Video
Read full review
2010-12-19
32 views
上年男友生日, 跟果d澳門天書介紹, 黎到"誠昌"食出名既水蟹粥同炸墨魚丸,食完後, 覺得真係介紹得唔錯, d粥綿綿地, 有蟹既鮮甜味, 又夠料, 食完一碗又一碗, 至於墨魚丸上次佢俾我地雙拼, 拼炸鯪魚球, 兩者都好好食, 好彈牙, 滿足既一餐;琴晚連同男友同哥哥阿嫂再次去澳門搵正野食, 勁想食水蟹粥, 所以去到官也街, 諗都無諗照去"誠昌", 想再嘗嘗上次食到回味既粥,點知一坐低, 個侍應勁催我地食乜, 大佬, 我地連餐牌都未睇, 就係咁問, 我地睇左一陣, 叫左水蟹粥丶豉椒炒花甲丶炸墨魚丸拼鯪魚球丶椒鹽田雞,個侍應又問我地無喇, 我地話暫時食住先, 佢就話一陣間叫等好耐架喎,又係咁hard sell咩豉椒蒸鱔, 我地又唔想食魚, 所以無叫, 跟住佢就面黑黑走左去, 勁粗魯咁dump低張單, 佢d態度極度差, 非常差, 受佢氣咁; 心諗算, 可能佢地太忙, 所以發霉氣, d野好食咪得喇, 見到第一碟喇, - 唔夠熱, feel到佢地係一早整定晒, 有人要就先上碟出菜,但墨魚丸都尚算好食, 都彈牙; 但果個炸鯪魚球, 真係完全無味, 問佢攞蜆介醬,佢gup左張枱好耐, 等左幾分鐘先
食完後, 覺得真係介紹得唔錯, d粥綿綿地, 有蟹既鮮甜味, 又夠料, 食完一碗又一碗,
至於墨魚丸上次佢俾我地雙拼, 拼炸鯪魚球, 兩者都好好食, 好彈牙, 滿足既一餐;
琴晚連同男友同哥哥阿嫂再次去澳門搵正野食, 勁想食水蟹粥,
所以去到官也街, 諗都無諗照去"誠昌", 想再嘗嘗上次食到回味既粥,
點知一坐低, 個侍應勁催我地食乜, 大佬, 我地連餐牌都未睇,
就係咁問, 我地睇左一陣, 叫左水蟹粥丶豉椒炒花甲丶炸墨魚丸拼鯪魚球丶椒鹽田雞,
個侍應又問我地無喇, 我地話暫時食住先, 佢就話一陣間叫等好耐架喎,
又係咁hard sell咩豉椒蒸鱔, 我地又唔想食魚, 所以無叫,
跟住佢就面黑黑走左去, 勁粗魯咁dump低張單, 佢d態度極度差, 非常差, 受佢氣咁;
心諗算, 可能佢地太忙, 所以發霉氣, d野好食咪得喇, 見到第一碟喇,
[1) 炸墨魚丸拼鯪魚球 - 唔夠熱, feel到佢地係一早整定晒, 有人要就先上碟出菜,
但墨魚丸都尚算好食, 都彈牙; 但果個炸鯪魚球, 真係完全無味, 問佢攞蜆介醬,
佢gup左張枱好耐, 等左幾分鐘先有, 無野嘛, 食鯪魚球梗係跟蜆介喇,
你無拎黎, 我問你拎番有咩問題, 如果冇左蜆介, 呢碟野簡直係無味;
2) 椒鹽田雞 - 田雞size都ok大, 但個調味完全唔得, 無椒鹽味, 又無穫氣,
好唔成氣候, 個廚師煮得好拿西;
3) 水蟹粥 - 久等既水蟹粥一見個賣相已知唔掂擋, 好似兜白粥咁,
稀巴巴咁, 勁水囉, 又無咩膏, 食多啖都覺得浪費左個胃既quota, 真係失望之極 =.='
4) 豉椒炒花甲 - 又係另一搵笨之作, 叫得花甲應該係比蜆大,
但唔係囉, 佢仲細過d蜆, 成碟野d蜆肉都唔知有冇三份一,
一上枱, 我就係咁整走d殼, 整極都仲有, 個穀就大, d肉丁屎咁大, 呃錢既;
黎澳門梗係食好野架喇, 點知去到"誠昌", 美食就食唔到喇, 一肚氣就有,
service差唔更要, 但連d食物都差到咁, 真係唔明點解仲有人去食囉,
包紙巾又收$2, 呢d真係名副其實貼錢買難受, 個味雷同個胃受罪,
帶住失望離去, 之後去左隔離食雞燉翅同去遠d食蟹子麵同再食蟹粥,
果兩到d食物好食好多, 詳情我會再寫(因真係好食, 我會有埋相片介紹),
原來呢間野換左老闆, 難怪d野難食左咁多喇, 唔該做一個有良心既老闆喇,
拎d咁既野俾人食, 擺明係呃錢, 我未試過係網上批評d食肆,
但真係好難食, 忍唔住一到香港即刻上黎寫comment,
同埋唔該教下班伙記喇, 個個態度勁差, 話晒服務性行業,
我地點都係顧客, 作為一個遊客區餐廳, 呢點咁簡單都做唔到, 真係好極有限,
各位朋友, 最後一句, 去呢間餐廳之前, 記住三思呀, 除非你嫌錢腥喇 !!!!!!!!!!!
Post