咖啡小東京

Open Now

Now Closed

又嚟澳門做嘢，今次自己做定功課📒🖋，搵定公司附近有乜好嘢食，check地圖🌏發現公司附近有幾間都係食日本嘢，今次就揀咗依間由一對日本人夫婦經營餐廳⛾。餐廳舖面唔大得3，4張枱，但樓底好高所以都冇壓迫感，後來發現原來有兩層😜聽聞依間餐廳都開咗好多年，所以都有少少舊但都乾淨，不過雖然話係日本人開，但除咗落單嗰個，其他員工都係外藉人士。我叫咗個日式蛋包雞飯，味道唔錯，蛋炒得好滑，而且份量唔少。我同事叫咗個日式漢堡扒，同事起初見到個份量，淨係得塊扒同沙律🥗驚唔夠飽，問老闆攞咗碗飯🍚，點知佢太高估自己，食完飽到上心口整體嚟講，味道ok, 份量都唔少，價錢合理。