Video
Read full review
2023-12-29
334 views
今次黎澳門，最期待就係呢間，係美食界紅到發癲嘅雞蛋仔店！🥰 一心黎食，所以一大早就黎排隊，誓要做佢第一個客人啊！👍🏻果然，好多人同我哋一樣，黎食雞蛋仔做早餐🤭。我哋已經預早左半個鐘頭到，但都慢慢開始越排越多人，短短20分鐘，就已經排左10幾個客等佢開門！⭐️葡撻味(招牌必食)作為呢間店嘅招牌，係真係好好食，好值得試一試嘅👍🏻。外面嘅雞蛋仔皮，好香脆又唔會太厚，仲有少少軟綿綿。搣嚟食嘅時侯，佢每粒都釀滿左葡撻嘅蛋漿餡，所以大力少少都爆漿，超誇張🤭。不過佢真係太足料，所以一個人如果食哂一底，都真係會有啲膩，建議幾個人share黎食，會輕鬆啲😊。⭐️瘋脆原味原味應該好多人會覺得普通😅，因為連店主都再三提醒我，係無饀架🙈。但我又真係好想試原味，咁先食到真味😂！佢嘅質地係再厚啲，入面都係軟綿綿嘅雞蛋糕，外皮好脆但覺得有少少太厚，但整體都係好食。比起香港嘅雞蛋仔，佢會食落覺得足料啲，厚實啲，挺身唔會𣺉。食開利強記就應該會覺得佢太厚太飽，但雞蛋仔其實本身就應該入面要有雞蛋糕饀，今次算係食左個好食又懷舊又古早味嘅雞蛋仔，讚👍🏻。不過整體上，俾人垢病得最勁嘅應該都係排隊問題。但無法啦，佢真係即叫即整手工野，
果然，好多人同我哋一樣，黎食雞蛋仔做早餐🤭。我哋已經預早左半個鐘頭到，但都慢慢開始越排越多人，短短20分鐘，就已經排左10幾個客等佢開門！
⭐️葡撻味(招牌必食)
作為呢間店嘅招牌，係真係好好食，好值得試一試嘅👍🏻。外面嘅雞蛋仔皮，好香脆又唔會太厚，仲有少少軟綿綿。搣嚟食嘅時侯，佢每粒都釀滿左葡撻嘅蛋漿餡，所以大力少少都爆漿，超誇張🤭。不過佢真係太足料，所以一個人如果食哂一底，都真係會有啲膩，建議幾個人share黎食，會輕鬆啲😊。
⭐️瘋脆原味
原味應該好多人會覺得普通😅，因為連店主都再三提醒我，係無饀架🙈。但我又真係好想試原味，咁先食到真味😂！佢嘅質地係再厚啲，入面都係軟綿綿嘅雞蛋糕，外皮好脆但覺得有少少太厚，但整體都係好食。比起香港嘅雞蛋仔，佢會食落覺得足料啲，厚實啲，挺身唔會𣺉。食開利強記就應該會覺得佢太厚太飽，但雞蛋仔其實本身就應該入面要有雞蛋糕饀，今次算係食左個好食又懷舊又古早味嘅雞蛋仔，讚👍🏻。
不過整體上，俾人垢病得最勁嘅應該都係排隊問題。但無法啦，佢真係即叫即整手工野，好新鮮👍🏻。當日我係第一個，就排15分鐘，但打後個啲都話要等半個鐘至一個鐘，就真係有啲太長🥺。如果中間有行程，可以落左單去行下街再返黎拎，或者一大早黎食，唔係都幾花時間幾阻行程🙈。
Post
