禮記雪糕

Open Now

Now Closed

有時候食野，成日話食環境，食服務。其實往人情味最令人回味 。入到禮記，已經被懷舊氣氛包圍，70年歷史，唔係講笑。再加上旁邊幾個婆婆同老闆講起舊事，細說當年，直情好似時光倒流。 款式固然不及外國大牌子多，勝在人手製，雪糕三文治嗰種童年回憶，唔係哈根大比到你。試咗佢嘅雪糕紅豆冰，紅豆非常足料，雪糕味道仲可以任揀! 而芋頭雪糕味道亦非常清新，會咬到一粒粒小小嘅芋頭粒，同平日食嘅唔同，新奇既係發現芋頭雪糕唔係紫色，證明咩，絕無人造色素。如果你只追求雪糕嘅幼滑，味道，禮記或者會令你有少少失望。但如果你同我一樣，會欣賞佢嘅歷史同人情味，就值得一試啦。