360°旋轉餐廳

Open Now

Now Closed

距離上一次到訪，已經有10多年時間，今次黎到澳門，想再黎多次，重拾童年回憶。位於旅遊塔60樓嘅360 Cafe ,係全澳門最高、獨一無二嘅360旋轉餐廳。餐廳會大約個半鐘頭旋轉一圈，隨着餐廳慢慢旋轉，可飽覽澳門美不勝收嘅碎人景致。從旅遊塔60樓望出去，除咗可以見到澳門嘅景色之外，仲可以望到其他遊客玩笨豬跳同埋空中漫步嘅情景。自助餐除咗提供地道嘅葡國菜同中菜之外，仲有印度同日本等等既美食。不過最失望既係無海鮮同刺身。甜品雖然款式好多，但係每一件都好大份，所以試到嘅款式唔多，建議餐廳每份甜品可以再切得細分啲，咁客人就可以品嚐多幾款唔同嘅食物啦。預先喺旅遊網頁上買餐券，除咗可以以優惠價品嚐自助餐之外，仲包埋去旅遊塔其他樓層，更加近距離去睇遊客玩搵笨豬跳同埋空中慢步啦。總括來講，呢度食物選擇同質素都係一半，以二百幾蚊呢個價錢絕對可以搵到更加好嘅自助餐，如果唔係有靚景搭救，我絕對會非常失望。