係葡國生活過一段時間。最記得次次去餐廳都會叫蒜蓉包，因為讀書無乜錢貪佢夠平又好味。咁岩今次過黎馬交，當然要食葡國菜。當地朋友推薦廣場餐廳，所以去試下，去到個氣氛都唔錯，好多聖誕裝飾，入口好有馬交的感覺。坐底點左份蒜蓉包回味一下，跟住就叫左隻非洲雞，葡國馬介休炒飯。甜品叫左友人最愛的木糠布丁。金黃色的蒜蓉包傳出陣陣牛油香，而且仲熱喇喇，證明岩岩焗好，入口香脆，蒜蓉味濃，好好笑食完唔夠喉再加單。馬介休炒飯，咸香的馬介休口感唔錯，配埋飯食落去唔會太鹹，係葡國都食唔到。 木糖布丁甜而不膩，入口香滑 ，聽講係澳門本土的特色甜品。

中午諗住同屋企人去飲茶，但無位見近近地於是去左新新酒店間葡國餐廳試下，叫左媽咪最愛的紅豆炆豬手，老豆最愛的逼牛肉，同埋炒什菜。好有趣葡國餐廳居然有中式炒麵，貪得意叫左個三絲炒麵睇下有咩唔同。紅豆豬手炆得好淋好入味，個汁撈飯一流。可惜啲豬手太細塊，我依啲慣左大口大口食的人有少少唔夠喉。可能葡國啲餐飲禮儀要保持優雅所以細細塊方便食。至於逼牛肉口感一流，牛肉夠厚但非常入味，而且肉質又嫩又淋，老人家都岩食。至於個炒麵都幾夠火喉，完全係中式的炒麵，我諗只有澳門依個中西文化交流嘅地方先可以同一時間係同一間餐廳嘆到中西式的美食。

住左附近咁內，最近先發現依區有間葡國餐廳，所以試下。可能臨近聖誕，餐廳佈置得幾靚，充滿聖誕氣氛。而且搞緊活動，客人分享美食體驗就可獲贈甜品，就等我都分享下今次餐晚飯。2個人點左份炭燒魷魚，什菜同埋牛肋骨。炭燒魷魚燒得幾香口，魷魚口感生鮮，爽而不韌。白烚什菜，真係幾清。 成餐飯個人最鐘意個牛肋骨，燒得非常入味，肉質鬆軟得黎有咬口，配埋香脆的薯角，嘆番杯紅酒，淡淡的果香感覺好正。試完個餐廳特色甜品下次再分享。

因工作需要，近幾年都要澳門和內地兩邊走，所以兩地的飲食文化都有不少認識。今次要介紹的是這間澳門本土葡國餐廳，位於下環街新新酒店樓上，其實是當地同事睇到報紙介紹話送紅酒所以去試一試。配紅酒當然少不了小食，所以點左個燒葡國腸，現場即燒，幾盞鬼。燒到表皮金黃色就代表食得，香脆的表皮食落口一點也不膩，而且好適合送酒，又開胃又好味。主菜我們點了葡式海鮮咖喱炒蟹，配埋個牛尾湯，還有同事極力推介葡國餐必食的焗鴨飯。其實自己一直鐘情於避風塘炒蟹，每次落尖沙咀都必食，貪佢夠香夠野味。但原來葡國咖喱炒蟹都唔錯，香濃的咖哩配搭肉質肥美的蟹肉依然食得出蟹肉的鮮甜。而且咖喱的味道完全滲入蟹肉中，非常入味。牛尾湯蕃茄味濃郁，最正係牛尾一點腥膻味都沒有，可能加左紅蘿蔔的關係，酸酸甜甜好送飯。葡式焗鴨飯，整個飯吸收左鴨汁的精華飄香撲鼻，而且口感煙煙韌韌，真係無介紹錯。廣東人愛吃煲仔飯，黎澳門真係要試下葡式焗鴨飯，讚

朋友之前黎澳門玩食過依間葡國餐廳，向我地推介，所以趁住光棍節2條光棍專登去澳門穩食。餐廳位於澳門舊區司打口，新新酒店1樓，location好易揾到。而且舊區勝在寧靜，比起繁華的購物區，本人比較喜歡遊走澳門傳統的特色街道，欣賞簡樸的建築。而且該區古舊建築保留尚算完整，光影相都可以影足半日。入番正題，餐廳佈置簡約，以藍白色為主，環境舒適，襯番該區休閒的生活節奏。牆上貼了幾份當地報紙介紹餐廳的食物，證明我地無黎錯。參考左報紙的介紹，我地點左餐廳招牌菜白酒炒蜆，濃郁的酒香配搭蒜泥，完全帶出蜆肉的鮮味，大大隻的蜆肉肉嫩多汁，特別開胃。侍應推薦我地搭配餐酒味道更佳，所以開左支Vinha Grande，完全無介紹錯。這樣才是生活!主菜我地點左葡式香煎安格斯肉眼牛扒，識食一定食肉眼，肉質嫩滑，瘦肉與脂肪比例剛好，口感豐富，非常juicy入味，如果喜歡中式食法可以選配飯或意粉，而我就選擇了傳統葡國食法配薯角，perfect!!!甜品我地點左焦糖布丁，面層的焦糖脆脆令布丁口感豐富，入口香滑~正如果有機會，建議大家可以去澳門舊區遊覽一番，話唔定有不一樣的收獲。

朋友上星期生日想食葡國野,咁岩屋企附近有間叫廣場餐廳GE葡國餐,所以就走去試下~我地叫左以下幾個餸:薯蓉清菜湯上湯的方式很特別,佢地係上枱前先係你面前淋D湯上去的,我朋友話傳統葡國人係咁食法~白酒煮蜆D蜆好大隻,好新鮮,上到枱唔怕全部都係殼,好香酒味,但又唔怕蓋左D蜆GE鮮甜味,點麵包食一流!!燒牛肋骨好林,好香,超入味!!!而且份量算多!我個個FD都大讚呢個整得好食,做到外香內嫩的口感葡式鴨飯睇落好似好普通,但D飯吸哂鴨GE香味,唔乾!不過D鴨肉就乾左D以上係我試過都覺得幾好味,想同大家SHARE GE餸菜,價錢中上,得閒可試試~