Video
Read full review
2008-11-27
34 views
上星期過左澳門做野，攞住本天書，同同事食勻早午晚三餐。有d鋪頭名過其實，無想像中咁好味；有d雖然好味，但價錢就「拿脷」。終於係最後一晚嘅星期五，同親戚一齊食飯，表妹介紹左呢間《蕃茄屋》，一行6人，訂左8點半。由於間鋪唔係大路，如果無熟人帶路，應該都要花d時間搵一搵。準時去到，店鋪唔大，但環境及衛生都ok，感覺幾企理。一望餐牌，d價錢都幾大眾化，我地叫左一個4-6人嘅套餐$250，已經有咖哩崩沙牛腩，葡式吉列豬扒、薯茸馬介休、蟹子三文魚炒飯、葡式焗什菜、生果沙律、2份蒜茸包。咖哩崩沙牛腩實在太好味，煮得好入味，好腍，連我90歲嘅婆婆都食到，d汁又夠多，撈飯一流。蒜茸包，唔係一般白麵包，而係豬仔包，蒜茸味夠，豬仔包夠脆口，點埋咖哩汁，食到唔停得口。薯茸馬介休，焗得啱啱好，，面頭脆脆地，d薯茸又夠滑，稍嫌馬介休唔夠多。蟹子三文魚炒飯，炒得幾好，蟹子同三文魚粒又夠多。葡式吉列豬扒，炸得剛剛好，唔會油，裡面又夠juicy。葡式焗什菜，味道唔錯，幾大份，可以平衡番食得太多肉嘅感覺。生果沙律，份量ok。由於牛腩有好多汁，唔好浪費，所以叫多2個白飯，用黎撈埋d咖哩汁，一d都無剩。由於眾人比較大食，又再
有d鋪頭名過其實，無想像中咁好味；有d雖然好味，但價錢就「拿脷」。
終於係最後一晚嘅星期五，同親戚一齊食飯，表妹介紹左呢間《蕃茄屋》，一行6人，訂左8點半。
由於間鋪唔係大路，如果無熟人帶路，應該都要花d時間搵一搵。準時去到，店鋪唔大，但環境及衛生都ok，感覺幾企理。
一望餐牌，d價錢都幾大眾化，我地叫左一個4-6人嘅套餐$250，已經有咖哩崩沙牛腩，葡式吉列豬扒、薯茸馬介休、蟹子三文魚炒飯、葡式焗什菜、生果沙律、2份蒜茸包。
咖哩崩沙牛腩實在太好味，煮得好入味，好腍，連我90歲嘅婆婆都食到，d汁又夠多，撈飯一流。
蒜茸包，唔係一般白麵包，而係豬仔包，蒜茸味夠，豬仔包夠脆口，點埋咖哩汁，食到唔停得口。
薯茸馬介休，焗得啱啱好，，面頭脆脆地，d薯茸又夠滑，稍嫌馬介休唔夠多。
蟹子三文魚炒飯，炒得幾好，蟹子同三文魚粒又夠多。
葡式吉列豬扒，炸得剛剛好，唔會油，裡面又夠juicy。
葡式焗什菜，味道唔錯，幾大份，可以平衡番食得太多肉嘅感覺。
生果沙律，份量ok。
由於牛腩有好多汁，唔好浪費，所以叫多2個白飯，用黎撈埋d咖哩汁，一d都無剩。
由於眾人比較大食，又再叫多個椒鹽焗骨飯，同埋白汁海鮮意粉，全部清哂。
總數埋單MOP319，真係抵到拍爛手掌。
Post