奧羅拉

Open Now

Now Closed

打算食好少少西餐價錢中等的LUNCH，朋友介紹此處2course-MOP168 3course-MOP188，想底食要選PIZZA+熱盤+主菜(牛柳，羊架，三文魚，以前有和牛)，可攬主個肚，但星期日已FULLY BOOK(但後發現該日食BUFFET)。因早上已食自助早餐，去到還未好肚餓，所以只點2course，揀精緻:薄切吞拿魚黑橄欖沙律+香煎雪魚柳:薄到張紙的生吞拿魚配西式蔬菜，爽口清新; 雪魚柳好滑，鮮，細件。香蒜生蠔蜆売粉+軟心朱古力餅配雲呢拿雪糕生蠔鮮味，像南乳花生大小，蜆売粉煙煙靱靱，有哨頭，因為熱盤，份量較少。軟心朱古力餅配雲呢拿雪糕，即心太軟，朱古力好香好滑，唔太甜，再配冰凍雪糕(又係好滑)，好正!但免費餐包，橙黄色，麻麻地，表面好油立立。