渢竹自助餐 (Under Renovation)

估唔到2012年既年尾仲有機會食到任食, 呢次仲要係衝出香港去到澳門呢. 嚮岩岩既聖誕節, 同埋男友, 呀媽同呀哥一齊去澳門遊左轉, 25號lunch就去左威尼斯人既渢竹自助餐度食勒.聖誕節例牌貴過平時, 每人$238再加一(不過免費加入金沙會後餐飲有9折變相唔駛加一囉), 野食種類方面, 其實都有一般buffet既通病..就係冷盤甜品ok, 但熱盤無乜特別…海鮮類食左翡翠螺, 蝦同青口(夾夾埋埋三碟, 哈哈), 魚生就剩係食左三文魚, 但係都幾鮮味, 而且任你拎唔係每人每次排幾塊o個種, 所以我諗我都起碼食左十零塊呢…因為係聖誕關係所以都有火雞..不過d肉真係好鬼鞋, 而個牛柳又係普通, 好韌…南瓜蘋果湯..幾好味自助沙律吧…一般般, 無乜野夾過黎食…其實眼望落去熱盤都有十零樣(包括燒味同即煮粉麵), 不過想食既唔夠五款…而且無encore既衝動呢.甜品種類都幾多, 每樣試少少都夠哂勒, 最特別係佢有一隻粟米味既雪糕, 幾得意呢.反而生果就比較淡, 可能唔係當造卦?!不過, 澳門食buffet一般黎講平時夜晚都係三百蚊以內, 所以我已經諗定下次再黎澳門會試下其他酒店既自助餐勒, 唔