Video
Read full review
2018-07-03
1746 views
食過幾次添發想轉下食店、試下新野麻，上網調查過多間魚翅店，最後決定禮記。事隔幾年又再次踏足澳門，身邊的又是另一個，您估我想架？時也命也。落船即刻跳上的士，四眼肥姐司機都不知道禮記在那裡，幸好都識得車我地到百老滙大街啫，問問路轉個彎就在不遠處。早餐都未食，第一餐已經係午飯喇，好肚餓呢﹗步入酒樓只得一對父婦在進餐，幾乎包場，何解那麼冷清？澳門非常樂於被赤化嗎？全部侍應都是來自神州，操州語，仲要唔識廣東話！我問如何走到新濠天地，她們只識用普通回答，失望。美女走出門外抽抽煙，我就負責發板啦。套餐 $1000 蚊，快靚正唔洗諗，而且非常豐富，雞鮑翅湯、蝦子雜菌海蔘煲、蔥油淋雞、高湯浸莧菜、清蒸青斑仔、桂花糕。雞鮑翅湯，雞味清淡，奶味濃郁，翅針也不少，湯料有金華火腿絲又有雞肉，每人有兩碗多，味道可口甜美黏黏的，蠻不錯呢。蝦子雜菌海蔘煲，吱吱喳喳香噴噴送上，鑊氣迫人，再兜炒兩下，蝦子氣味更突出更芳香。秀珍菇、雞髀菇、鮮冬菇、鮮草菇，全部鮮爽味甜。海蔘絲本身無味，混埋雜菇齊齊食，零舍不同。最後再來兩棵爽甜西蘭花清清味蕾，完美的結束。蔥油淋雞，涼浸浸白切雞嫩滑彈彈，半肥瘦無肥膏，雞甜味突出，肉地有嚼勁而
落船即刻跳上的士，四眼肥姐司機都不知道禮記在那裡，幸好都識得車我地到百老滙大街啫，問問路轉個彎就在不遠處。早餐都未食，第一餐已經係午飯喇，好肚餓呢﹗步入酒樓只得一對父婦在進餐，幾乎包場，何解那麼冷清？
澳門非常樂於被赤化嗎？全部侍應都是來自神州，操州語，仲要唔識廣東話！我問如何走到新濠天地，她們只識用普通回答，失望。
美女走出門外抽抽煙，我就負責發板啦。套餐 $1000 蚊，快靚正唔洗諗，而且非常豐富，雞鮑翅湯、蝦子雜菌海蔘煲、蔥油淋雞、高湯浸莧菜、清蒸青斑仔、桂花糕。
雞鮑翅湯，雞味清淡，奶味濃郁，翅針也不少，湯料有金華火腿絲又有雞肉，每人有兩碗多，味道可口甜美黏黏的，蠻不錯呢。
蝦子雜菌海蔘煲，吱吱喳喳香噴噴送上，鑊氣迫人，再兜炒兩下，蝦子氣味更突出更芳香。秀珍菇、雞髀菇、鮮冬菇、鮮草菇，全部鮮爽味甜。海蔘絲本身無味，混埋雜菇齊齊食，零舍不同。最後再來兩棵爽甜西蘭花清清味蕾，完美的結束。
蔥油淋雞，涼浸浸白切雞嫩滑彈彈，半肥瘦無肥膏，雞甜味突出，肉地有嚼勁而不鞋不乾。蔥油惹味不腥嗅，搭上雞肉蔥油撈飯極之惹味開胃。話明唔想食太多飯，最後都失守了，兩碗飯全數消滅，罪過罪過。質素好過港雞百萬，味道好過港雞千倍，雖然不是熱食，但色香味俱全，無得頂呀﹗驚喜的演繹與烹調，拍爛手掌。
清蒸青斑仔，即叫即劏蒸魚需時，十五分鐘騰雲駕霚出場 ﹗姐姐們不拆魚的？無緊要，停我親手處理。蒸得略為有點過熟，魚肉實淨微鞋，有鮮味有魚味，味道不錯，啖啖肉入口非常暢快，魚肚及臉珠登最嫩滑美味。何解用上甜豉油？味道怪怪的喎，用豉抽、用蒸魚豉油才是麻。
上湯浸時蔬，最初還以為係蕃薯苗，食緊既時候都覺得蕃薯苗，夾起細看下發現葉身好長喎，莧菜來的呢。腍腍的，不爽但鮮甜，大注大注地塞入嘴中，滿足又滿意。真的真的十分飽啊，真的真的好滿足啊，食飽充滿力量與美女向著賭場出發，殺呀﹗
雞鮑翅湯
39 views
0 likes
0 comments
蝦子雜菌海蔘煲
35 views
0 likes
0 comments
蝦子雜菌海蔘煲
31 views
0 likes
0 comments
蔥油淋雞
44 views
0 likes
0 comments
蔥油淋雞
35 views
0 likes
0 comments
清蒸青斑仔
30 views
0 likes
0 comments
清蒸青斑仔
24 views
0 likes
0 comments
上湯浸時蔬
29 views
0 likes
0 comments
Post
