Video
Read full review
2020-06-14
1559 views
步入二樓蘇濠區，一眼見到「T for Tapas」，餐廳將枱枱凳凳擺曬出來，氣氛營造到外國街邊用餐一樣。當天平日亦好多人，建議大家必須提前訂位，walk in感覺要等幾耐，訂位時會詢問選擇高椅枱或矮枱，我覺得如果想飲番兩杯食下小食吹個水，坐高椅幾有feel，舒舒服服食餐飯乖乖地揀矮枱啦。.來之前在網上睇過大約價位，無諗過黎到再次被驚喜到，真係抵食😱，基本款款幾十蚊不等，份量有大有細，兩三個人都試到成枱菜，宜家用澳門通等埋單有75折，係酒店內有咁既價位覺得相當抵食。 .是日餐點：醃八爪魚 ($50)香菜燒羊架 ($50)招牌迷你和牛漢堡包 ($50)茴香酒忌廉煮青口 ($40)辣汁香茜煮蜆 ($35)馬德拉牛肉串 ($45）帶子露笋串 ($70)脆炸薯角 ($20)焦糖炸麵條 ($25)Macau beer ($55)Fruit Punch ($50).開胃菜醃八爪魚酸酸甜甜，有encore的衝動。牛肉串味道同口感正常，帶子露笋串帶子嫩滑，只有兩串，相比下覺得原價略貴了一點。炸薯角細細粒配酒一流，味道唔算出眾，但令人上癮一粒接一粒咁食😂。.羊架記得要趁熱食，肉質夠嫩身香羊油脂味，又唔會太
.
來之前在網上睇過大約價位，無諗過黎到再次被驚喜到，真係抵食😱，基本款款幾十蚊不等，份量有大有細，兩三個人都試到成枱菜，宜家用澳門通等埋單有75折，係酒店內有咁既價位覺得相當抵食。
.
是日餐點：醃八爪魚 ($50)
香菜燒羊架 ($50)
招牌迷你和牛漢堡包 ($50)
茴香酒忌廉煮青口 ($40)
辣汁香茜煮蜆 ($35)
馬德拉牛肉串 ($45）
帶子露笋串 ($70)
脆炸薯角 ($20)
焦糖炸麵條 ($25)
Macau beer ($55)
Fruit Punch ($50)
.
開胃菜醃八爪魚酸酸甜甜，有encore的衝動。牛肉串味道同口感正常，帶子露笋串帶子嫩滑，只有兩串，相比下覺得原價略貴了一點。炸薯角細細粒配酒一流，味道唔算出眾，但令人上癮一粒接一粒咁食😂。
.
羊架記得要趁熱食，肉質夠嫩身香羊油脂味，又唔會太膻，放涼左肉會鞋少少，重點完全無諗過$50有兩件架😯。中心位的迷你和牛漢堡細細個，咬幾口解決曬，和牛香口，值得點番個試！
.
性價比較高的兩款👍，份量適中又平又好味，青口同蜆肉均有配麵包，蜆肉雖重海水鹹味，但勝在夠鮮甜，菜名標有辣汁卻無一點辣味😂，而青口肉嫩，加上麵包索曬忌廉汁真係好正🥰，有衝動為個汁叫多份麵包。
.
甜品是西班牙🇪🇸炸麵條，講吉拿棒可能大家熟啲，吉拿棒炸到熱辣辣，點落醬到即時望到焦糖融化🤤，廿幾蚊真係去邊搵啊！
_
⭐️ 需加一服務費
⭐️ 建議提前訂位
⭐️ 用Mpay/澳門通/消費卡 有75折優惠
Post
