Video
Read full review
2016-04-28
2840 views
繼續澳門遊。。。 本來飲完個早 + 午茶之後，都飽飽地，但行到咁上下，又想食個tea填下個肚。。。 而早喺出發前，喺網上搵過呢間舖。。。好似好多野食，又好似冇咩食，但見好多人都讚呢度啲豆腐勁正，又滑。。。價錢又平民，啱哂我地~但我自己就覺得呢度都唔易搵。。。一直喺大街小巷左穿右插。。。兜左勁耐，問埋人先搵到。。。 但都幾出名，喺內街隨便問個街坊，佢聽到就好詳細咁教我地應該點行。。。先唔洗再亂兜。 入到去，舖頭唔算大，一眼望哂，但一啲都唔迫。佢應該有餐牌，不過我張枱咁啱冇。唔緊要，仲有個巨型嘅餐牌掛喺牆，方便食客睇。(真係超巨型呀!!) 坐低第一件事，唔諗喇，嗌個淨豆腐試下先~~(其實都想食個麵，但都擔心會穫利回吐。。。唯有留番下次啦) 黎到嘅時候，對眼己經俾佢迷住左。。。驟眼望已經覺得好滑，好吸引。。。 一食入口，滑到差啲直入喉嚨，實在太滑喇! 完全唔識形容。。。只可以講真係滑到冇朋友呀!! 除左豆腐，全餐餸都係呢度嘅招牌菜，搵得咁辛苦，梗係要試埋呢個招牌菜啦。 呢個全餐餸有分大，中，細三款。我地志在試新野，見中同細個價錢差唔多爭一倍，但個分別在於冇雞翼同埋份量
本來飲完個早 + 午茶之後，都飽飽地，但行到咁上下，又想食個tea填下個肚。。。
而早喺出發前，喺網上搵過呢間舖。。。
好似好多野食，又好似冇咩食，但見好多人都讚呢度啲豆腐勁正，又滑。。。價錢又平民，啱哂我地~
但我自己就覺得呢度都唔易搵。。。一直喺大街小巷左穿右插。。。兜左勁耐，問埋人先搵到。。。
但都幾出名，喺內街隨便問個街坊，佢聽到就好詳細咁教我地應該點行。。。先唔洗再亂兜。
入到去，舖頭唔算大，一眼望哂，但一啲都唔迫。
佢應該有餐牌，不過我張枱咁啱冇。唔緊要，仲有個巨型嘅餐牌掛喺牆，方便食客睇。(真係超巨型呀!!)
坐低第一件事，唔諗喇，嗌個淨豆腐試下先~~(其實都想食個麵，但都擔心會穫利回吐。。。唯有留番下次啦) 黎到嘅時候，對眼己經俾佢迷住左。。。驟眼望已經覺得好滑，好吸引。。。
一食入口，滑到差啲直入喉嚨，實在太滑喇! 完全唔識形容。。。只可以講真係滑到冇朋友呀!!
荳腐 (淨餸)
126 views
0 likes
0 comments
呢個全餐餸有分大，中，細三款。
我地志在試新野，見中同細個價錢差唔多爭一倍，但個分別在於冇雞翼同埋份量應該少啲，但唔緊要啦，又唔係好肚餓，就嗌個細嘅試下啦~
黎到見到，話係細size，但佢又真係幾足料，份量又多，感覺己經有啲似大雜燴。。。
(實在唔敢諗大嘅全餐餸會係點樣。。。)
豆腐唔洗講，滑到不得了。
魚球即係鯪魚球，雖則得一嚿，但都幾大嚿，幾有口感，好食。
鴨紅=豬紅，一般味道，都好食嘅。
豬皮索左啲湯，正呀!
魚旦就比較細粒，但都有3, 4 粒，而且唔會好淋。
至於雞腸就好爽口，好正呀!
但係魷魚就略嫌唔夠味，唔會好淋但味道比較淡。
菜就好似寶物尋歸底咁，食哂啲餸先見到佢。。。都好，索哂啲味。
全餐餸 - 細
171 views
1 likes
0 comments
結果都係抵唔住誘惑，食埋個甜品。
我自己就覺得食豆腐花幾時都係熱辣辣係最好味，點知原來佢豆腐花都有分大細。。。
(真係照顧周到)
經過全餐餸之後，決定都係要碗細嘅兩個人分安全啲。。。
一如所料，即使係細，個份量都有番咁上下。
但係個口感一樣咁正，而今次真係滑到直落喉嚨，就好似食藥咁，滑到不得了。正呀!
熱豆腐花
80 views
0 likes
0 comments
如果個胃再大啲，隨時可以一次過試哂所有野呀。。。
而家唯有等下次再黎啦~~一定好快再黎食過~!
BTW, 老闆娘同啲夥計都好nice呀，一邊食野一邊同佢地傾唔少計。臨走問路時佢地仲好熱心咁教我地兩個路痴點行。。。
Post
