添發碗仔翅美食

Open Now

Now Closed

同男朋友夜晚去食翅，記得以前有黎過新馬路食煲仔翅係好味，所以又返黎食嚕。我地大概8:30pm入座，由於時間較夜，所以都唔需要排隊等位。不過鋪頭仍然係好細座位較窄。原本想同男朋友叫兩個唔同（一個$75煲仔翅，一個$110大煲翅）但原來佢話夜晚無$110大煲翅。咁就算啦，叫左兩個$75煲仔翅。翅一到，就要即刻比左錢先。見到個翅熱辣辣好多bubble係度bulubulu個人都好興奮好期待🤪不過一用匙羹一不起，覺得會唔會太杰身。。。。。不過再試下個味道，都係以前既味道。加埋麻油同醋，好好味😛雖然煲翅熱辣辣但都好快jap晒😋強烈建議大家如果唔趕時間可以夜晚先黎食，第二日再去睇門口條隊都排左6-7個人。