Video
Read full review
2024-01-21
113 views
Order Bread📍新橋(三盞燈/白鴿巢)花王堂斜巷2-F成安大廈地下A座之前去澳門，搭巴士經過白鴿巢附近，望到一間門面裝修得幾靚嘅小店，見我同朋友都有少少肚餓，我哋決定落車睇下入面有無嘢啱食，可以醫下肚仔。入到小店，見到有兩至三個座位，好大個半open kitchen同一個凍櫃一個暖櫃，裏面分別放住各式各樣嘅飲品、三文治同手作甜品。兩位年輕嘅老闆態度親切有禮，殷切地同我哋介紹佢哋招牌菜，我哋都按住佢哋嘅建議，叫咗兩款泰式煎餅嚟食。呢間小店主色係黃色，店內有好可愛嘅麵包造型cushion同唔同形狀嘅霓虹燈燈牌，非常適合打卡。我哋最欣賞佢哋嘅煎餅同水果撈都係整叫整整，全部都非常新鮮，極力推薦大家買完喺舖頭度食！ 💰$40馬交葡撻煎餅 🫓首先要介紹嘅，當然係佢哋嘅人氣澳葡菜系列—馬交葡萄煎餅啦！近年澳門都有唔少同葡撻crossover嘅小食，就好似葡撻雞蛋仔、葡撻雞蛋糕咁，不過葡撻泰式煎餅，我估呢度就真係全澳第一人啦！眾所周知，葡撻餡一般都係偏香甜，所以呢款煎餅唔需要額外塗醬都已經好香甜，加上煎餅皮即叫即製，所以餅皮脆口得嚟帶少少煙韌。啖啖咬落都有滿滿焦香嘅葡撻餡，配埋香脆嘅杏仁片一齊
📍新橋(三盞燈/白鴿巢)花王堂斜巷2-F成安大廈地下A座
之前去澳門，搭巴士經過白鴿巢附近，望到一間門面裝修得幾靚嘅小店，見我同朋友都有少少肚餓，我哋決定落車睇下入面有無嘢啱食，可以醫下肚仔。
入到小店，見到有兩至三個座位，好大個半open kitchen同一個凍櫃一個暖櫃，裏面分別放住各式各樣嘅飲品、三文治同手作甜品。
兩位年輕嘅老闆態度親切有禮，殷切地同我哋介紹佢哋招牌菜，我哋都按住佢哋嘅建議，叫咗兩款泰式煎餅嚟食。
呢間小店主色係黃色，店內有好可愛嘅麵包造型cushion同唔同形狀嘅霓虹燈燈牌，非常適合打卡。我哋最欣賞佢哋嘅煎餅同水果撈都係整叫整整，全部都非常新鮮，極力推薦大家買完喺舖頭度食！
[價錢 Price]
💰$40
馬交葡撻煎餅 🫓
首先要介紹嘅，當然係佢哋嘅人氣澳葡菜系列—馬交葡萄煎餅啦！近年澳門都有唔少同葡撻crossover嘅小食，就好似葡撻雞蛋仔、葡撻雞蛋糕咁，不過葡撻泰式煎餅，我估呢度就真係全澳第一人啦！眾所周知，葡撻餡一般都係偏香甜，所以呢款煎餅唔需要額外塗醬都已經好香甜，加上煎餅皮即叫即製，所以餅皮脆口得嚟帶少少煙韌。啖啖咬落都有滿滿焦香嘅葡撻餡，配埋香脆嘅杏仁片一齊食，口感豐富，大滿足！
[價錢 Price]
💰$45
蒜香芝味蝦蝦煎餅 🦐
另一款值得推介嘅係佢哋嘅鹹味泰式煎餅，受歡迎程度極高嘅蒜香芝味蝦蝦煎餅！佢哋嘅蝦滑有大大粒蝦肉，口感非常彈牙，結合三重芝士同濃濃嘅蒜香，真係好食到難以抗拒！我哋推介大家點少少泰式辣醬一齊食，滋味度加倍㗎！
[價錢 Price]
💰$38
即叫即做水果撈 🍹
呢度仲有同另一間澳門老字號生果店—偉記鮮果店合作，提供各種用新鮮水果製成嘅即叫即做水果撈。遲啲我都會同大家分享到訪偉記嘅食評，記住留意啦！
水果撈有多款水果任君選擇，再隨意配搭，組成一杯自己喜愛嘅水果撈。首先揀咗果汁底，再揀一款配料，底料必包6款時令水果，保證新鮮好味！
我哋揀咗西瓜汁底，配料揀咗椰果，因為當時係夏天嚟嘅，所以飲落特別解渴，基本上每次返澳門我都會整返杯嚟飲，真係私心推介嚟㗎！
Post
