Video
Read full review
2023-01-27
818 views
不定期出走好西推薦系列 澳門篇 (1) - 北方館🇲🇴北方館(威尼斯人)📍路氹城金光大道望德聖母灣大馬路澳門威尼斯人地面大堂1015號舖「十四天，大概足以證實，情傷你會治理」#隔離 #JaceChan #林家謙啱啱新年終於開關，趁住新年假期，久違地計劃即日快閃澳門團一日團，無去澳門3年，今次仲係第一次坐直通巴經港珠澳大橋過關，車程都非常舒適快捷，由太子上車連埋過關到達澳門大概用咗都係1個半鐘，好適合怕坐船會暈船浪嘅朋友。第一站我地book左澳門teamlab打卡影相，所以就係威尼斯人落車，雖然食左早餐同埋夜晚book咗自助餐，但見時間尚早，而且澳門嘅foodie朋友都好推介咗依間位於威尼斯人嘅北方館，我地就一於試試佢。北方館成間餐廳偏向中川菜嘅格局，樓底非常高，裝修設計既有傳統大紅大紫嘅氣派之餘亦好花心思謍造時尚新派氣息，而且侍應服務亦非常熱心殷勤。-鮮肉小籠包 💲70 ⭐️4/5⭐️-鮮肉鍋貼 💲85 ⭐️3.9/5⭐️小籠包即點即製新鮮出爐，皮薄餡靚，入口理想當然地肉汁滿溢，非常唔錯。鮮肉鍋貼上枱用咗鐵板擺盤，頗為隆重，可惜鍋貼皮比較厚，比小籠包稍逊一筹。-炒烤羊肉夾饃 💲175 ⭐️4.
北方館(威尼斯人)
📍路氹城金光大道望德聖母灣大馬路澳門威尼斯人地面大堂1015號舖
「十四天，大概足以證實，情傷你會治理」
#隔離 #JaceChan #林家謙
啱啱新年終於開關，趁住新年假期，久違地計劃即日快閃澳門團一日團，無去澳門3年，今次仲係第一次坐直通巴經港珠澳大橋過關，車程都非常舒適快捷，由太子上車連埋過關到達澳門大概用咗都係1個半鐘，好適合怕坐船會暈船浪嘅朋友。
第一站我地book左澳門teamlab打卡影相，所以就係威尼斯人落車，雖然食左早餐同埋夜晚book咗自助餐，但見時間尚早，而且澳門嘅foodie朋友都好推介咗依間位於威尼斯人嘅北方館，我地就一於試試佢。
北方館成間餐廳偏向中川菜嘅格局，樓底非常高，裝修設計既有傳統大紅大紫嘅氣派之餘亦好花心思謍造時尚新派氣息，而且侍應服務亦非常熱心殷勤。
-鮮肉小籠包 💲70 ⭐️4/5⭐️
-鮮肉鍋貼 💲85 ⭐️3.9/5⭐️
小籠包即點即製新鮮出爐，皮薄餡靚，入口理想當然地肉汁滿溢，非常唔錯。
鮮肉鍋貼上枱用咗鐵板擺盤，頗為隆重，可惜鍋貼皮比較厚，比小籠包稍逊一筹。
鮮肉小籠包
56 views
0 likes
0 comments
鮮肉鍋貼
46 views
0 likes
0 comments
-炒烤羊肉夾饃 💲175 ⭐️4.1/5⭐️
上枱排場亦非常搶眼，一邊係砂鍋盛載住香氣滿溢嘅羊肉，一邊係啱啱烘烤過夾饃，羊肉充滿孜然香氣，再加上三色椒洋蔥爆炒，放入夾饃進食，非常惹味。
炒烤羊肉夾饃
38 views
0 likes
0 comments
炒烤羊肉夾饃
58 views
0 likes
0 comments
-拔絲香蕉 💲70 ⭐️4.1/5⭐️
經過一輪飽點嘅洗禮，我地不知不覺已經頗為飽肚，仲要留肚夜晚食buffet，但朋友極力推薦之下，仍然點咗拔絲香蕉作為甜品。
拔絲香蕉賣相好吸引，好似一串串冰糖葫蘆咁插係盒上，我地自己撈勻糖絲就可以入口，炸香蕉外脆內軟，加埋糖絲增加口感，令到今次午餐已經非常滿足。
拔絲香蕉
54 views
0 likes
0 comments
拔絲香蕉
41 views
0 likes
0 comments
-
總結: 餐廳裝修氣派大氣時尚，服務招待亦非常貼心，菜色出品亦非常多元化，今次午餐輕輕淺嚐幾款食物水準都唔錯，期待下次嚟可以試更多唔同菜色食物。
Post
