一哥美食

Open Now

Now Closed

澳門美食又點只咁少呢今日繼續介紹😆依間其實之前介紹過一次，真係要必食，真心推介，我介紹過幾個朋友去食個個都讚好（利申：間餐廳同我無關，我無持股）依間餐廳出名係食水蟹粥既不過小妹👧🏻咁岩幾次都無食到先介紹依個「椒鹽排骨」$58一食係會食唔停口，因為太好味啦👍🏻👍🏻餸飯一流😋出面好多餐廳所謂的椒鹽都係就咁加啲淮鹽就當係🙈而依間係爆過蒜蓉同椒絲，超級香口果次個朋友仔仲話：淨係食依碟排骨，都可以餸十碗飯😂剛才話依間出名水蟹粥水蟹粥就無試到就試左依個「肉丸帶子粥」粥底真係好甜開頭都怕會係用左味精但食落又唔會見口渴所以係應該無落味精另外係餐廳門口見到師傅係用匙羹刮之前打好的肉落粥度所以佢啲肉丸唔係好似出面街買番黎咁圓碌碌同埋食落係超彈牙，唔知肉丸係咪撈左啲魚肉整呢？不過佢啲肉丸入面有埋白芝麻，所以食落就好香肉丸數量多到朋友話好似波波池而帶子份量都唔少平時唔鍾意食粥既我，都愛上食依個粥相信如果水蟹肉丸粥的話，個粥一定更加甜食粥梗係要配炒麵呢依個「乾炒肉絲麵」$40又大碟又乾身唔會好似有啲油笠笠咁都幾好味整體依間餐廳好多野食都好食門口有師傅即整腸粉見到個腸粉皮好薄，真係好吸引不過個肚唔爭氣，食唔到咁多