55
40
25
Level3
36
0
不試也罷
2009-10-28 21 views
同男友路過，記得雜誌推介呢度嘅撻同豬扒包，見入面咁多人，估計係好嘢，所以入咗去食，結果浪費金錢亦浪費肚皮位子！坐低叫咗一個燕窩撻、一個葡撻、一個豬扒包、一杯奶茶同一杯桂花荔枝蜜。落單個肥嬸嬸非常無禮，粗聲粗氣可能係天生，但態度惡劣一定係自生，面對佢嘅服務態度，我哋已經唔多欣賞，再到上撻時，我哋問佢拎支叉，佢即刻大大聲話食撻都要用叉，驚死我哋聽唔到。無錯，有啲人會覺得用手食先知味，但而家咁嘅時勢，用叉都只係衛生嘅表現，妳可以唔欣賞，但唔駛咁惡死掛﹖！算！兩個撻味道一般，我唔覺得個皮好鬆化，啲餡亦唔覺滑漏。再到個豬扒包，上枱時已經凍冰冰，大嗱嗱十四蚊，俾個凍包我哋食，真係好搵笨！我哋終於明白雜誌所講嘅「一試難忘」係乜意思喇！嘢飲方面，奶茶我哋都唔預會好飲，只係想有啲嘢飲吓，至於另一杯係餐廳推介嘅，結果只係一杯糖水，雖然真係有桂花，但只得一個甜字……
Read full review
同男友路過，記得雜誌推介呢度嘅撻同豬扒包，見入面咁多人，估計係好嘢，所以入咗去食，結果浪費金錢亦浪費肚皮位子！

坐低叫咗一個燕窩撻、一個葡撻、一個豬扒包、一杯奶茶同一杯桂花荔枝蜜。落單個肥嬸嬸非常無禮，粗聲粗氣可能係天生，但態度惡劣一定係自生，面對佢嘅服務態度，我哋已經唔多欣賞，再到上撻時，我哋問佢拎支叉，佢即刻大大聲話食撻都要用叉，驚死我哋聽唔到。無錯，有啲人會覺得用手食先知味，但而家咁嘅時勢，用叉都只係衛生嘅表現，妳可以唔欣賞，但唔駛咁惡死掛﹖！算！兩個撻味道一般，我唔覺得個皮好鬆化，啲餡亦唔覺滑漏。再到個豬扒包，上枱時已經凍冰冰，大嗱嗱十四蚊，俾個凍包我哋食，真係好搵笨！我哋終於明白雜誌所講嘅「一試難忘」係乜意思喇！

嘢飲方面，奶茶我哋都唔預會好飲，只係想有啲嘢飲吓，至於另一杯係餐廳推介嘅，結果只係一杯糖水，雖然真係有桂花，但只得一個甜字……
(The above review is the personal opinion of a user which does not represent OpenRice's point of view.)
  • Recommend
    Recommended
  • Report
Post
DETAILED RATING
Date of Visit
2009-10-26
Recommended Dishes
  • None