永利軒

Open Now

Now Closed

每次來澳門回程一定朝聖~Mgm和永利。永利軒是我其中一間喜歡的， 每次來冇預訂都冇位，今次星期二1:30pm到達，要到2:00pm,才有位。喜歡佢落地大玻璃配厚厚鮮艷顏色窗簾，外望澳門海，就像仕女穿上低腔衣，紅色軟绵绵回纹花地氈~穿上錦羅玉衣，襯上黄色皮櫈，做綑邊，天花吊燈帶頭冠，加上一條水晶龍花紋纏繞，白色枱布~妃子肌膚，銀器用具作首飾，紅色辣椒醬點紅唇，綠色薄荷辣椒醬眼尾掃一點眼影（不是太辣，幾特別），枱上橙红花球擋襟花（用多朵花的花辦齊成，因我讚靚，親切溫文經理告訴我），一幅艷麗氣派！破軍說食得飯落，低過食點心， 生拆蟹肉瑤柱蔥花炒飯$220，好有蟹香味，鮮，略咸，蛋白好香，份量小， 瑤柱好好味（炸過）， 夠鑊氣！黑虎掌真菌素餃$70，淡口，有香芹碎，不像牛肝菌那濃味，但有心思，皮晶瑩外，邊有牙纹！初初上鮑魚燒雞穌$70，問經理，佢有禮承認聽錯，即換，很久之前在香港已試過多間鮑魚稣，現在反而食基本，想試㕑師怎樣將平平無奇至間單的食物做到至上，化腐朽為神奇，松露醬味剛好香，鬆化，咬一片一片花辦薄穌皮，好熱辣咀，內有松子仁，汁肉有點酒香，甜度適中。靚女更要俾些錢駛吓！