大堂炸雞 (Moved) New Location

大堂街喺大三巴行過去8分鐘左右。炸雞同薯條都即叫即炸！除咗炸雞，仲有飯同小食。。雞翼餐 $34炸雞可以揀雞翼或雞腿，餐飲可以揀涼茶好搞笑。驚太飽，所以揀咗雞翼餐試吓，炸粉好薄好酥脆，雞肉好滑好Juicy，可以encore。重點有蒜粉同辣椒粉任落，落完更重口味😋。有皮薯條 $11跟餐可以加小食，$11蚊份量好足。薯條係原個薯仔連皮切，切到好厚，啖啖薯仔蓉。薯條嘅炸粉冇炸雞咁薄，有啲位稍微厚左少少，但可接受。又係可以自己落粉😋😋當日兩點左右都full house，好彩唔洗排隊。炸雞有跟手套，唔怕整污糟。唯一缺點無冷氣，唔知夏天有無，驚夏天太熱。