廣場葡國餐廳

Open Now

Now Closed

自己本身都鐘意食葡國菜，因為讀U哥陣都係葡國生活過一段時間。最記得次次去餐廳都會叫蒜蓉包，因為讀書無乜錢貪佢夠平又好味。咁岩今次過黎馬交，當然要食葡國菜。當地朋友推薦廣場餐廳，所以去試下，去到個氣氛都唔錯，好多聖誕裝飾，入口好有馬交的感覺。坐底點左份蒜蓉包回味一下，跟住就叫左隻非洲雞，葡國馬介休炒飯。甜品叫左友人最愛的木糠布丁。金黃色的蒜蓉包傳出陣陣牛油香，而且仲熱喇喇，證明岩岩焗好，入口香脆，蒜蓉味濃，好好笑食完唔夠喉再加單。馬介休炒飯，咸香的馬介休口感唔錯，配埋飯食落去唔會太鹹，係葡國都食唔到。 木糖布丁甜而不膩，入口香滑 ，聽講係澳門本土的特色甜品。