Video
Read full review
2009-10-26
200 views
呢度係我地一行四人第一日既午餐。呢個午餐我地食左呢間佳記外，仲食左祥記麵家(食評請到該店頁面)，最後仲食埋頤德行李康記豆腐花(食評請到該店頁面)做甜品。揀呢兩間麵家係因為呢兩間都係聞名於香港人之間，前者係有ar蘇推介，而後者由韜韜推介！我地想黎個蝦籽麵、水餃、雲吞大比併！所以兩間麵家都有叫呢d野食。蝦籽勞麵 ($16.5)：與祥記比，呢度既蝦籽香好多，麵雖然夠蛋香，但唔夠祥記既爽口。不得不提，跟蝦籽勞麵既清湯同普通既湯底好似有d唔同！比普通既湯底更香更濃！一定要試！淨水餃雲吞 ($16.5)：水餃ok比祥記既好，比起祥記呢度既水餃更似水餃，有少少大地魚既味，仲有爽口既筍絲，味道算唔錯。雲吞同祥記一樣，唔值得推介！係澳門雲吞都係松苑(食評請到該店頁面)既好，而香港既池記又比松苑既好。湯底都比祥記既好！炸醬麵($13)：叫呢個麵係因為好奇呢個麵家點解會有上海既炸醬麵？於是即管叫黎試下！我地對炸醬麵既外貌有d顎然！因為係簡單地用一個酸酸辣辣既辣椒醬勞落個幼麵到。麵同蝦籽勞麵既麵係一樣！要評都係評下個醬。個酸酸辣辣既辣椒醬幾得意，試下有隻甘既醬都幾得意油菜：好得意，呢度既油菜分開，跟豉油同蠔油
呢個午餐我地食左呢間佳記外，仲食左祥記麵家(食評請到該店頁面)，最後仲食埋頤德行李康記豆腐花(食評請到該店頁面)做甜品。揀呢兩間麵家係因為呢兩間都係聞名於香港人之間，前者係有ar蘇推介，而後者由韜韜推介！我地想黎個蝦籽麵、水餃、雲吞大比併！所以兩間麵家都有叫呢d野食。
蝦籽勞麵 ($16.5)：與祥記比，呢度既蝦籽香好多，麵雖然夠蛋香，但唔夠祥記既爽口。不得不提，跟蝦籽勞麵既清湯同普通既湯底好似有d唔同！比普通既湯底更香更濃！一定要試！
淨水餃雲吞 ($16.5)：水餃ok比祥記既好，比起祥記呢度既水餃更似水餃，有少少大地魚既味，仲有爽口既筍絲，味道算唔錯。雲吞同祥記一樣，唔值得推介！係澳門雲吞都係松苑(食評請到該店頁面)既好，而香港既池記又比松苑既好。湯底都比祥記既好！
炸醬麵($13)：叫呢個麵係因為好奇呢個麵家點解會有上海既炸醬麵？於是即管叫黎試下！我地對炸醬麵既外貌有d顎然！因為係簡單地用一個酸酸辣辣既辣椒醬勞落個幼麵到。麵同蝦籽勞麵既麵係一樣！要評都係評下個醬。個酸酸辣辣既辣椒醬幾得意，試下有隻甘既醬都幾得意
油菜：好得意，呢度既油菜分開，跟豉油同蠔油既油菜！價錢係蠔油($10)比豉油($8)油菜貴$2。是日我地未發現，以為油菜就會跟埋蠔油，所以就甘叫油菜，所以黎左碟跟豉油既。
總括而言：品質方面，呢度既水餃、蝦籽、普通既湯底、同跟蝦籽麵既湯都係比ar蘇介紹既祥記為好，所以整體黎講呢度係比祥記好！再睇埋個價錢，同一碗水餃麵，呢度賣$13，祥記賣$16一碗。水餃呢度又好食d，湯底又香濃d，係個麵唔夠祥記爽，但都夠蛋香喎，除了整體質素比祥記好，連個價錢都比祥記平，當然係呢度抵d啦！當然最理想用呢度既蝦籽去勞祥記既麵，再拼呢度既湯，加多碗呢度既水餃！但世事又點可以甘完美？因為呢度既蝦籽係無得買走架 hehee....
注意事項：呢間麵家係頤德行李康記豆腐花附近，面向李康記向左邊行，轉入左手面既巷就見到係右手邊。而營業時間，係由下午1:30pm開鋪，而星期一係休息，要留意喇！
Post
