紅8粥麵

Open Now

Now Closed

經過此處，想起大紅燈籠高高掛，電影裏全紅燈光，這裏亦以红燈，红牆纸，紅梳化，配合餐廳名字。原打算去永利軒，但要等一小時，好似高竇高貴美女，我無乜耐性，轉而目標，被這個嬌少濃裝的美女勾引，就點佢燈。首先窩筍芝麻手撕雞-mop68,窩筍在底雞絲上面，做成圓柱體，少少心思，增加賣相美感，窩筍青甜，雞絲加芝麻，刀工精细，配合一齊食，清新。黑椒豬肉燒餅mop38，皮脆，豬肉跟葱黑椒，一咬香口，有火花，多些黑椒更好，配白粥一流。腐皮瑤柱白粥 mop28，上面只有少許瑤柱，但食唔到腐皮味，但粥好滑，我喜歡就係白米的香味，纯味明爐京醬燒鴨卷mop78，以為好似北京填鴨，以為自己動手，原來㕑師包好一件件上桌，味道跟北京填鴨一樣，葱絲，芹菜絲，鴨肉絲嫩，幼細，味道配合白粥，一淡一濃，very good.红，像年華盛放的氣紅，像斜陽漸遠的紀念……也像紅塵泛過一樣明艷！唱翻支歌，配合環境。