HANO

Open Now

Now Closed

澳門嘅大三巴附近後巷竟然有間冇乜人但又好有feel既刨冰店🤫依間舖既裝修日系風，格局用左大地色系，入到去個氣氛感覺都好柔和悠閑☺️，成間店都好適合打卡。宇治抺茶雪花冰🍵雪花冰同一般刨冰嘅最大分別就係雪花冰個口感食落好綿密🐑。個雪花冰賣相幾得意，上面有個貓爪形既餅同小丸子🍡，然後再加埋附送既一個迷你刨冰專門店嘅cute cute牌仔🥰。整體拍得上Shari Shari🍧，抺茶味食落勁濃郁，濃得嚟又唔會去到好苦果隻，再加上牛奶味🥛，成件事好似係「食」緊matcha latte🍵咁🫶🏻，同佢俾嘅醬份量唔少🤩，唔係淨係得外層先有抺茶醬，食到入去內層嘅冰都仲有抺茶醬，唔會怕食食下冇味。😋反而你覺得唔夠味仲可以加佢額外提供嘅煉奶🍼，但個人覺得唔加都好夠味👍🏻玄米茶🫖食冰食到咁上下個人開始有啲凍就係時候飲返壺暖笠笠既茶☺️，佢一壺過俾你自己倒落個杯度飲，可以令壺茶更容易keep到個溫度♨️。好香玄米味，而且飲落有回甘，最重要係一飲完真係成個人暖翻曬，又可以再坐喺間舖耐啲🤭。決定好下次過澳門可以再嚟依度坐下，舒服嘅空間加上好味嘅刨冰，絕對係悠閑嘅一日😌。