旺德福火鍋

Open Now

Now Closed

舖頭面積比較細，價錢有少少貴，不過質素係好嘅。卜卜蜆：湯底係清湯加大量嘅蒜蓉  ，同一個熊仔造型嘅牛油。叫咗小辣，但係其實食落都冇咩辣。上到枱個造型好靚，打卡一流。睇住啲蜆慢慢卜卜地打開，好療癒嘅感覺。蜆肉好鮮甜。因為湯底比較清，所以就食到蜆肉嘅清甜味，同埋比較濃郁嘅牛油味。另外佢舖頭嘅豉油都比較甜，就算啲蜆點咗豉油，只會增添少少鮮味，而唔會太鹹，係好味嘅。打邊爐材料:頂級牛肋王：嚟到先知原來係牛肉粒，冇睇清楚。大部份牛肉粒都有牛筋，要煮得耐啲先會腍，否則牛筋嘅部份會好韌。牛肉味非常濃郁，係好味嘅。👌🏼美國牛小排：質地嫩滑。但係因為食咗牛肉粒先，味道會顯得淡一啲，冇牛肉粒嗰種牛肉味好濃郁嘅味道，但係質地係好嘅。😕西班牙豬腩肉：肥膏好多，正正常常冇咩特別。唔算特別鮮甜，少少韌。蜂巢冰豆腐：索晒鮮甜海鮮味嘅湯底，非常好味。👌🏼玫瑰蝦滑：食落同普通蝦滑冇咩分別，都係爽彈嘅，但係冇食到玫瑰味。另外黃芽白或者油麥菜都會索左湯底嘅鮮甜味同牛油味，好味。總結：少貴，但幾高質。