晃記餅家

Open Now

Now Closed

上年年頭嚟既時候，整間鋪頭都係得我一個客人。多的也只有兩三個。上次買過肉切酥，覺得好好味。今個星期去開澳門，都要再買。但可怕的電視效應。門口既一張約A4 SIZE既阿蘇合照。攪到門口有一大條人龍，算啦，照等啦，終於到自己啦，但因為我地一行數人，我地計緊買幾多時，個老闆嫌我地慢，黑口黑面，都唔緊要。今次要訂，以前係唔需要訂架，一行入鋪就有架啦。等咗1個半鐘，早咗約五分鐘到，入去問下老闆有未，換來既係一大聲︰自己睇時間啦，唔駛問吖，寫晒係上面啦，嘩....佢唔講真係唔知...佢張似茶餐廳落單既紙好似晝符咁...點睇吖！撇除老闆態度差...其實個肉切酥都KEEP到。希望佢快D會覆平靜啦。