巴黎軒

Open Now

Now Closed

同媽媽過大海慶祝澳門生日之旅正式開始💃之前聽老細介紹過呢間餐廳嘅點心同環境都非常之好！所以我哋一早就已經book咗枱😁不過留意返如果想坐窗邊位嘅話，如果遇到繁忙時段，係會有時限㗎！詳情就要自己問返餐廳啦❤️先講講佢哋嘅環境真係令人印象深刻！巴黎鐵塔嘅設計風格，所以就算係食中菜都好，環境氣氛都幾西式！ 💃但係食嘅時候亦都唔會令你有一種過份拘謹嘅感覺，呢樣嘢真係好好！然之後食物由於我哋晏晝嚟，所以食就梗係要食佢哋嘅點心啦😆佢哋嘅點心有廚師帽嗰啲，記得都一定要試下😍😍因為樣樣都真係好好味！有幾好味我就唔多講喇，擺得出嚟畀大家嘅都係真心推介上大家試下架💃然後要講佢哋嘅服務啦！佢哋其中有個服務員，係男仔嚟㗎，做咗半年左右，進食嘅過程 佢都介紹番每一道菜色嘅特色，完全將廚師嘅心機更加用說話去表達出嚟！而且仲教我哋點樣影靚相。❤️真係好欣賞佢呢一份嘅態度！而且全程都笑容可掬，而最最最緊要就梗係多謝餐廳安排咗最靚景L型位置嘅窗邊位畀我哋啦😁因為L型嘅位置可以睇到接近180度的風景，如果淨係單邊嘅窗邊位就只可以睇到一邊嘅風景嘅咋😄順帶一提金沙會員係有九折㗎😁