Video
Read full review
2009-12-28
85 views
27-12-2009到紅街市附近找尋龍鬚糖叔叔, 落車先搵間茶記食個早餐. 大家都身體抱恙, 奶茶唔飲得凍飲更唔飲得, 叫了幾款「混吉」食物, 食飽就算:我食「早餐」($20), 有腿治, 牛尾湯通粉及熱華田一杯:腿治凍凍的, 火腿好細塊, 麵包 d 牛油係咁易塗幾吓就算, 仲 hea 過我自己整的. 牛尾湯齋通賣相幾「住家」feel, 不過「牛尾湯」只係罐頭貨色, 味道係「金寶」的「茄茄哋」, 但飲多兩啖又覺得好鹹; 通粉係坑紋通, 淥得腍身, 配上麻麻的湯底, 嘥料 朋友叫了腿蛋治烘底 + 熱華田, 腿蛋治好似烘得幾靚, 但朋友食後又話麻麻哋...冰室環境比想像中乾淨得多, 仲見到 counter 掛了咩「最具特色茶餐廳」的獎狀, 不過我哋叫埋 d 咁混吉嘅食物, 有幾「特色」真係唔知了.
到紅街市附近找尋龍鬚糖叔叔, 落車先搵間茶記食個早餐. 大家都身體抱恙, 奶茶唔飲得凍飲更唔飲得, 叫了幾款「混吉」食物, 食飽就算:
我食「早餐」($20), 有腿治, 牛尾湯通粉及熱華田一杯:
腿治凍凍的, 火腿好細塊, 麵包 d 牛油係咁易塗幾吓就算, 仲 hea 過我自己整的.
牛尾湯齋通賣相幾「住家」feel, 不過「牛尾湯」只係罐頭貨色, 味道係「金寶」的「茄茄哋」, 但飲多兩啖又覺得好鹹; 通粉係坑紋通, 淥得腍身, 配上麻麻的湯底, 嘥料
朋友叫了腿蛋治烘底 + 熱華田, 腿蛋治好似烘得幾靚, 但朋友食後又話麻麻哋...
冰室環境比想像中乾淨得多, 仲見到 counter 掛了咩「最具特色茶餐廳」的獎狀, 不過我哋叫埋 d 咁混吉嘅食物, 有幾「特色」真係唔知了.
Post
