山度士葡式餐廳

Open Now

Now Closed

今次第二次嚟食，有啲嘢就好食左，有啲嘢就冇之前咁好食。首先焗鴨飯依然都係非常唔錯，飯表面香脆，充滿鹹香味，不過鴨肉唔算多。葡國乳豬配薯條就差左啦，細份咗，同埋係凍嘅所以就冇咁好食啦。個炸馬介休球就好正啦，其實係鹹魚薯蓉波，可能係新鮮炸起嘅關係，好好食！今次仲叫咗個葡國炒蜆，呢個真係超正！啲顯好新鮮，無沙，有少少白酒嘅香味，所以佢嗰個汁簡直係一流，仲有好香嘅番茜味，鍾意食海鮮嘅朋友一定要叫！至於飲品，大家可以試吓佢嘅特色汽水同埋啤酒，汽水嘅話可以試吓熱情果味嗰隻，非常唔錯！